இந்திய ஆட்சியியல் PYQ – இந்திய அரசியலமைப்பு | வினாடி வினா

1.

ARGS – 2020

இந்திய அரசியலமைப்பு ஏற்றுக்கொள்ளப்பட்டது

Correct Answer: A [26 நவம்பர் 1949]

விளக்கம்:

அரசியல் நிர்ணய சபை மூன்றாம் வாசிப்பை முடித்து 26 நவம்பர் 1949 அன்று அரசியலமைப்பை ஏற்றுக்கொண்டது (adopted). அது முழுமையாக நடைமுறைக்கு வந்தது 26 ஜனவரி 1950 . "ஏற்பு", "நடைமுறை" ஆகிய இரண்டையும் குழப்பக் கூடாது.

2.

"இந்திய அரசியலமைப்பு, முதல் மற்றும் முதன்மையாக, ஒரு சமூக ஆவணமாகும்" எனக் கூறியவர் யார்?

Correct Answer: A [கிரான்வில் ஆஸ்டின்]

விளக்கம்:

அமெரிக்க வரலாற்றாசிரியர் கிரான்வில் ஆஸ்டின் , தம் நூலான The Indian Constitution: Cornerstone of a Nation (1966)-இல் " The Indian Constitution is first and foremost a social document " என்று எழுதினார்.

3.

கீழ்க்கண்டவற்றில் 21-வது அரசியலமைப்புத் திருத்தச் சட்டம், 1967-இன் மூலம் எட்டாவது அட்டவணையில் சேர்க்கப்பட்ட மொழி எது?

Correct Answer: D [சிந்தி]

விளக்கம்:

21-வது திருத்தம் (1967) எட்டாம் அட்டவணையில் சிந்தி மொழியைச் சேர்த்தது. நேபாளி, கொங்கணி 71-வது திருத்தம் (1992); போடோ 92-வது திருத்தம் (2003).

4.

"நீதிப் புனராய்வு" என்ற கருத்து ———— அரசியலமைப்பிலிருந்து பெறப்பட்டது

Correct Answer: B [அமெரிக்க அரசியலமைப்பு]

விளக்கம்:

சட்டங்களும் அரசு நடவடிக்கைகளும் அரசியலமைப்புக்கு உட்பட்டவையா என்று நீதிமன்றம் ஆய்ந்து, முரணானவற்றைச் செல்லாது என அறிவிக்கும் அதிகாரமே நீதிப் புனராய்வு . இது அமெரிக்க அரசியலமைப்பிலிருந்து பெறப்பட்டது.

5.

VAS AHGS – 2020

இந்திய அரசியலமைப்பை இயற்ற எடுத்துக்கொள்ளப்பட்ட காலம்

Correct Answer: A [2 ஆண்டுகள், 11 மாதங்கள், 17 நாட்கள்]

விளக்கம்:

நிர்ணய சபை 09.12.1946 அன்று முதன்முறை கூடி, 26.11.1949 அன்று அரசியலமைப்பை ஏற்றது. அதிகாரப்பூர்வமாகக் கூறப்படும் காலம் 2 ஆண்டு 11 மாதம் 18 நாள் . தொடக்க நாளைச் சேர்க்காமல் கணக்கிட்டால் 17 நாள் வருகிறது; எனவே சில நூல்கள் "2 ஆண்டு 11 மாதம் 17 நாள்" என்கின்றன.

6.

உருது மட்டுமே ஆட்சி மொழியாக இருந்த மாநிலம் ————

Correct Answer: D [ஜம்மு – காஷ்மீர்]

விளக்கம்:

முன்னாள் ஜம்மு–காஷ்மீர் மாநிலத்தின் அரசியலமைப்பு (1957) உருதுவை அம்மாநிலத்தின் ஆட்சி மொழியாக அறிவித்திருந்தது. அதனால் இவ்வினாவுக்கு விடை (D).

7.

AGGS – 2021

இந்திய அரசியலமைப்பில் "சமயச் சார்பற்ற அரசு" என்பதன் பொருள் என்ன?

(1) அரசு அனைத்து மதங்களையும் சமமாகப் பாதுகாக்கிறது

(2) அரசு எந்த மதத்தையும் அரசு மதமாக உயர்த்தக் கூடாது

(3) சமயச் சார்பின்மை இந்திய அரசியலமைப்பின் அடிப்படைக் கட்டமைப்பு ஆகும்

(4) அரசு அனைத்து மதங்களையும் புறக்கணிக்கிறது

Correct Answer: C [(1), (2), (3) சரி – (4) மட்டும் தவறு]

விளக்கம்:

இந்தியச் சமயச் சார்பின்மை " அனைத்து மதங்களுக்கும் சம மரியாதை " (சர்வ தர்ம சம பாவம்) என்ற நேர்மறைக் கருத்து. அரசுக்கு அதிகாரப்பூர்வ மதம் இல்லை; ஆனால் அரசு மதங்களைப் புறக்கணிப்பதில்லை – அனைத்தையும் சமமாகப் பாதுகாக்கிறது. எனவே (4) தவறு.

8.

GSCE – 2021

எந்தத் திருத்தச் சட்டம் இந்தியாவின் "சிறிய அரசியலமைப்பு" (குறு அரசியலமைப்பு) என அழைக்கப்படுகிறது?

