இந்திய தேசிய இயக்கம் PYQ – இந்திய தேசிய காங்கிரஸ், அகிம்சை வழிப் போராட்ட வளர்ச்சி, புரட்சிகர இயக்கங்கள் – பகுதி 3 (வினா 101–150) | வினாடி வினா

1.

COMBINED ACCOUNTANT – TREASURY DEPT – 2024

பின்வருவனவற்றைக் காலவரன்முறைப்படி சரியாக வரிசைப்படுத்துக.

(I) வெள்ளையனே வெளியேறு இயக்கம்

(II) சிம்லா மாநாடு

(III) பூனா ஒப்பந்தம்

(IV) அமைச்சரவைத் தூதுக்குழு

Correct Answer: C [(III), (I), (II), (IV)]

விளக்கம்:

பூனா ஒப்பந்தம் (செப்டம்பர் 1932) – காந்தியடிகள், அம்பேத்கர் இடையே → வெள்ளையனே வெளியேறு இயக்கம் (ஆகஸ்ட் 1942) → சிம்லா மாநாடு (ஜூன் 1945, வேவல் பிரபு) → அமைச்சரவைத் தூதுக்குழு (மார்ச் 1946) . எனவே (III), (I), (II), (IV).

2.

COMBINED ACCOUNTANT – TREASURY DEPT – 2024

1940இல் 'தனிநபர் சத்தியாகிரகம்' செய்த முதல் சத்தியாகிரகி யார்?

Correct Answer: C [வினோபா பாவே]

விளக்கம்:

ஆகஸ்ட் அறிக்கையை (1940) ஏற்காத காங்கிரஸ், போர் எதிர்ப்புப் பேச்சுரிமையை வலியுறுத்தித் தனிநபர் சத்தியாகிரகத்தைத் தொடங்கியது. 1940 அக்டோபர் 17 அன்று வினோபா பாவே முதல் சத்தியாகிரகியாக அதைத் தொடங்கினார் (TN 12ஆம் வகுப்பு); இரண்டாவது சத்தியாகிரகி ஜவஹர்லால் நேரு .

3.

AAO & AHO – 2024

1945இல் சிம்லா மாநாட்டைக் கூட்டிய அரசப் பிரதிநிதி

Correct Answer: A [வேவல் பிரபு]

விளக்கம்:

வேவல் திட்டத்தை விவாதிக்க வைசிராய் வேவல் பிரபு ஜூன் 1945இல் சிம்லா மாநாட்டைக் கூட்டினார்; வைசிராயின் நிர்வாகக் குழுவில் முஸ்லிம் உறுப்பினர்களை நியமிக்கும் உரிமையில் ஜின்னா பிடிவாதமாக இருந்ததால் மாநாடு தோல்வியடைந்தது.

4.

AAO & AHO – 2024

பின்வருவனவற்றைப் பொருத்தி சரியான விடையைத் தேர்வு செய்க: இந்திய தேசிய காங்கிரஸ் மாநாடுகள் நடைபெற்ற இடம் மற்றும் ஆண்டுகள்.

(a) டெல்லி – 1. 1887

(b) லாகூர் – 2. 1888

(c) அலகாபாத் – 3. 1893

(d) சென்னை – 4. 1932

Correct Answer: D [4 3 2 1]

விளக்கம்:

சென்னை – 1887 (பத்ருதீன் தியாப்ஜி தலைமை), அலகாபாத் – 1888 (ஜார்ஜ் யூல்), லாகூர் – 1893 (தாதாபாய் நௌரோஜி), டெல்லி – 1932 (சட்டமறுப்பு இயக்கக் காலத்தில் அரசின் தடையை மீறி நடந்த மாநாடு). எனவே a-4, b-3, c-2, d-1.

5.

GROUP 4 – 2024

________ புரட்சிகர நடவடிக்கைகளுக்காக ராம்பிரசாத் பிஸ்மில் மற்றும் அஷ்ஃபாகுல்லா கானும் கைது செய்யப்பட்டு சிறைத்தண்டனை விதிக்கப்பட்டது. [TNPSC வினாத்தாளில் உள்ளபடி; சரியானது: இருவருக்கும் மரண தண்டனை விதிக்கப்பட்டது]

Correct Answer: B [காகோரி சதி வழக்கு]

விளக்கம்:

ஹிந்துஸ்தான் ரிபப்ளிகன் அசோசியேஷன் (HRA) உறுப்பினர்கள் 9 ஆகஸ்ட் 1925இல் லக்னோ அருகிலுள்ள காக்கோரியில் ரயிலில் கொண்டு செல்லப்பட்ட அரசுப் பணத்தைக் கைப்பற்றினர் .

6.

GROUP 4 – 2024 · REPORTER – 2022

அலிப்பூர் குண்டு வெடிப்பு வழக்கில் புரட்சிகர தேசியவாதிகளுக்காக வாதாடியவர் யார்?

Correct Answer: A [சித்தரஞ்சன் தாஸ்]

விளக்கம்:

அரவிந்த கோஷ், அவரது சகோதரர் பரீந்தர் குமார் கோஷ் உள்ளிட்டோர் கைது செய்யப்பட்ட அலிப்பூர் குண்டுவெடிப்பு வழக்கில் (1908) புரட்சிகர தேசியவாதிகளுக்காக சித்தரஞ்சன் தாஸ் வாதாடினார் (TN 12ஆம் வகுப்பு).

7.

GROUP 4 – 2024

வங்கப் பிரிவினையின் போது ரக்ஷா பந்தன் விழாவைப் பெருமளவில் மக்கள் பங்கேற்பைத் தொடக்கி வைத்தவர்

Correct Answer: D [இரவீந்திரநாத் தாகூர்]

விளக்கம்:

வங்கப் பிரிவினை நடைமுறைக்கு வந்த 16 அக்டோபர் 1905 அன்று, இந்து–முஸ்லிம் ஒற்றுமையைக் காட்டும் விதமாக ஒருவருக்கொருவர் இராக்கி கட்டும் ரக்ஷா பந்தன் விழாவை இரவீந்திரநாத் தாகூர் மக்கள் இயக்கமாக நடத்தினார். அந்நாள் துக்க நாளாகவும் அனுசரிக்கப்பட்டது.

8.

