Logo

Current Affairs

தற்போதைய நிகழ்வுகள்
தற்போதைய நிகழ்வுகள் வகைகள்
All Current Affairs

ஐசிசி தரவரிசை பட்டியல்: அஸ்வின் 'நம்பர் 1'

சர்வதேச கிரிக்கெட் கவுன்சில் வெளியிட்டுள்ள டெஸ்ட் பந்து வீச்சாளர்களுக்கான தரவரிசை பட்டியலில் இந்தியாவின் ரவிச்சந்திரன் அஸ்வின் முதலிடம் பெற்றுள்ளார்.

நடைபெற்று முடிந்த நியூசிலாந்துக்கு எதிரான 3 போட்டிகள் கொண்ட டெஸ்ட் தொடரில், அஸ்வின் மொத்தம் 27 விக்கெட்டுகளை வீழ்த்தியிருந்தார். மேலும் தொடர் நாயகன் விருதையும் அவரே வென்றிருந்தார். தற்சமயம் அவர் 39 டெஸ்ட் போட்டிகளில் 220 விக்கெட்டுகளை வீழ்த்தியுள்ளார்.

இந்த போட்டித் தொடர் துவங்குவதற்கு முன்பு தரவரிசை பட்டியலில் மூன்றாவது இடத்திலிருந்த அஸ்வின், இந்த வெற்றியின் காரணமாக இங்கிலாந்தின் ஜேம்ஸ் ஆண்டர்சன், தென் ஆப்பிரிக்காவின் டேல் ஸ்டெயின் ஆகியோரை பின்னுக்கு தள்ளி, 900 புள்ளிகளுடன் முதல் இடத்தைப் பெற்று சாதனை படைத்துள்ளார்.

பேட்ஸ்மேன்களை பொறுத்தவரை புஜாரா 14-ஆவது இடத்திலும், விராத் கோலி 16-ஆவதுஇடத்திலும் உள்ளனர்.

ஆல் ரவுண்டர்களை பொறுத்தத வரை இந்தியாவை ரவீந்திர ஜடேஜா மூன்றாவது இடத்தை பகிர்ந்து கொள்கிறார்.

Reviews


 

டெஸ்ட் தரவரிசை: இந்தியா முதலிடம்!

நியூஸிலாந்துக்கு எதிரான 3-ஆவது டெஸ்ட் கிரிக்கெட் போட்டியில் 321 ரன்கள் வித்தியாசத்தில் இந்திய அணி வெற்றி பெற்றது. இந்தத் தொடரின் முந்தைய 2 போட்டிகளிலும் வென்ற இந்திய அணி, 3-ஆவது போட்டியின் வெற்றி மூலமாக தொடரை முழுமையாக கைப்பற்றி (3-0) சாதனை படைத்துள்ளது.

நியூஸிலாந்துக்கு எதிரான டெஸ்ட் தொடரில் வென்றதை அடுத்து, இந்திய அணி டெஸ்ட் கிரிக்கெட் தரவரிசையில் 115 புள்ளிகளுடன் முதலிடத்தை மீண்டும் பிடித்துள்ளது. இந்திய அணியை முதலிடத்துக்கு வழிநடத்திச் சென்ற கேப்டன் கோலிக்கு, ஐசிசி டெஸ்ட் சாம்பியன்ஷிப்பிற்கான விருதை இந்திய அணியின் முன்னாள் கேப்டன் சுனில் கவாஸ்கர் வழங்கினார்.

"டெஸ்ட் சாம்பியன்ஷிப்பிற்கான விருதை பெறுவது கெளரவமான தருணமாகும். அணியின் செயல்பாட்டுக்கு ஒவ்வொரு வீரரின் பங்களிப்பும் முக்கியமானதாகும். அணி வீரர்களிடையே நல்லுறவு இருப்பதும், இக்கட்டான தருணங்களில் கைகொடுப்பதுமே இத்தகைய நிலைக்கு அணியை உயர்த்தியுள்ளது. இதற்காக அனைத்து வீரர்களுக்கும், இதர ஊழியர்களுக்கும் நன்றி தெரிவித்துக் கொள்கிறேன்' என்று கேப்டன் கோலி கூறினார்.