Correct Answer: B [42-வது திருத்தச் சட்டம்]

விளக்கம்:

42-வது திருத்தம் (1976) அரசியலமைப்பின் பல பகுதிகளில் மிக விரிவான மாற்றங்களைச் செய்ததால் " சிறிய அரசியலமைப்பு " (Mini Constitution) எனப்படுகிறது.

9.

PSY – 2022

கூற்று (A): 42-வது அரசியலமைப்புத் திருத்தச் சட்டம் "சிறிய அரசியலமைப்பு" என்று குறிப்பிடப்படுகிறது.

காரணம் (R): அது மிக அதிகமான விதிகளைக் கொண்ட, விரிவான திருத்தச் சட்டம்.

Correct Answer: A [(A), (R) இரண்டும் சரி; (R), (A)-க்கான சரியான விளக்கம்]

விளக்கம்:

42-வது திருத்தம் முகவுரை, அடிப்படை உரிமைகள், நெறிமுறைக் கோட்பாடுகள், நாடாளுமன்றம், நீதித்துறை, ஒன்றிய–மாநில உறவுகள் எனப் பல பகுதிகளை ஒரே நேரத்தில் மாற்றிய மிகப் பெரிய, மிக விரிவான திருத்தம் . அந்த விரிவே அதற்குச் " சிறிய அரசியலமைப்பு " என்ற பெயரைத் தந்தது.

10.

EO G4 – 2022

தேசியக் கொடியின் வடிவமைப்பை இந்திய அரசியல் நிர்ணய சபை ———— அன்று ஏற்றுக்கொண்டது.

Correct Answer: B [22 ஜூலை 1947]

விளக்கம்:

நிர்ணய சபை தேசியக் கொடியை 1947 ஜூலை 22 அன்று ஏற்றது – விடுதலைக்கு 24 நாட்கள் முன்பு.

11.

CEGS – 2022

இந்திய அரசியலமைப்பின் பாதுகாவலனாக விளங்குவது

Correct Answer: A [உச்ச நீதிமன்றம்]

விளக்கம்:

உச்ச நீதிமன்றம் அரசியலமைப்பின் இறுதி விளக்குநர்; நீதிப் புனராய்வு அதிகாரத்தால் அரசியலமைப்புக்கு முரணான சட்டங்களையும் திருத்தங்களையும் (அடிப்படைக் கட்டமைப்பை மீறுபவை) செல்லாது என அறிவிக்கிறது. பிரிவு 32 மூலம் அடிப்படை உரிமைகளையும் பாதுகாக்கிறது.

12.

EO – 2022

பொருத்துக:

(a) அமெரிக்க அரசியலமைப்பு – 1. உச்ச நீதிமன்ற நீதிபதிகளைப் பதவியிலிருந்து நீக்கும் முறை

(b) ஜெர்மனியின் வெய்மார் அரசியலமைப்பு – 2. நெருக்கடி நிலையில் அடிப்படை உரிமைகளை நிறுத்திவைத்தல்

(c) பிரிட்டிஷ் அரசியலமைப்பு – 3. ஒற்றைக் குடியுரிமை

(d) ஐரிஷ் அரசியலமைப்பு – 4. மாநிலங்களவைக்கு உறுப்பினர் நியமனம்

குறியீடுகள்: (a) (b) (c) (d)

Correct Answer: A [1 2 3 4]

விளக்கம்:

நான்கு இணைகளும் வரிசையாகவே பொருந்துகின்றன: அமெரிக்கா – நீதிபதிகள் நீக்கம்; வெய்மார் ஜெர்மனி – நெருக்கடியில் உரிமைகள் நிறுத்தம்; பிரிட்டன் – ஒற்றைக் குடியுரிமை; அயர்லாந்து – மாநிலங்களவைக்கு நியமனம் (இலக்கியம், அறிவியல், கலை, சமூக சேவைத் துறையினர் 12 பேர் –…

13.

EO G3 – 2022

இந்திய அரசியலமைப்பை உருவாக்க அரசியல் நிர்ணய சபை எடுத்துக்கொண்ட காலம்

Correct Answer: A [2 ஆண்டுகள், 11 மாதம், 18 நாள்]

விளக்கம்:

அதிகாரப்பூர்வக் காலம் 2 ஆண்டு 11 மாதம் 18 நாள் (09.12.1946 – 26.11.1949). கணக்கீட்டுக்கு வினா 5 விளக்கத்திலுள்ள அட்டவணையைப் பார்க்கவும். (தமிழ் வினாவில் "வரைவுக் குழு எடுத்துக்கொண்ட காலம்" என்று இருந்தது; வரைவுக் குழு 29.08.1947-இல்தான் அமைக்கப்பட்டது.

14.

இந்திய அரசியலமைப்பு வரைவுக் குழுவின் தலைவர் யார்?