GROUP 1 – 2024

கீழ்க்கண்டவற்றைக் கால வரிசைப்படுத்துக:

(1) மித்ர மேளா

(2) அனுசீலன் சமிதி

(3) இந்திய தன்னாட்சிக் கழகம்

(4) ஹிந்துஸ்தான் கதர் [TNPSC வினாத்தாளில் உள்ளபடி; சரியானது: ஹிந்துஸ்தான் கதார்]

Correct Answer: A [(1) – (2) – (3) – (4)]

விளக்கம்:

மித்ர மேளா (1899, நாசிக் – சாவர்க்கர் சகோதரர்கள்; பின்னர் அபிநவ பாரத்) → அனுசீலன் சமிதி (1902, வங்காளம்) → இந்திய தன்னாட்சிக் கழகம் (Indian Home Rule Society, 1905, லண்டன் – ஷியாம்ஜி கிருஷ்ண வர்மா) → கதார் கட்சி (1913, அமெரிக்கா – லாலா ஹர்தயாள்) .

9.

GROUP 1 – 2024

பின்வரும் நிகழ்வுகளைக் காலவரிசைப்படி ஒழுங்கமைக்கவும்:

(1) இந்திய அரசுச் சட்டம் – 1935

(2) காந்தி-இர்வின் ஒப்பந்தம்

(3) வகுப்புவாத ஒதுக்கீடு

(4) கிரிப்ஸ் தூதுக்குழு

Correct Answer: C [(2), (3), (1), (4)]

விளக்கம்:

காந்தி–இர்வின் ஒப்பந்தம் (மார்ச் 1931) → வகுப்புவாரி ஒதுக்கீடு (ஆகஸ்ட் 1932, ராம்சே மெக்டொனால்டு) → இந்திய அரசுச் சட்டம் (1935) → கிரிப்ஸ் தூதுக்குழு (1942) . எனவே (2), (3), (1), (4).

10.

GROUP 1 – 2024

பின்வருவனவற்றில் எது சரியாகப் பொருந்தவில்லை?

Correct Answer: B [சாவித்ரி பாய் பூலே – இந்தியாவின் ஊழியர் சங்கம்]

விளக்கம்:

இந்தியப் பணியாளர் சங்கத்தை (Servants of India Society) 1905இல் கோபால கிருஷ்ண கோகலே நிறுவினார்; சாவித்திரிபாய் புலே அல்லர். எனவே (B) தவறான இணை. சாவித்திரிபாய் புலே, ஜோதிபா புலேயுடன் இணைந்து பெண் கல்விக்குப் பாடுபட்டவர். பிற இணைகள் சரி.

11.

GROUP 1 – 2024

பின்வரும் பத்தியைப் படித்து எந்த நிகழ்வு அல்லது இயக்கம் குறிப்பிடப்பட்டுள்ளது என்று பதில் தரவும்.

"இது இந்திய அரசியல் வரலாற்றில் ஆழமான தாக்கத்தை ஏற்படுத்தியது. ஒரு அரசியல் கோணத்தில் இந்த நடவடிக்கை அப்பகுதியில் இந்து – முஸ்லீம் வேறுபாடுகளை வலியுறுத்தியது. முஸ்லீம்களுக்கு ஒரு பிராந்திய அடையாளத்தையும் வகுப்புவாத வாக்காளர்களையும் வழங்குவதன் மூலம் பிரிட்டிஷ் அரசாங்கம் நுட்பமான முறையில் இந்திய தேசிய காங்கிரஸில் முஸ்லீம் பங்கேற்பின் சாத்தியத்தை முறியடிக்க முயற்சித்தது."

Correct Answer: A [வங்காளப் பிரிவினை]

விளக்கம்:

கர்சன் பிரபுவின் 1905 வங்காளப் பிரிவினை , முஸ்லிம்கள் பெரும்பான்மையாக வாழ்ந்த கிழக்கு வங்காளம் – அசாம் என்ற தனி மாகாணத்தை உருவாக்கி, மத அடிப்படையில் மக்களைப் பிரித்தது.

12.

GROUP 1 – 2024

காரணம் மற்றும் கூற்று:

கூற்று [A]: 1922-ல் மகாத்மா காந்தி சவுரி சவுரா நிகழ்வால் ஒத்துழையாமை இயக்கத்தை நிறுத்தினார்.

காரணம் [R]: சுபாஷ் சந்திரபோஸ் மற்றும் சில தலைவர்கள் வன்முறையற்ற போராட்டம் என்ற கருத்தை எதிர்த்தனர்.

Correct Answer: A [[A] சரி [R] தவறு]

விளக்கம்:

TN 12ஆம் வகுப்புப் பாடநூல்: 1922 பிப்ரவரி 5இல் உத்தரப்பிரதேசத்தின் கோரக்பூர் மாவட்டம் சௌரி சௌராவில் ஆத்திரமடைந்த கூட்டம் காவல் நிலையத்தை எரித்ததில் 22 காவலர்கள் உயிரிழந்தனர் ; இதையடுத்து காந்தியடிகள் இயக்கத்தைத் திரும்பப்பெற்றார்; பர்தோலியில் காங்கிரஸ்…

13.

COMBINED TECHNICAL SERVICES (IV POST) – 2024

பட்டியல் I உடன் பட்டியல் II ஐ பொருத்துக. கீழ்க் குறிப்பிட்டுள்ள குறியீடுகளில் இருந்து சரியான விடையைத் தேர்ந்தெடு:

(a) டெல்லி தர்பார் – 1. 1883

(b) வட்டார மொழி பத்திரிகைச் சட்டம் – 2. 1908

(c) இல்பர்ட் மசோதா – 3. 1878

(d) அலிப்பூர் வெடிகுண்டு சதிவழக்கு – 4. 1911

Correct Answer: B [4 3 1 2]

விளக்கம்:

பட்டியலில் உள்ள ஆண்டுகளில் டெல்லி தர்பார் – 1911 (ஐந்தாம் ஜார்ஜ் மன்னர் வருகை; வங்கப் பிரிவினை ரத்து, தலைநகர் கல்கத்தாவிலிருந்து டெல்லிக்கு மாற்றம் அறிவிப்பு), வட்டார மொழி பத்திரிகைச் சட்டம் – 1878 (லிட்டன் பிரபு), இல்பர்ட் மசோதா – 1883 (ரிப்பன் பிரபு;…

14.

