ஆசிய அகாடமி படைப்பு விருதுகள் 2026: 'பண்டர்பூர் வாரி' ஆவணப்படம் இந்தியாவின் தேசிய வெற்றியாளர்

09-10-2026 · தமிழ்

பாடப் பகுதிகள்: விருதுகள் · 9 அக்டோபர் 2026 நடப்பு நிகழ்வுகள் (TNPSC குரூப் 1, 2, 4 / UPSC / SSC / RRB)

செய்தி

மகாராஷ்டிர அரசின் தகவல் மற்றும் மக்கள் தொடர்புத் துறையும் (IPRD) வார்னர் பிரதர்ஸ் டிஸ்கவரி நிறுவனமும் இணைந்து தயாரித்த 22 நிமிட ஆங்கில ஆவணப்படம் 'பண்டர்பூர் வாரி – புனிதர்களின் அடிச்சுவட்டில்' (Pandharpur Wari – In the Footsteps of the Saints), ஆசிய அகாடமி படைப்பு விருதுகள் (AACA) 2026-ல் 'சிறந்த பிராண்டட் நிகழ்ச்சி' பிரிவில் இந்தியாவின் தேசிய வெற்றியாளராகத் தேர்வானது. முதல்வர் தேவேந்திர ஃபட்னவிஸ் பாராட்டினார்.

முக்கியத் தகவல்கள்

பின்னணி

• பண்டர்பூர் வாரி: ஆஷாட ஏகாதசிக்கு (ஜூன்–ஜூலை) வார்க்கரி பக்தர்கள் சுமார் 250 கி.மீ., 21 நாள்கள் நடந்து பண்டர்பூர் விட்டல் (விட்டோபா) கோயிலுக்குச் செல்லும் 700 ஆண்டுப் பழமையான யாத்திரை. சந்த் ஞானேஷ்வர் பல்லக்கு ஆளந்தியிலிருந்து, சந்த் துக்காராம் பல்லக்கு தேஹுவிலிருந்து புறப்படுகின்றன.
• புவியியல்: பண்டர்பூர் – சோலாப்பூர் மாவட்டம், பீமா நதி (இங்கு 'சந்திரபாகா') கரையில்.
• பக்தி இயக்கம் – மகாராஷ்டிரம்: ஞானேஷ்வர் ('ஞானேஸ்வரி', 13-ஆம் நூ.), நாமதேவர், ஏக்நாத், துக்காராம் ('அபங்கங்கள்') – சாதி வேறுபாடு கடந்த சமத்துவச் செய்தி.
• ஆசிய அகாடமி படைப்பு விருதுகள் (AACA): 2018 முதல் சிங்கப்பூரில்; ஆசிய–பசிபிக் நாடுகளின் தொலைக்காட்சி, இணையத் தொடர், திரைப்படங்களுக்கு – முதலில் நாடுவாரியான 'தேசிய வெற்றியாளர்கள்', பின் பிராந்திய 'கிராண்ட்' வெற்றியாளர்கள்.

தமிழ்நாடு தொடர்பு: பக்தி இயக்கம் 6–9-ஆம் நூற்றாண்டுகளில் தமிழ்நாட்டில் ஆழ்வார்கள் (திருமால்), நாயன்மார்கள் (சிவன்) மூலம் தொடங்கி வடக்கே பரவியது. சிறந்த திரைப்படமாகத் தேர்வான 'பைசன் காலமாடன்' – மாரி செல்வராஜ் இயக்கிய தமிழ்ப் படம் (நீலம் ஸ்டுடியோஸ்).

ஆதாரம்: ரிபப்ளிக் பாரத், அக். 9, 2026; மீடியாபிரீஃப், அக். 5, 2026

TNPSC வகுப்பறை / ஆன்லைன் பயிற்சியில் சேர: கோவையில் TNPSC பயிற்சி · கட்டண விவரம் · அழைக்க 99941 46662.

TNPSC Achievers