Correct Answer: A [டாக்டர் பி.ஆர். அம்பேத்கர்]

விளக்கம்:

1947 ஆகஸ்ட் 29 அன்று அமைக்கப்பட்ட வரைவுக் குழுவின் தலைவர் டாக்டர் பி.ஆர். அம்பேத்கர் . ராஜேந்திர பிரசாத் நிர்ணய சபையின் தலைவர்; நேரு ஒன்றிய அதிகாரங்கள், ஒன்றிய அரசியலமைப்பு, சுதேச அரசுகள் குழுக்களின் தலைவர்.

15.

TNPSC – 2022

"வந்தே மாதரம்" பாடல் ———— மொழியில் பங்கிம் சந்திர சட்டர்ஜியால் இயற்றப்பட்டது.

Correct Answer: D [சமஸ்கிருதம்]

விளக்கம்:

இந்திய அரசின் அதிகாரப்பூர்வ விவரப்படி "வந்தே மாதரம்" சமஸ்கிருதத்தில் பங்கிம் சந்திர சட்டர்ஜியால் இயற்றப்பட்டது; அவரது வங்காள நாவலான " ஆனந்தமடம் " (1882)-இல் இடம்பெற்றது. 1896 காங்கிரஸ் மாநாட்டில் முதன்முறையாகப் பாடப்பட்டது.

16.

"சமத்துவச் சிலை" அமைந்துள்ள நகரம்

Correct Answer: C [ஹைதராபாத்]

விளக்கம்:

11-ஆம் நூற்றாண்டு வைணவ ஆசாரியரும் சமூகச் சமத்துவத்தைப் போதித்தவருமான ஸ்ரீ ராமானுஜரின் 216 அடி உயரச் சிலையே " சமத்துவச் சிலை " (Statue of Equality). இது ஹைதராபாத் அருகிலுள்ள முச்சிந்தலில் (ஷம்ஷாபாத்) அமைந்துள்ளது; 2022 பிப்ரவரி 5 அன்று பிரதமர் திறந்து வைத்தார்.

17.

GROUP 1 – 2022

விடுதலை இந்தியாவுக்கு ஓர் அரசியலமைப்பு வேண்டும் என முதலில் பரிந்துரைத்தவர்

Correct Answer: B [எம்.என். ராய்]

விளக்கம்:

விடுதலை இந்தியாவுக்கான அரசியலமைப்பை இந்தியர்களே ஓர் அரசியல் நிர்ணய சபை மூலம் உருவாக்க வேண்டும் என்ற கருத்தை 1934 -இல் முதன்முதலில் முன்வைத்தவர் இந்தியப் பொதுவுடைமை இயக்க முன்னோடி எம்.என். ராய் .

18.

பொருத்துக:

(a) பிட் இந்தியச் சட்டம், 1784 – 1. தலைமை ஆளுநரின் சட்டமியற்றும் அதிகாரங்களைப் பரவலாக்கம் செய்தல்

(b) பட்டயச் சட்டம், 1813 – 2. முதன்முறையாகத் தலைமை ஆளுநரின் அரசாங்கம் "இந்திய அரசு" என அழைக்கப்பட்டது

(c) பட்டயச் சட்டம், 1833 – 3. ஆறு உறுப்பினர்களைக் கொண்ட கட்டுப்பாட்டு வாரியம் நியமனம்

(d) இந்திய கவுன்சில் சட்டம், 1861 – 4. இந்தியாவில் கிழக்கிந்தியக் கம்பெனியின் வணிக முற்றுரிமை பறிப்பு

குறியீடுகள்: (a) (b) (c) (d)

Correct Answer: B [3 4 2 1]

விளக்கம்:

(a) 1784 → 3, (b) 1813 → 4, (c) 1833 → 2, (d) 1861 → 1. எனவே 3 4 2 1 .

19.

ROAD INSPECTOR – 2023

இந்தியாவின் தேசிய மலரான தாமரையின் தாவரவியல் பெயர்

Correct Answer: B [நெலம்போ நியூசிஃபெரா]

விளக்கம்:

தேசிய மலர் தாமரை – தாவரவியல் பெயர் Nelumbo nucifera . பிற விடைகள் வேறு தாவரப் பேரினங்கள் ( Centaurea – கார்ன்ஃப்ளவர் வகை; Acacia – வேல மர வகை; Lisianthus – அலங்கார மலர்). பிற தேசியச் சின்னங்களுக்கு வினா 15 விளக்கத்திலுள்ள அட்டவணையைப் பார்க்கவும்.

20.

LIBRARY SCIENCE – 2023

பட்டியல் சாதியினர், பட்டியல் பழங்குடியினர், இதர பிற்படுத்தப்பட்ட வகுப்பினர், ஆங்கிலோ–இந்தியர் ஆகியோருக்கான சிறப்பு விதிகள் இந்திய அரசியலமைப்பின் எந்தப் பகுதியில் உள்ளன?

Correct Answer: B [பகுதி XVI]

விளக்கம்:

பகுதி XVI – "சில வகுப்பினருக்கான சிறப்பு விதிகள்" (பிரிவு 330 – 342A). பகுதி XI – ஒன்றிய–மாநில உறவுகள்; பகுதி XIII – வணிகம், வர்த்தகம்; பகுதி XXI – தற்காலிக, இடைக்கால, சிறப்பு விதிகள்.

21.