COMBINED TECHNICAL SERVICES (NON IV POST) – 2024

பின்வருவனவற்றுள் இந்திய தேசிய காங்கிரஸ் பற்றிய சரியான கூற்றுகள் எது?

(i) பம்பாயில் நடைபெற்ற இந்திய தேசிய காங்கிரஸ் முதல் மாநாட்டின் தலைவர் W.C. பானர்ஜி

(ii) கல்கத்தாவில் நடைபெற்ற இந்திய தேசிய காங்கிரஸ் இரண்டாவது மாநாட்டின் தலைவர் தாதாபாய் நௌரோஜி

(iii) லாகூரில் நடைபெற்ற இந்திய தேசிய காங்கிரஸ் மூன்றாவது மாநாட்டின் தலைவர் கோபால கிருஷ்ண கோகலே

Correct Answer: C [(i) மற்றும் (ii) மட்டும்]

விளக்கம்:

முதல் மாநாடு – பம்பாய் (1885), தலைவர் W.C. பானர்ஜி ; இரண்டாவது – கல்கத்தா (1886), தாதாபாய் நௌரோஜி – இரண்டும் சரி. மூன்றாவது மாநாடு 1887இல் சென்னையில் பத்ருதீன் தியாப்ஜி தலைமையில் நடைபெற்றது; எனவே (iii) தவறு. கோகலே தலைமை ஏற்றது 1905 பனாரஸ் மாநாடு.

15.

COMBINED TECHNICAL SERVICES (NON IV POST) – 2024

பின்வருவனவற்றை அவற்றின் சரியான ஆண்டுடன் பொருத்தவும்.

(a) நீல் சிலை அறப்போராட்டம் – 1. 1921

(b) பூரண ஸ்வராஜ் தினம் – 2. 1926

(c) கானாட் கோமகனைப் புறக்கணித்தனர் – 3. 1927

(d) நீதிக்கட்சி தேர்தலில் பின்னடைவு – 4. 1930

Correct Answer: C [3 4 1 2]

விளக்கம்:

சென்னை மவுண்ட் ரோட்டில் இருந்த ஜேம்ஸ் நீல் சிலையை அகற்றும் போராட்டம் – 1927 ; அச்சிலை 1937இல் இராஜாஜி அமைச்சரவைக் காலத்தில் அகற்றப்பட்டு சென்னை அருங்காட்சியகத்துக்குக் கொண்டு செல்லப்பட்டது.

16.

COMBINED TECHNICAL SERVICES (ITI POST) – 2024

வட்டார மொழியில் கல்வி என்னும் கருத்தைக் கொண்டு விடிவெள்ளிக் கழகத்தை உருவாக்கியவர் யார்?

Correct Answer: B [சதீஷ் சந்திர முகர்ஜி]

விளக்கம்:

வட்டார மொழியில் தேசியக் கல்வி என்ற கருத்து சுதேசி இயக்கத்துக்கு முன்பே, 1902இல் சதீஷ் சந்திர முகர்ஜி விடிவெள்ளிக் கழகத்தை (Dawn Society) நிறுவியபோதே உருவாகிவிட்டது.

17.

COMBINED TECHNICAL SERVICES (ITI POST) – 2024

'மக்கிஸ் தோட்டம்' என அழைக்கப்பட்ட பகுதி ________.

Correct Answer: D [ஆயிரம் விளக்கு]

விளக்கம்:

இந்திய தேசிய காங்கிரசின் மூன்றாவது மாநாடு 1887இல் பத்ருதீன் தியாப்ஜி தலைமையில், இன்று ஆயிரம் விளக்கு என்று அழைக்கப்படும் மக்கிஸ் தோட்டத்தில் (Makkies Garden) நடைபெற்றது.

18.

COMBINED TECHNICAL SERVICES (ITI POST) – 2024

1919-ல் எந்தத் தலைவர் தலைமையில் இந்திய தேசிய இயக்கம் மிகப்பெரும் மக்கள் இயக்கமாக மாறியது?

Correct Answer: D [காந்தியடிகள்]

விளக்கம்:

1919இல் ரௌலட் சட்டத்தை எதிர்த்துக் காந்தியடிகள் தொடங்கிய ரௌலட் சத்தியாகிரகம் நாடு தழுவிய முதல் வெகுமக்கள் போராட்டமாக அமைந்தது; அதிலிருந்து தேசிய இயக்கம் மக்கள் இயக்கக் கட்டத்துக்குள் நுழைந்தது.

19.

COMBINED TECHNICAL SERVICES (IV POST – II) – 2024

காரணமும், கூற்றும்.

கூற்று [A]: வெள்ளையனே வெளியேறு இயக்கம் ஆகஸ்ட் புரட்சி என்றும் அழைக்கப்பட்டது.

காரணம் [R]: அஇகாகு (அகில இந்தியக் காங்கிரஸ் குழு) ஆகஸ்ட் 8-ல் பம்பாயில் கூடிய கூட்டத்தில் வெள்ளையனே வெளியேறு தீர்மானம் நிறைவேற்றப்பட்டது.

Correct Answer: B [[A] மற்றும் [R] சரி; [A]-யினுடைய சரியான விளக்கம் [R]]

விளக்கம்:

1942 ஆகஸ்ட் 8இல் பம்பாயில் கூடிய அகில இந்தியக் காங்கிரஸ் குழு வெள்ளையனே வெளியேறு தீர்மானத்தை நிறைவேற்றியது ; காந்தியடிகள் "செய் அல்லது செத்துமடி" என்ற முழக்கத்தை வழங்கினார். மறுநாளே தலைவர்கள் அனைவரும் கைது செய்யப்பட்டனர்.

20.

GROUP 1B & 1C – 2024

1932ஆம் ஆண்டு, செப்டம்பர் மாதம் எரவாடா சிறையில் காந்தி சாகும் வரை உண்ணாவிரதத்தை மேற்கொள்வதற்கான முக்கிய காரணமாகச் சொல்லப்படும் நிகழ்வு எது?