Reviews


 

டிராக் ஆசியக் கோப்பை சைக்கிள் போட்டியில் மூன்று தங்கம், இரண்டு வெள்ளி, ஒரு வெண்கலப் பதக்கங்களுடன் இந்தியா

டிராக் ஆசியக் கோப்பை சைக்கிள் போட்டிகள் 2016, நேற்று புதுதில்லியில் தொடங்கியது. தொடக்க நாளன்று, இந்தியா, மூன்று தங்கம், இரண்டு வெள்ளி, ஒரு வெண்கலப் பதக்கம் வென்றது.

Velodrome எனப்படும் உள் விளையாட்டரங்கு விரைவு சைக்கிள் போட்டியில், இந்தியாவின் Deborah Herold தங்கம் வென்றார். அணிகள் பிரிவில் Deborah Herold மற்றும் Kezia Vergheese அடங்கிய இந்திய அணி, கஸகிஸ்தான் அணியைத் தோற்கடித்து தங்கம் வென்றது. ஜூனியர் பிரிவில், இந்திய அணி வெள்ளிப் பதக்கம் வென்றது.

முதன் முதலாக, சர்வதேசப் போட்டியில் பங்கேற்கும் Alena Reji, வெள்ளிப் பதக்கம் வென்றார். 3 கி.மீ. போட்டியில் தமக்கு எதிராக போட்டியிடுபவர் போட்டியில் இருந்து விலகியதால், ராஜ்குமாரி தேவிக்கு வெண்கலப் பதக்கம் வழங்கப்பட்டது குறிப்பிடத்தக்கது.

Reviews


 

ISSF ஜூனியர் உலக்கோப்பை: இந்தியா, 6 தங்கம், 4 வெள்ளி, 8 வெண்கல பதக்கங்களுடன் 2—வது இடத்தில் உள்ளது.


ISSF ஜூனியர் உலகக்கோப்பை துப்பாக்கி சுடல் போட்டியில், 25 மீட்டர் ராபிட் ஃபையர் பிஸ்டல் பிரிவில்,  இந்தியாவின் RUSHIRAJ BAROT , தங்கம் வென்றார். இந்தியா இதுவரை, 6 தங்கம், 4 வெள்ளி மற்றும் 8 வெண்கல பதக்கங்களுடன், பதக்க பட்டியலில் இரண்டாவது இடத்தில் உள்ளது. ரஷ்யா, 21 பதக்கங்களுடன் முதல் இடத்தில் இருக்கிறது. முன்னதாக, 10 மீட்டர் ஏர் ரைஃபிள் பிரிவில், இந்திய ஆடவர் அணி, தங்கம் வென்றது.  5 மீட்டர் பிஸ்டல் பிரிவில், இந்திய ஜூனியர் ஆடவர் அணி, வௌ¢ளிப்பதக்கம் பெற்றது. ஜூனியர் மகளிர் பிரிவில், 10 மீட்டர் ஏர் ரைஃபிள்  போட்டியில்,  இந்திய அணி, வெண்கல பதக்கம் வென்றது.
Reviews


 

சர்வதேச துப்பாக்கி சுடுதலில் மதுரை மாணவர்கள் சாதனை

சர்வதேச துப்பாக்கி சுடும் போட்டியில் மதுரையைச் சேர்ந்த கல்லூரி மாணவர்கள் இருவர் வெள்ளி, வெண்கலப் பதக்கம் வென்று சாதனை படைத்துள்ளனர்.

அஜர்பைசானின் கபாலா நகரில் 20 வயதுக்கு உட்பட்டோருக்கான ஜூனியர் சர்வதேச துப்பாக்கிக் சுடும் போட்டி நடைபெற்று வருகிறது. இதில் இந்தியா சார்பில் வீரர்கள் பங்கேற்றனர். இதில் 50 மீட்டர் புரோன் ரைபிள் பிரிவில் மதுரை தியாகராஜர் பொறியியல் கல்லூரி மாணவர் அஜய் நிதீஷ் வெள்ளிப் பதக்கம் வென்றார்.

இதே பிரிவில் மதுரை தெப்பக்குளம் தியாகராஜர் கலைக்கல்லூரி மாணவர் சர்வேஜ் சொருத் சங்கர் வெண்கலம் வென்றுள்ளார். பதக்கம் வென்ற இருவரும் நாளை மதுரைக்கு வருகின்றனர். பதக்கம் வென்ற வீரர் களுக்கு அவர்களது கல்வி நிறுவ னங்கள், பாராட்டு தெரிவித்துள்ளன.

Reviews