BURSAR – 2023

1946 டிசம்பர் 9 அன்று அரசியல் நிர்ணய சபையின் முதல் கூட்டம் நடைபெற்றது. இக்கூட்டத்துக்கு ———— தலைமை தாங்கினார்.

Correct Answer: C [டாக்டர் சச்சிதானந்த சின்ஹா]

விளக்கம்:

பிரெஞ்சு மரபைப் பின்பற்றி, அவையின் மூத்த உறுப்பினரான டாக்டர் சச்சிதானந்த சின்ஹா தற்காலிகத் தலைவராக முதல் கூட்டத்துக்குத் தலைமை தாங்கினார். 211 உறுப்பினர்கள் கலந்துகொண்டனர்; முஸ்லிம் லீக் புறக்கணித்தது.

22.

GROUP 3A – 2023

இந்தியாவின் கூட்டாட்சி முறையைக் "கூட்டுறவுக் கூட்டாட்சி" எனக் கூறியவர் யார்?

Correct Answer: A [கிரான்வில் ஆஸ்டின்]

விளக்கம்:

கிரான்வில் ஆஸ்டின் இந்தியக் கூட்டாட்சியை " கூட்டுறவுக் கூட்டாட்சி " (Co-operative Federalism) என்றார் – ஒன்றியமும் மாநிலங்களும் போட்டியிடாமல், ஒன்றையொன்று சார்ந்து, இணைந்து செயல்படும் முறை. கே.சி. வேர் "அரைக் கூட்டாட்சி" என்றார்.

23.

GROUP 3A – 2023 · HEALTH OFFICER – 2023

இந்தியாவில் முதன்முறையாகத் தனித் தொகுதி முறையை அறிமுகப்படுத்திய சட்டம்

Correct Answer: A [1909-ஆம் ஆண்டுச் சட்டம்]

விளக்கம்:

இந்தியக் கவுன்சில்கள் சட்டம், 1909 (மிண்டோ–மார்லி சீர்திருத்தங்கள்) முஸ்லிம்களுக்குத் தனித் தொகுதி முறையை முதன்முறையாக அறிமுகப்படுத்தியது – முஸ்லிம் வேட்பாளர்களை முஸ்லிம் வாக்காளர்கள் மட்டுமே தேர்ந்தெடுப்பர்.

24.

VETERINARY ASSISTANT – 2023

பின்வருவனவற்றைப் படித்துச் சரியான விடையைத் தேர்ந்தெடுக்கவும்.

துணிபு (A): இந்திய அரசியலமைப்பு முழுமையான கூட்டாட்சி அரசியலமைப்பு அல்ல.

காரணம் (R): அமைப்பு–செயல்பாட்டுச் சமநிலை ஒன்றியத்தின் மேலாண்மைக்குச் சாதகமாக உள்ளது.

Correct Answer: D [(A), (R) இரண்டும் சரி; (R), (A)-க்குச் சரியான விளக்கம்]

விளக்கம்:

இந்திய அரசியலமைப்பில் கூட்டாட்சிக் கூறுகள் இருந்தாலும், அதன் அமைப்பும் (structure) செயல்பாடும் (function) ஒன்றியத்தின் மேலாண்மைக்குச் சாதகமாக உள்ளன. அதனால்தான் அது "முழுமையான கூட்டாட்சி" அல்ல – "ஒற்றையாட்சிச் சாயல் கொண்ட கூட்டாட்சி".

25.

ACF – 2023

கீழ்க்கண்ட மூன்று கூற்றுகளில் இந்திய அரசியலமைப்பு குறித்த சரியான கூற்று(களை)க் கண்டறிக.

(i) இந்திய அரசியலமைப்பு சமூகத்தால் கட்டமைக்கப்பட்ட ஓர் ஆவணம்

(ii) இந்திய அரசியலமைப்பு என்பது எழுதப்படாத மரபுகளும் வழக்காறுகளும் ஆகும்

(iii) இந்திய அரசியலமைப்பு என்பது நாடாளுமன்றத்தாலும் நீதிமன்றத்தாலும் உரைவிளக்கம் செய்யப்படும் ஒரு பனுவல்

Correct Answer: B [(i), (iii) மட்டும்]

விளக்கம்:

கூற்றுகள் (i), (iii) சரி; (ii) தவறு – இந்திய அரசியலமைப்பு எழுதப்பட்ட ஆவணம்.

26.

GROUP 1C (DEO) – 2023

பிற நாடுகளிலிருந்து இந்திய அரசியலமைப்புக்குப் பெறப்பட்டவற்றைச் சரியாகப் பொருத்துக:

(a) நாடாளுமன்ற மக்களாட்சி – 1. அமெரிக்கா

(b) அடிப்படை உரிமைகள் – 2. இங்கிலாந்து

(c) அரசின் நெறிமுறைக் கோட்பாடுகள் – 3. கனடா

(d) கூட்டாட்சி – 4. அயர்லாந்து

குறியீடுகள்: (a) (b) (c) (d)

Correct Answer: D [2 1 4 3]

விளக்கம்:

நாடாளுமன்ற மக்களாட்சி – இங்கிலாந்து (2) ; அடிப்படை உரிமைகள் – அமெரிக்கா (1) ; நெறிமுறைக் கோட்பாடுகள் – அயர்லாந்து (4) ; கூட்டாட்சி (வலுவான மையத்துடன்) – கனடா (3) . எனவே 2 1 4 3 . முழு மூலங்கள் அட்டவணைக்கு வினா 4 விளக்கத்தைப் பார்க்கவும்.