Correct Answer: C [ராம்சே மெக்டொனால்ட் வகுப்புவாத பிரிவினை [TNPSC வினாத்தாளில் உள்ளபடி; சரியானது: வகுப்புவாரி ஒதுக்கீடு (Communal Award)] அறிவிக்கப்பட்டது]

விளக்கம்:

1932 ஆகஸ்ட் 16இல் பிரிட்டிஷ் பிரதமர் ராம்சே மெக்டொனால்டு அறிவித்த வகுப்புவாரி ஒதுக்கீடு (Communal Award) ஒடுக்கப்பட்ட வகுப்பினருக்குத் தனி வாக்காளர் தொகுதிகளை வழங்கியது.

21.

GROUP 1B & 1C – 2024

வலியுறுத்தல் [A]: 1922-ல் மகாத்மா காந்தி ஒத்துழையாமை இயக்கத்தைத் தற்காலிகமாக ரத்து செய்துவிட்டார்.

காரணம் [R]: சி.ஆர். தாஸ் மற்றும் மோதிலால் நேரு அந்த இயக்கத்தை வெறுத்தனர்.

Correct Answer: C [[A] உண்மை; ஆனால் [R] தவறு]

விளக்கம்:

1922 பிப்ரவரியில் சௌரி சௌரா நிகழ்வில் 22 காவலர்கள் கொல்லப்பட்டதைத் தொடர்ந்து காந்தியடிகள் ஒத்துழையாமை இயக்கத்தை விலக்கிக்கொண்டார் – [A] சரி. சி.ஆர்.

22.

GROUP 1B & 1C – 2024

சரியான பொருத்தங்களைத் தேர்வு செய்யவும்:

அனுசீலன் சமிதி – ப்ரோமோதா மிட்டர்

டாக்கா அனுசீலன் சமிதி – அஜித் சிங்

அஞ்சுமன்-இ-மொஹிப்பன்-இ-வதன் – அஷ்ஃபாகுல்லா கான்

இந்துஸ்தான் குடியரசு இராணுவம் – புலின் தாஸ்

Correct Answer: A [1 மட்டும் சரி]

விளக்கம்:

கல்கத்தா அனுசீலன் சமிதி (1902) – பாரிஸ்டர் பிரமதநாத் மித்ரா நிறுவியது; ஜதீந்திரநாத் பானர்ஜி, பரீந்தர் குமார் கோஷ் ஆகியோர் உடன் இருந்தனர் (Banglapedia; 12-ஆம் வகுப்புப் பாடநூலும் ஜதீந்திரநாத், பரீந்தர் பெயர்களைக் குறிப்பிடுகிறது) – (1) சரி.

23.

GROUP 1B & 1C – 2024

"காங்கிரஸ் கட்சி அரசு மன்றங்களில் நுழைவது என்பது அரசுடன் ஒத்துப் போவதற்கல்ல, ஒத்துழையாமையை முன்னிறுத்தவே" என்ற கருத்தினைக் கூறியவர் பின்வருபவர்களில் யார்?

Correct Answer: A [பண்டித மோதிலால் நேரு மற்றும் தேச பந்து சித்தரஞ்சன் தாஸ்]

விளக்கம்:

ஒத்துழையாமை இயக்கம் விலக்கப்பட்ட பின் காங்கிரஸ் "மாற்றத்தை விரும்புவோர்" (சட்டமன்றம் நுழைய விரும்பியோர்), "மாற்றத்தை விரும்பாதோர்" (புறக்கணிப்பைத் தொடர விரும்பியோர்) எனப் பிரிந்தது.

24.

GROUP 1B & 1C – 2024 · AAO & AHO – 2024

இந்திய தேசிய இராணுவம் முதலில் சிங்கப்பூரில் 1942-ல் யாரால் நிறுவப்பட்டது?

Correct Answer: B [ஜெனரல் மோகன் சிங்]

விளக்கம்:

மலேயாவில் ஜப்பானியரிடம் சிக்கிய பிரிட்டிஷ் இந்திய இராணுவ அதிகாரியான கேப்டன் மோகன் சிங் ஜப்பானின் உதவியுடன் இந்தியப் போர்க்கைதிகளைக் கொண்டு இந்திய தேசிய இராணுவத்தை உருவாக்கினார் ; சிங்கப்பூர் வீழ்ச்சிக்குப் பின் அவரது கட்டுப்பாட்டில் இருந்தோர் எண்ணிக்கை…

25.

GROUP 1B & 1C – 2024

இந்திய தேசிய காங்கிரஸின் கூட்டத்தை அதன் நிகழ்விடத்தோடு பொருத்துக

(a) இந்திய தேசிய காங்கிரஸின் முதல் கூட்டம் – 1. கல்கத்தா

(b) இந்திய தேசிய காங்கிரஸின் 2வது கூட்டம் – 2. பம்பாய்

(c) இந்திய தேசிய காங்கிரஸின் 3வது கூட்டம் – 3. அலகாபாத்

(d) இந்திய தேசிய காங்கிரஸின் 4வது கூட்டம் – 4. மெட்ராஸ்

Correct Answer: D [2 1 4 3]

விளக்கம்:

1885 – பம்பாய், 1886 – கல்கத்தா, 1887 – சென்னை (மெட்ராஸ்), 1888 – அலகாபாத். எனவே குறியீடு 2 1 4 3 . நான்காவது மாநாட்டுக்கு ஐரோப்பியரான ஜார்ஜ் யூல் தலைமை தாங்கினார். சென்னையில் நடந்த மூன்றாவது மாநாடு மக்கிஸ் தோட்டத்தில் (இன்றைய ஆயிரம் விளக்கு) நடைபெற்றது.

26.

SPECIAL COMPETITIVE – 2025

சுபாஷ் சந்திர போஸ் இந்திய தேசிய காங்கிரஸின் தலைவராகத் தேர்ந்தெடுக்கப்பட்ட ஆண்டு

Correct Answer: C [1938]

விளக்கம்:

சுபாஷ் சந்திர போஸ் 1938 ஹரிபுரா மாநாட்டில் முதன்முறையாகக் காங்கிரஸ் தலைவரானார் .

27.

SPECIAL COMPETITIVE – 2025

கூற்று [A]: மார்ச் 1931 இல் நடந்த கராச்சி அமர்வு சர்தார் வல்லபாய் படேல் தலைமையில் அடிப்படை உரிமைகள் மற்றும் கடமைகளில் ஒரு தீர்மானத்தை நிறைவேற்றியதோடல்லாமல் சுதந்திர இந்தியாவின் பொருளாதாரக் கொள்கை பற்றிய ஒரு பார்வையை வழங்கியது.

காரணம் [R]: இந்த உரிமைகளும் சமூக மற்றும் பொருளாதாரத் திட்டங்களும் உறுதி செய்வது யாதெனில் அரசியல் சுதந்திரம் மற்றும் பொருளாதாரச் சுதந்திரம் என்பது பிரித்துப் பார்க்க முடியாத ஒன்றாகும்.

Correct Answer: B [[A] மற்றும் [R] சரி; [R] என்பது [A] க்கு சரியான விளக்கமாகும்]

விளக்கம்:

1931 மார்ச்சில் சர்தார் வல்லபாய் படேல் தலைமையில் கூடிய கராச்சி மாநாடு காந்தி–இர்வின் ஒப்பந்தத்தை ஏற்றதுடன், அடிப்படை உரிமைகள் மற்றும் பொருளாதாரக் கொள்கை குறித்த தீர்மானத்தை நிறைவேற்றியது.

28.

SPECIAL COMPETITIVE – 2025 · CAGS – 2022

(வடமேற்கு எல்லை மாகாணத்தில்) 'குடை கிட்மட்கர்' இயக்கத்தை நடத்தியவர் யார்?

Correct Answer: A [கான் அப்துல் கஃபார் கான்]

விளக்கம்:

"எல்லைக் காந்தி" எனப் போற்றப்படும் கான் அப்துல் கஃபார் கான் வடமேற்கு எல்லை மாகாணத்தில் பதான்களிடையே அகிம்சை வழியில் குடை கிட்மட்கர் ("இறைவனின் பணியாளர்கள்") இயக்கத்தை அமைத்தார்; அதன் உறுப்பினர்கள் "செஞ்சட்டையினர்" (Red Shirts) என அழைக்கப்பட்டனர்.

29.

GROUP 1 & 1A – 2025

கால வரிசைப்படி அடுக்குக.

(i) அஹமதாபாத் மில் வேலை நிறுத்தம்

(ii) சம்பாரன் சத்தியாகிரகம்

(iii) கேதா சத்தியாகிரகம்

(iv) ரௌலட் சத்தியாகிரகம்

Correct Answer: A [(ii), (i), (iii), (iv)]

விளக்கம்:

தென்னாப்பிரிக்காவிலிருந்து திரும்பிய காந்தியடிகளின் தொடக்கக்காலச் சத்தியாகிரகச் சோதனைகள் TN 12ஆம் வகுப்புப் பாடநூலில் சம்பரான் இயக்கம் (1917) → அகமதாபாத் ஆலைத் தொழிலாளர் வேலைநிறுத்தமும் காந்தியடிகளின் உண்ணாவிரதமும் (1918) → கேதா போராட்டம் (1918) என்ற…

30.

GROUP 1 & 1A – 2025

கீழ்கண்டவற்றுள் எந்தக் கூற்றுச் சரியாகப் பொருத்தப்பட்டுள்ளது?

Correct Answer: B [கதர்க் கட்சி [TNPSC வினாத்தாளில் உள்ளபடி; சரியானது: கதார் கட்சி] – லாலா ஹர்தயாள்]

விளக்கம்:

கதார் கட்சி 1913இல் லாலா ஹர்தயாளால் அமெரிக்காவில் (சான்பிரான்சிஸ்கோ) நிறுவப்பட்டது ; உருது மொழியில் "கதார்" என்றால் கிளர்ச்சி (TN 12ஆம் வகுப்பு).

31.

GROUP 1 & 1A – 2025

பின்வரும் நிகழ்வுகளைக் கால வரிசைப்படுத்துக.

(1) உப்பு சத்தியாகிரகம்

(2) சுதேசி இயக்கம்

(3) வெள்ளையனே வெளியேறு இயக்கம்

(4) ஒத்துழையாமை இயக்கம்

Correct Answer: D [(2), (4), (1), (3)]

விளக்கம்:

சுதேசி இயக்கம் (1905, வங்கப் பிரிவினை எதிர்ப்பு) → ஒத்துழையாமை இயக்கம் (1920–22) → உப்பு சத்தியாகிரகம் (1930, சட்டமறுப்பு இயக்கம்) → வெள்ளையனே வெளியேறு இயக்கம் (1942). எனவே (2), (4), (1), (3) .

32.

GROUP 1 & 1A – 2025 · BURSAR – 2023

1932ஆம் ஆண்டு செப்டம்பர் 24ஆம் தேதி பூனா ஒப்பந்தத்தில் கையொப்பமிட்டவர்கள்.

Correct Answer: C [காந்தி – அம்பேத்கர்]

விளக்கம்:

வகுப்புவாரி ஒதுக்கீட்டை எதிர்த்து எரவாடா சிறையில் காந்தியடிகள் மேற்கொண்ட உண்ணாவிரதத்தின் முடிவில், 1932 செப்டம்பர் 24இல் காந்தியடிகள் – டாக்டர் அம்பேத்கர் இடையே பூனா ஒப்பந்தம் ஏற்பட்டது.

33.

GROUP 4 – 2025

கூற்று [A]: இரவீந்திரநாத் தாகூர் தனது 'சர்' பட்டத்தைத் துறந்தார்.

காரணம் [R]: 13 ஏப்ரல் 1919 அமிர்தசரஸ் நகரில் ஜாலியன் வாலாபாக் படுகொலை நடைபெற்றது.

Correct Answer: B [[A] மற்றும் [R] சரி. [R] [A] யினுடைய சரியான விளக்கம்]

விளக்கம்:

13 ஏப்ரல் 1919இல் அமிர்தசரஸ் ஜாலியன் வாலாபாக்கில் அமைதியாகக் கூடியிருந்த மக்கள் மீது ஜெனரல் டயர் துப்பாக்கிச் சூடு நடத்த உத்தரவிட்டார்.

34.

GROUP 4 – 2025

கீழ்கண்டவற்றில் காந்தி-இர்வின் ஒப்பந்தத்தில் ஏற்றுக்கொள்ளப்பட்ட அம்சங்கள் எவை?