27.

"நிர்வாக வசதிக்காக நாடும் மக்களும் வெவ்வேறு மாநிலங்களாகப் பிரிக்கப்பட்டாலும், நாடு என்பது முழுமையாக ஒருங்கிணைந்த ஒன்று" எனக் கூறியவர் யார்?

Correct Answer: C [பீம்ராவ் அம்பேத்கர்]

விளக்கம்:

1948 நவம்பர் 4 அன்று வரைவு அரசியலமைப்பை நிர்ணய சபையில் அறிமுகம் செய்து பேசிய டாக்டர் பி.ஆர். அம்பேத்கர் இவ்வாறு கூறினார். இந்தியக் கூட்டாட்சி மாநிலங்களுக்கிடையிலான ஒப்பந்தத்தால் உருவானது அல்ல; எனவே எந்த மாநிலத்துக்கும் பிரிந்து செல்லும் உரிமை இல்லை .

28.

பன்முகத்தன்மை என்பது இந்திய ———— அடிக்கல் ஆகும்.

Correct Answer: A [பண்பாட்டின்]

விளக்கம்:

பன்முகத்தன்மை (Pluralism) என்பது பல மொழிகள், மதங்கள், இனங்கள், வாழ்க்கை முறைகள் ஒன்றையொன்று ஏற்று இணைந்து வாழும் நிலை. இதுவே இந்தியப் பண்பாட்டின் அடித்தளம் – " வேற்றுமையில் ஒற்றுமை ".

29.

JSO – 2023

கூற்று [A]: பகுத்தறிவுடன் விவாதிக்கப்பட்ட ஓர் அறநெறி ஆவணமே இந்திய அரசியலமைப்பு.

காரணம் [R]: பல்வேறு நலக் குழுக்கள் கூடி விவாதித்துத் தங்களுக்குள் பேச்சுவார்த்தை மூலம் உடன்பாட்டை எட்டிய இடமே இந்திய அரசியல் நிர்ணய சபை.

Correct Answer: C [[A], [R] இரண்டும் சரி; [R], [A]-க்கான சரியான விளக்கம்]

விளக்கம்:

நிர்ணய சபையில் காங்கிரஸ், சிறுபான்மையினர், ஒடுக்கப்பட்ட வகுப்பினர், சுதேச அரசுகள், மாகாணங்கள் எனப் பல்வேறு நலக் குழுக்களின் பிரதிநிதிகள் இருந்தனர். ஒவ்வொரு பிரிவும் வெளிப்படையாக விவாதிக்கப்பட்டு , உடன்பாட்டின் மூலம் முடிவெடுக்கப்பட்டது.

30.

COMBINED ACCOUNTS SERVICES (TN TREASURIES) – 2024

கீழ்க்கண்டவற்றுள் சரியாகப் பொருந்தாதது எது?

Correct Answer: B [பகுதி II : அடிப்படைக் கடமைகள்]

விளக்கம்:

பகுதி II – குடியுரிமை (பிரிவு 5 – 11). அடிப்படைக் கடமைகள் பகுதி IVA (பிரிவு 51A) – 42-வது திருத்தம் (1976) மூலம் சேர்க்கப்பட்டது. எனவே (B) தவறான இணை.

31.

AAO & AHO – 2024

அரசியலமைப்பு என்ற கருத்தாக்கம் முதலில் தோன்றிய நாடு

Correct Answer: B [அமெரிக்க ஐக்கிய நாடு]

விளக்கம்:

ஒரே ஆவணமாக எழுதப்பட்ட நவீன தேசிய அரசியலமைப்புக்கு முன்மாதிரி அமெரிக்கா . அமெரிக்க அரசியலமைப்பு (1787; 1789 முதல் நடைமுறை) இன்றும் நடைமுறையிலுள்ள மிகப் பழைய எழுதப்பட்ட தேசிய அரசியலமைப்பு.

32.

GROUP 4 – 2024

வரலாற்றின் சிறந்த சொற்பொழிவுகளில் ஒன்றான "எனக்கு ஒரு கனவு இருக்கிறது" என்ற உரையை ஆற்றியவர்

Correct Answer: C [மார்ட்டின் லூதர் கிங்]

விளக்கம்:

அமெரிக்காவில் கறுப்பின மக்களின் குடியுரிமை இயக்கத் தலைவர் மார்ட்டின் லூதர் கிங் (இளையவர்) 1963 ஆகஸ்ட் 28 அன்று வாஷிங்டனில் லிங்கன் நினைவகத்தின் முன் "I have a dream" உரையை ஆற்றினார். இன வேறுபாடற்ற சமத்துவச் சமூகம் பற்றிய கனவே அதன் மையம்.

33.

இந்திய அரசியலமைப்பின் சிற்பி எனக் கருதப்படுபவர் யார்?