(i) உப்பைச் சுய பயன்பாட்டுக்கு உற்பத்தி செய்ய அனுமதிப்பது.

(ii) வன்முறையில் ஈடுபடாத அரசியல் கைதிகளைத் தொடர்ந்து சிறையில் வைப்பது.

(iii) அந்நியத் துணிகளை விற்கும் கடைகளின் முன் ஆர்ப்பாட்டங்களை நடத்த அனுமதிப்பது.

(iv) பகத் சிங் மற்றும் அவரது தோழர்களுக்கு விதிக்கப்பட்ட மரண தண்டனையைக் குறைப்பது.

Correct Answer: B [(i) மற்றும் (iii) மட்டும்]

விளக்கம்:

5 மார்ச் 1931 காந்தி–இர்வின் ஒப்பந்தப்படி: கடலோரப் பகுதி மக்கள் சொந்தப் பயன்பாட்டுக்கு உப்பு தயாரிக்கலாம் ; மதுக்கடைகள், அந்நியத் துணிக் கடைகள் முன் அமைதியான மறியல் நடத்தலாம் ; வன்முறையில் ஈடுபடாத அரசியல் கைதிகள் விடுவிக்கப்படுவர் – எனவே (ii) தவறு (அது…

35.

COMBINED TECHNICAL SERVICES (IV POST) – 2025

பின்வரும் நிகழ்வுகளைக் கால வரிசைப்படி எடுத்து எழுதுக.

(1) ரௌலட் சட்டம்

(2) இந்திய பத்திரிக்கைச் சட்டம்

(3) இந்திய பாதுகாப்புச் சட்டம்

(4) கிலாபத் குழு பம்பாயில் நடைபெற்றது

Correct Answer: D [(2), (3), (1), (4)]

விளக்கம்:

இந்திய பத்திரிகைச் சட்டம் – 1910 (இச்சட்டத்தின்படி அன்னிபெசன்ட் மீது அடக்குமுறை நடவடிக்கைகள் எடுக்கப்பட்டன – TN 10ஆம் வகுப்பு); இந்திய பாதுகாப்புச் சட்டம் – 1915 (முதல் உலகப்போர்க் காலம்); ரௌலட் சட்டம் – மார்ச் 1919 ; அதே ஆண்டில் பம்பாயில் கிலாபத் குழு…

36.

COMBINED TECHNICAL SERVICES (NON IV POST) – 2025

பிரிட்டிஷாரின் செல்வச் சுரண்டல் கோட்பாடு இந்தியாவை எவ்வாறு பாதித்தது?

(i) ஏழ்மை மற்றும் பஞ்சம்

(ii) பொருளாதார வளர்ச்சியின் தேக்கம்

(iii) வரிச்சுமை குறைவு

Correct Answer: B [(i) மற்றும் (ii) மட்டும்]

விளக்கம்:

தாதாபாய் நௌரோஜி தமது "இந்தியாவில் வறுமையும் பிரிட்டிஷுக்கு ஒவ்வாத ஆட்சியும்" (Poverty and Un-British Rule in India) நூலில் செல்வச் சுரண்டல் (Drain of Wealth) கோட்பாட்டை விளக்கினார்.

37.

COMBINED TECHNICAL SERVICES (NON IV POST) – 2025

இந்திய தேசிய காங்கிரஸ் பற்றிய பின்வரும் கூற்றுகளில் எவை சரியானவை?

(i) அனைத்து இந்திய சங்கங்களையும், தேசிய அரசியல் சங்கங்களின் கீழ் ஒன்றிணைக்க பல இந்தியர்கள் முற்பட்டனர். ஆனால் அதற்கு இறுதி வடிவம் கொடுத்த பெருமை A.O. ஹியூமைச் சாரும்.

(ii) இந்திய தேசிய காங்கிரசின் முதல் கூட்டம் 1885 டிசம்பர் மாதத்தில் கல்கத்தாவில் நடைபெற்றது.

(iii) இது W.C. பானர்ஜி தலைமையில் நடைபெற்றது.

Correct Answer: B [(i) மற்றும் (iii)]

விளக்கம்:

காங்கிரஸ் உருவாவதற்கு முன் 1884 டிசம்பரில் சென்னை அடையாறு பிரம்மஞான சபையில் நடந்த கூட்டம் போன்ற பல கூட்டங்களில் தலைவர்கள் அகில இந்திய அமைப்பு பற்றி விவாதித்தனர் (TN 10ஆம் வகுப்பு). ஓய்வுபெற்ற இந்தியக் குடிமைப் பணி அதிகாரியான A.O.

38.

COMBINED TECHNICAL SERVICES (NON IV POST) – 2025

(1) ராதாகாந்தா தேப் – பிரிட்டிஷ் இந்திய சங்கத்தின் முதல் தலைவர்

(2) கஜுலு லெக்ஷ்மிநரசு செட்டி – சென்னை வாசிகள் சங்கம்

(3) சுரேந்திரநாத் பானர்ஜி – இந்திய சங்கத்தின் நிறுவனர்

மேலே கொடுக்கப்பட்டுள்ள இணைகளில் சரியான(து)/வை எவை?

Correct Answer: D [(1), (2) மற்றும் (3)]

விளக்கம்:

மூன்று இணைகளும் சரி. 1851இல் கல்கத்தாவில் தொடங்கிய பிரிட்டிஷ் இந்தியச் சங்கத்தின் முதல் தலைவர் ராஜா ராதாகாந்த தேப் .

39.

COMBINED TECHNICAL SERVICES (ITI POST) – 2025

இந்திய தேசிய காங்கிரசைப் பற்றிய கீழ்காணும் கூற்றுகளில் எவை சரியானது?

(i) வைசிராய் டஃபரின் பிரபுவின் அனுமதியின் பேரில் A.O. ஹியூம் 1885ஆம் ஆண்டு இந்திய தேசிய காங்கிரசைத் தோற்றுவித்தார்

(ii) பம்பாயில் கூடிய முதல் காங்கிரஸ் மாநாட்டில் ஒன்பது தீர்மானங்கள் நிறைவேற்றப்பட்டன

(iii) இம்மாநாட்டில் முதல் தீர்மானத்தைக் கொண்டு வந்தவர் இந்து பத்திரிக்கையின் ஆசிரியர் G. சுப்பிரமணியர்

(iv) இந்தக் காங்கிரஸ் மாநாட்டில் நாட்டின் பல்வேறு பகுதிகளில் இருந்தும் 480 பேர் பங்கேற்றனர்.

Correct Answer: B [(i), (ii), (iii) மட்டும்]

விளக்கம்:

1885 டிசம்பர் 28இல் பம்பாயில் கூடிய முதல் மாநாட்டில் 72 பிரதிநிதிகள் மட்டுமே கலந்துகொண்டனர்; அவர்களில் 22 பேர் சென்னையைச் சேர்ந்தவர்கள் (TN 10ஆம் வகுப்பு) – எனவே (iv) "480 பேர்" தவறு .

40.

GROUP 2 & 2A – 2025

காரணம் மற்றும் கூற்று:

கூற்று [A]: அரசியல் தலைவர் என்பதைத் தவிர, கோபால கிருஷ்ண கோகலே ஒரு சிறந்த சமூகச் சீர்திருத்தவாதி.

காரணம் [R]: இவர் 'இந்திய சமுதாயத்தின் சேவகர்கள்' என்னும் தனித்தன்மை வாய்ந்த அமைப்பை நிறுவியவர்.

Correct Answer: C [கூற்று [A] மற்றும் காரணம் [R] இரண்டும் சரி]

விளக்கம்:

மிதவாதத் தலைவரான கோபால கிருஷ்ண கோகலே அரசியல் பணியுடன் சமூகச் சீர்திருத்தத்திலும் ஈடுபட்டார். 1905இல் பூனாவில் இந்தியப் பணியாளர் சங்கத்தை (Servants of India Society) நிறுவி, நாட்டுப் பணிக்குத் தம்மை அர்ப்பணிக்கும் தொண்டர்களைப் பயிற்றுவித்தார்.

41.

GROUP 2 & 2A – 2025

பின்வரும் நிகழ்வுகளைக் காலவரிசைப்படி அடுக்குக:

(1) வகுப்புவாதத் தீர்வு

(2) காந்தி – இர்வின் உடன்படிக்கை

(3) சிட்டகாங் வெடிப்பு

(4) பூனா ஒப்பந்தம்

Correct Answer: C [(3), (2), (1), (4)]

விளக்கம்:

சிட்டகாங் ஆயுதக்கிடங்குத் தாக்குதல் – ஏப்ரல் 1930 (சூரியா சென்) → காந்தி–இர்வின் ஒப்பந்தம் – 5 மார்ச் 1931 → வகுப்புவாரி ஒதுக்கீடு – 16 ஆகஸ்ட் 1932 → பூனா ஒப்பந்தம் – 24 செப்டம்பர் 1932. எனவே (3), (2), (1), (4) .

42.

GROUP 2 & 2A – 2025

பின்வருவனவற்றுள் இந்திய தேசியக் காங்கிரஸ் பற்றிய சரியான கூற்று/கூற்றுகளைத் தேர்வு செய்க:

(i) இந்திய தேசியக் காங்கிரஸின் தந்தை A.O. ஹியூம் ஆவார்.

(ii) இந்திய தேசியக் காங்கிரஸின் முதல் தலைவர் S.N. பானர்ஜி ஆவார்.

(iii) S.N. பானர்ஜி இந்திய தேசிய விடுதலை அமைப்பை நிறுவினார். [TNPSC வினாத்தாளில் உள்ளபடி; சரியானது: இந்திய லிபரல் (தாராளமய) கூட்டமைப்பு]

Correct Answer: B [(i) மற்றும் (iii) மட்டும்]

விளக்கம்:

A.O. ஹியூம் காங்கிரசின் தந்தை எனப்படுகிறார் – (i) சரி. காங்கிரசின் முதல் தலைவர் W.C. பானர்ஜி (1885, பம்பாய்) – S.N. (சுரேந்திரநாத்) பானர்ஜி அல்ல; எனவே (ii) தவறு.

43.

GROUP 2 & 2A – 2025

சரியான காலவரிசையில் அமைத்திடுக:

(1) இந்திய தேசிய இராணுவம் மீதான விசாரணை

(2) இந்திய தேசிய இராணுவம் தோற்றுவிக்கப்படுதல்

(3) இராயல் இந்திய விமானப்படை தோற்றுவிக்கப்படுதல்

(4) சி. இராஜகோபால ஆச்சாரி திட்டம்

Correct Answer: C [(3), (2), (4), (1)]

விளக்கம்:

இந்திய விமானப்படை 8 அக்டோபர் 1932இல் தோற்றுவிக்கப்பட்டது (இரண்டாம் உலகப்போர்ப் பணிக்காக 1945இல் "ராயல்" என்ற அடைமொழி பெற்றது) → இந்திய தேசிய இராணுவம் – 1942 (மோகன் சிங்) → இராஜாஜி திட்டம் (C.R.

44.

COMBINED TECHNICAL SERVICES (ITI – LEVEL II) – 2025

கீழ்க்கண்டவற்றுள் தவறான கூற்றைக் கண்டுபிடி.

அன்னிபெசன்ட் அம்மையார் 1914-இல் "தி காமன் வீல்" என்ற வாரப் பத்திரிக்கையைத் தொடங்கினார்.

1915-இல் "How India wrought for freedom" என்ற புத்தகத்தை வெளியிட்டார்.

1915 செப்டம்பர் 28 இல் ஹோம்ரூல் இயக்கத்திற்கு அழைப்பு விடுத்தார்.

1915 இல் 'யங் இந்தியா' என்ற தினசரியையும் துவங்கினார்.

Correct Answer: D [[4] மட்டும் சரி]

விளக்கம்:

கவனிக்க: இவ்வினாவின் தமிழ் வடிவம் ஆங்கில வடிவத்திலிருந்து வேறுபடுகிறது (ஆங்கில விருப்பங்கள் "தவறான கூற்று(கள்)" எவை என்று மட்டும் குறிக்கின்றன; தமிழ் விருப்பங்கள் ஒவ்வொன்றிலும் "சரி" என்ற சொல் உள்ளது); மேலே உள்ள விடை ஆங்கில வடிவப்படி.