Correct Answer: A [டாக்டர் பி.ஆர். அம்பேத்கர்]

விளக்கம்:

வரைவுக் குழுத் தலைவராக வரைவு அரசியலமைப்பைத் தயாரித்து, நிர்ணய சபையில் அதை முன்னின்று விளக்கி நிறைவேற்றியவர் டாக்டர் பி.ஆர். அம்பேத்கர் ; எனவே அவர் " இந்திய அரசியலமைப்பின் சிற்பி ". ராஜேந்திர பிரசாத் – நிர்ணய சபைத் தலைவர்; எச்.சி. முகர்ஜி, வி.டி.

34.

GROUP 1 – 2024

சட்டமியற்றும் அதிகாரங்களைப் பகிர்ந்தளிப்பதற்கான பட்டியல் முறை இந்தியாவில் தோன்றியது இந்தச் சட்டத்தால்

Correct Answer: B [மாண்டேகு–செம்ஸ்ஃபோர்டு சட்டம், 1919]

விளக்கம்:

1919 இந்திய அரசுச் சட்டம் (மாண்டேகு–செம்ஸ்ஃபோர்டு) அதிகாரப் பகிர்வு விதிகள் (Devolution Rules) மூலம் பொருள்களை மத்தியப் பட்டியல், மாகாணப் பட்டியல் எனப் பிரித்தது – பட்டியல் முறையின் தொடக்கம் இதுவே.

35.

CTS (NON-INTERVIEW POST) – 2024

இந்திய அரசியலமைப்பை உருவாக்கியவர்கள் அடிப்படை உரிமைகள் என்ற கருத்தை இதிலிருந்து பெற்றனர்

Correct Answer: C [அமெரிக்க அரசியலமைப்பு]

விளக்கம்:

அடிப்படை உரிமைகள் – அமெரிக்க அரசியலமைப்பின் " உரிமைகள் சாசனம் " (Bill of Rights, 1791) முன்மாதிரி. அயர்லாந்து – நெறிமுறைக் கோட்பாடுகள்; இங்கிலாந்து – நாடாளுமன்ற ஆட்சி முறை; கனடா – வலுவான மையம் கொண்ட கூட்டாட்சி.

36.

GROUP 1B & 1C – 2024

கூற்று [A]: இந்திய அரசியல் நிர்ணய சபையின் வரைவுக் குழுவின் தலைவராக டாக்டர் பி.ஆர். அம்பேத்கர் இருந்தார்.

காரணம் [R]: இறுதியில் நேருவும் அம்பேத்கரும் விரும்பிய வழியே வென்றது; இந்தியா குடியரசாகத் தொடங்குவதைக் குறிக்கும் வகையில் பிரிட்டிஷ் – அமெரிக்க – சுவிஸ் மாதிரியிலான அரசியலமைப்பு ஏற்கப்பட்டது.

Correct Answer: D [[A], [R] இரண்டும் சரி; ஆனால் [R], [A]-க்கான சரியான விளக்கம் அல்ல]

விளக்கம்:

[A] சரி – வரைவுக் குழுத் தலைவர் அம்பேத்கர் (வினா 14).

37.

GROUP 1 & 1A – 2025

கீழ்க்கண்ட இந்திய அரசியலமைப்பின் பகுதிகளை அவற்றின் பொருளுடன் பொருத்துக:

(a) பகுதி XIV – 1. தேர்தல்கள்

(b) பகுதி XV – 2. அரசியலமைப்புத் திருத்தம்

(c) பகுதி XVIII – 3. ஒன்றிய, மாநிலப் பணிகள்

(d) பகுதி XX – 4. நெருக்கடி நிலை விதிகள்

குறியீடுகள்: (a) (b) (c) (d)

Correct Answer: A [3 1 4 2]

விளக்கம்:

பகுதி பொருள் பிரிவுகள் குறியீடு XIV ஒன்றிய, மாநிலப் பணிகள் (UPSC, மாநில PSC – பிரிவு 315 – 323) 308 – 323 3 XV தேர்தல்கள் (தேர்தல் ஆணையம் – பிரிவு 324) 324 – 329A 1 XVIII நெருக்கடிநிலை விதிகள் (352, 356, 360) 352 – 360 4 XX அரசியலமைப்புத் திருத்தம் 368 2…

38.

"கூட்டுறவுச் சங்கங்களுக்கு" எந்த அரசியலமைப்புப் பிரிவுகளின் கீழ் அரசியலமைப்பு அந்தஸ்து வழங்கப்பட்டுள்ளது?

Correct Answer: A [பிரிவு 243-ZH முதல் 243-ZT வரை]

விளக்கம்:

97-வது திருத்தம் (2011; 2012 பிப்ரவரி 15 முதல் நடைமுறை) "கூட்டுறவுச் சங்கங்கள்" என்ற பகுதி IXB -ஐ (பிரிவு 243ZH – 243ZT ) சேர்த்தது. பிற விருப்பங்களில் உள்ள "243PH", "243NH", "243HZ" போன்ற பிரிவுகள் அரசியலமைப்பில் இல்லை.

39.

GROUP 4 – 2025

இந்திய அரசியலமைப்பின் 42-வது திருத்தச் சட்டம் கொண்டுவரப்பட்டபோது இந்தியப் பிரதமராக இருந்தவர் யார்?

Correct Answer: C [இந்திரா காந்தி]

விளக்கம்:

42-வது திருத்தம் 1976 -இல், நெருக்கடிநிலைக் காலத்தில் (1975 – 77), பிரதமர் இந்திரா காந்தி ஆட்சியில் நிறைவேற்றப்பட்டது. அதன் உள்ளடக்கத்துக்கு வினா 8 விளக்கத்திலுள்ள அட்டவணையைப் பார்க்கவும்.

40.

CTS (INTERVIEW POST) – 2025

104-வது அரசியலமைப்புத் திருத்தச் சட்டம், 2019 நடைமுறைக்கு வந்த நாள்

Correct Answer: D [ஜனவரி 25, 2020]

விளக்கம்:

104-வது திருத்தம் 2020 ஜனவரி 25 முதல் நடைமுறைக்கு வந்தது – முந்தைய (95-வது திருத்தம் வழங்கிய) கால நீட்டிப்பு முடிவடைந்த நாள் அது.

41.

CTS (NON-INTERVIEW POST) – 2025

சரியான இணைகளைத் தேர்ந்தெடுக்கவும்:

நிர்ணய சபைக் குழுக்கள் – தலைவர்கள்

(1) நடைமுறை விதிகள் குழு – டாக்டர் ராஜேந்திர பிரசாத்

(2) ஒன்றிய அரசியலமைப்புக் குழு – ஜே.பி. கிருபளானி

(3) அடிப்படை உரிமைகள் ஆலோசனைக் குழு – வல்லபாய் படேல்

(4) சுதேச அரசுகள் குழு – எச்.சி. முகர்ஜி

Correct Answer: D [(1), (3) சரி]

விளக்கம்:

குழு வினாவில் உள்ள பெயர் சரியான தலைவர் நிலை (1) நடைமுறை விதிகள் குழு ராஜேந்திர பிரசாத் ராஜேந்திர பிரசாத் சரி (2) ஒன்றிய அரசியலமைப்புக் குழு ஜே.பி.

42.

CTS (ITI) – 2025

கூற்று [A]: இந்திய அரசியலமைப்பு உலகிலேயே மிக நீளமான அரசியலமைப்பு ஆகும்.

காரணம் [R]: தொடக்கத்தில் அரசியலமைப்பு 22 பகுதிகளையும் 395 பிரிவுகளையும் கொண்டிருந்தது.

Correct Answer: A [[A], [R] இரண்டும் சரி; [R], [A]-க்கான சரியான விளக்கம்]

விளக்கம்:

[A] சரி – இந்திய அரசியலமைப்பு உலகின் மிக நீளமான எழுதப்பட்ட அரசியலமைப்பு . [R] சரி – மூலத்தில் முகவுரை, 395 பிரிவுகள், 22 பகுதிகள், 8 அட்டவணைகள் . இந்த விரிவான அளவே [A]-வை நிலைநிறுத்துகிறது; எனவே [R], [A]-க்கான விளக்கம்.

43.

CTS (ITI LEVEL II) – 2025

கூற்று [A]: அரசியல் நிர்ணய சபை பல்வேறு குழுக்களை அமைத்து இந்திய அரசியலமைப்பை உருவாக்கியது.

காரணம் [R]: டாக்டர் ராஜேந்திர பிரசாத் தலைமையிலான வரைவுக் குழு அரசியலமைப்பைத் தயாரித்தது.

Correct Answer: C [[A] சரி; ஆனால் [R] தவறு]

விளக்கம்:

[A] சரி – நிர்ணய சபை எட்டு முக்கியக் குழுக்களையும் பல சிறு குழுக்களையும் அமைத்தது (வினா 41 விளக்கத்திலுள்ள குழுக்கள் அட்டவணை). [R] தவறு – வரைவுக் குழுவின் தலைவர் டாக்டர் பி.ஆர்.

44.

GROUP 2A MAINS (RE-EXAM) – 2026

சரியான பொருத்தங்களைத் தெரிவு செய்க.

(1) இங்கிலாந்து – ஈரவைச் சட்டமன்றம்

(2) சோவியத் ரஷ்யா – சுதந்திரமான நீதித்துறை

(3) ஆஸ்திரேலியா – ஐந்தாண்டுத் திட்டங்கள்

(4) அமெரிக்கா – உச்ச நீதிமன்ற, உயர் நீதிமன்ற நீதிபதிகளை நீக்குதல்

Correct Answer: C [(1), (4)]

விளக்கம்:

இணை நிலை சரியான மூலம் (1) இங்கிலாந்து – இரு அவைச் சட்டமன்றம் சரி இங்கிலாந்து (2) சோவியத் – சுதந்திரமான நீதித்துறை தவறு சுதந்திரமான நீதித்துறை – அமெரிக்கா (3) ஆஸ்திரேலியா – ஐந்தாண்டுத் திட்டம் தவறு ஆஸ்திரேலியா – பொதுப் பட்டியல், கூட்டுக் கூட்டம்.

45.