45.

COMBINED TECHNICAL SERVICES (ITI – LEVEL II) – 2025

இந்திய தேசிய காங்கிரஸின் தொடக்கத்தைப் பற்றிய பின்வரும் கூற்று/அறிக்கைகளின் எது உண்மை?

(i) நிர்வாகத் துறையிலிருந்து நீதித்துறையை பிரிப்பது

(ii) இராணுவச் செலவுகளை அதிகரிப்பது

(iii) ஒரே நேரத்தில் இந்தியாவிலும், இங்கிலாந்திலும் ஆட்சிப்பணித் தேர்வுகளை நடத்துவது

(iv) உள்நாட்டு வரிகளை உயர்த்துவது

Correct Answer: C [(i), (iii) மட்டும்]

விளக்கம்:

கவனிக்க: இவ்வினாவின் தமிழ் வடிவம் ஆங்கில வடிவத்திலிருந்து வேறுபடுகிறது ((iv) ஆங்கிலத்தில் "தாயகக் கட்டணத்தை (Home Charges) உயர்த்துவது"; தமிழில் "உள்நாட்டு வரிகளை உயர்த்துவது"); மேலே உள்ள விடை ஆங்கில வடிவப்படி. இரு வடிவங்களிலும் (iv) தவறு என்பதால் விடை ஒன்றே.

46.

ASSISTANT PUBLIC PROSECUTOR GRADE II – 2026

வந்தே மாதரம் என்னும் பாடல் பங்கிம் சந்திர சட்டர்ஜியின் எந்த நாவலிலிருந்து எடுக்கப்பட்டது?

Correct Answer: C [ஆனந்தமத்]

விளக்கம்:

"வந்தே மாதரம்" பாடல் பங்கிம் சந்திர சாட்டர்ஜியின் "ஆனந்த மடம்" (Anandamath, 1882) நாவலில் இடம்பெற்றது. சுதேசி இயக்கக் காலத்தில் இது தேசிய முழக்கமானது; 1896 கல்கத்தா காங்கிரஸ் மாநாட்டில் இரவீந்திரநாத் தாகூர் இப்பாடலைப் பாடினார்.

47.

ASSISTANT PUBLIC PROSECUTOR GRADE II – 2026

கால வரிசைப்படி பொருத்துக.

(1) ஆகஸ்ட் அறிக்கை

(2) கிரிப்ஸ் தூதுக்குழு

(3) கேபினட் தூதுக்குழு

(4) வேவல் திட்டம்

Correct Answer: D [(1), (2), (4), (3)]

விளக்கம்:

ஆகஸ்ட் அறிக்கை – ஆகஸ்ட் 1940 (லின்லித்கோ பிரபு) → கிரிப்ஸ் தூதுக்குழு – மார்ச் 1942 → வேவல் திட்டம் – ஜூன் 1945 (சிம்லா மாநாடு) → அமைச்சரவைத் தூதுக்குழு (கேபினட் தூதுக்குழு) – மார்ச் 1946. எனவே (1), (2), (4), (3) .

48.

COMBINED TECHNICAL SERVICES (IV POST) – 2026

1885 – ஆம் ஆண்டு அகில இந்திய காங்கிரஸை இந்தியாவின் பரந்த மக்கள் தொகையில் 'நுண்ணிய சிறுபான்மையினரை' பிரதிநிதித்துவப்படுத்தும் அமைப்பு என்று கூறியவர் யார்?

Correct Answer: C [டஃபரின் பிரபு]

விளக்கம்:

1885இல் காங்கிரஸ் தோன்றியபோது வைசிராயாக இருந்த டஃபரின் பிரபு தொடக்கத்தில் அதற்கு ஒப்புதல் அளித்தார்; காங்கிரசின் கோரிக்கைகள் வலுத்ததும் அதன் எதிர்ப்பாளரானார்.

49.

COMBINED TECHNICAL SERVICES (IV POST) – 2026

பின்வருவனவற்றில் மெட்ராஸ் மாகாண காங்கிரஸ் மிதவாதி தலைவர்களை அடையாளம் காண்க.

(i) வி.எஸ். சீனிவாசன்

(ii) வி. கிருஷ்ணசாமி

(iii) எஸ். கஸ்தூரிரங்கன்

(iv) ஜி.ஏ. நடேசன்

Correct Answer: C [(i), (ii) மற்றும் (iv) மட்டும்]

விளக்கம்:

TN 10ஆம் வகுப்புப் பாடநூலின்படி சென்னையைச் சேர்ந்த புகழ்பெற்ற மிதவாதத் தலைவர்கள்: V.S. சீனிவாசனார் (V.S. சீனிவாச சாஸ்திரி), P.S. சிவசாமி, V. கிருஷ்ணசாமி, T.R. வெங்கட்ராமனார், G.A. நடேசன், T.M. மாதவராவ், S. சுப்பிரமணியனார் . எனவே (i), (ii), (iv) மிதவாதிகள்.

50.

GROUP 2 & 2A MAINS (மறுதேர்வு) – 2026 · ROAD INSPECTOR – 2023 · PTGS – 2021 · GROUP 4 – 2024

அதிநவீன வசதிகளுடன் கூடிய ரயிலில் அடிமைகளாக இருப்பதைவிட சுதந்திரத்துடன் கூடிய மாட்டு வண்டியே சிறந்தது: கூறியவர் யார்?

Correct Answer: A [அன்னிபெசன்ட்]

விளக்கம்:

"அதிநவீன வசதிகளுடன் கூடிய ரயிலில் அடிமைகளாக இருப்பதைவிட சுதந்திரத்துடன் கூடிய மாட்டு வண்டியே சிறந்தது" என்று கூறியவர் அன்னிபெசன்ட் (TN 10ஆம் வகுப்பு). 1916இல் சென்னையில் தன்னாட்சி இயக்கத்தைத் தொடங்கிய அவருக்கு G.S. அருண்டேல், B.P. வாடியா, C.P.

? இந்த வினாக்களின் முழு விளக்கம், அட்டவணைகளுடன் – இந்திய தேசிய இயக்கம் PYQ நூல் (₹149): www.shanmugamiasacademy.in/study-materials/tnpsc-indian-national-movement-pyq