CTS (NON-INTERVIEW POST) – 2026

இந்தியாவுக்கு அரசியல் நிர்ணய சபை வேண்டும் என முன்மொழிந்தவர்

Correct Answer: A [எம்.என். ராய்]

விளக்கம்:

இந்தியாவுக்கான அரசியல் நிர்ணய சபை என்ற கருத்தை 1934 -இல் முதன்முதலில் முன்வைத்தவர் எம்.என். ராய் . நேரு 1938-இல் வயதுவந்தோர் வாக்குரிமையில் தேர்ந்தெடுக்கப்படும் நிர்ணய சபையைக் கோரினார்; ஆனால் கருத்தை முதலில் முன்வைத்தவர் ராய். எச்.சி.

46.

இந்திய அரசியலமைப்பு பற்றிக் கீழே கொடுக்கப்பட்டுள்ள கூற்றுகளில் சரியானவை எவை?

(i) அரசியலமைப்பு என்பது அடிப்படைச் சட்டம்.

(ii) அது நவம்பர் 26, 1949 அன்று ஏற்றுக்கொள்ளப்பட்டது.

(iii) பிரேம் பிஹாரி நாராயண் ரைசாதா இந்திய அரசியலமைப்பின் கையெழுத்துப் பிரதியை எழுதியவர்.

Correct Answer: D [இவை அனைத்தும்]

விளக்கம்:

மூன்று கூற்றுகளும் சரி.

47.

GROUP 1 – 2026

பொருத்துக:

பொருள் – ஆண்டு

(a) காமன்வெல்த்தில் இந்தியாவின் உறுப்பினர் நிலை – 1. 1950

(b) இந்தியா தேசிய கீதத்தை ஏற்றது – 2. 1949

(c) இந்தியா தேசியக் கொடியை ஏற்றது – 3. 1948

(d) அரசியலமைப்பின் முதல் வரைவு வெளியிடப்பட்டது – 4. 1947

குறியீடுகள்: (a) (b) (c) (d)

Correct Answer: A [2 1 4 3]

விளக்கம்:

காமன்வெல்த் உறுப்பினர் நிலை உறுதி – 1949 (2); தேசிய கீதம் – 1950 (24 ஜனவரி) (1); தேசியக் கொடி – 1947 (22 ஜூலை) (4); வரைவு அரசியலமைப்பு வெளியீடு – 1948 (பிப்ரவரி) (3). எனவே 2 1 4 3 . நாட்களுடன் கூடிய அட்டவணைக்கு வினா 10 விளக்கத்தைப் பார்க்கவும்.

48.

இந்திய அரசியலமைப்பின் பகுதிகளின் வரிசைப்படி பின்வருவனவற்றை ஒழுங்குபடுத்துக:

(1) தேர்தல்கள்

(2) அலுவல் மொழிகள்

(3) பஞ்சாயத்து ராஜ்

(4) ஒன்றியப் பிரதேசங்கள்

Correct Answer: A [(4), (3), (1), (2)]

விளக்கம்:

பொருள் பகுதி பிரிவுகள் (4) ஒன்றியப் பிரதேசங்கள் VIII 239 – 242 (3) பஞ்சாயத்துகள் IX 243 – 243O (1) தேர்தல்கள் XV 324 – 329A (2) அலுவல் மொழி XVII 343 – 351 எனவே (4), (3), (1), (2) .

49.

SC, ST, OBC வகுப்பினரின் சமூக, பொருளாதார முன்னேற்றத்துக்கான சிறப்பு ஏற்பாடுகளைக் கொண்ட அரசியலமைப்பு விதிகள் எவை?

Correct Answer: C [பிரிவு 330 – 342; பகுதி XVI]

விளக்கம்:

பகுதி XVI – பிரிவு 330 – 342 (இன்று 342A வரை) "சில வகுப்பினருக்கான சிறப்பு விதிகள்". உள்ளடக்கத்துக்கு வினா 20 விளக்கத்திலுள்ள அட்டவணையைப் பார்க்கவும்.

50.

GROUP 2A MAINS (REVOKED) – 2026

இந்திய அரசியலமைப்பைத் திருத்துவதில் எந்த அம்சங்களுக்குக் குறைந்தது பாதி மாநிலச் சட்டமன்றங்களின் ஏற்பு தேவை?

(i) புதிய வழிகாட்டுதல் கொள்கையைச் சேர்த்தல்

(ii) அடிப்படை உரிமைகளை நீக்குதல்

(iii) உச்ச நீதிமன்ற அதிகாரங்களில் திருத்தம்

(iv) மாநிலங்களின் அதிகாரங்களில் மாற்றம்

Correct Answer: D [(iii), (iv) மட்டும்]

விளக்கம்:

[சரியான பொருள்: (i) – "Addition of a new principle" என்பது புதிய நெறிமுறைக் கோட்பாட்டைச் (Directive Principle) சேர்த்தல்.] பிரிவு 368(2) வரம்புரை – கூட்டாட்சி அம்சங்களுக்கு மட்டுமே பாதி மாநிலங்களின் ஏற்பு: உச்ச நீதிமன்றம், உயர் நீதிமன்றங்கள் (iii),…

? இந்த வினாக்களின் முழு விளக்கம், அட்டவணைகளுடன் – இந்திய ஆட்சியியல் PYQ நூல் (₹149): www.shanmugamiasacademy.in/study-materials/tnpsc-indian-polity-pyq