← திரும்பச் செல்ல

[Fishery Inspector-2023] எந்த அதிதீவிர வைதீக நடவடிக்கைகளில் ஈடுபட்ட சைவ முனிவர்களின் பெயர் மணிமேகலையில் குறிப்பிடப்பட்டுள்ளது?

Correct Answer: B [காபாலிகர்]

Notes:

மணிமேகலை கடுந்தவ வாழ்க்கை மேற்கொண்ட சைவத் துறவிகளான காபாலிகர்களைக் குறிப்பிடுகிறது; சாங்கியம், வைசேடிகம், ஆசீவகம் ஆகியவை தனித் தத்துவ மரபுகள்.

[Health Officer-2023] சங்க காலத்தில் பண்டமாற்று முறை இருந்தது என்பதை எதில் குறிப்பிடப்பட்டுள்ளது?

Correct Answer: A [குறுந்தொகை]

Notes:

குறுந்தொகைப் பாடல்கள் மீன், உப்பு போன்ற பொருட்களைப் பணமின்றி வேறு பொருட்களுக்கு மாற்றிக்கொண்ட பண்டமாற்று வணிகத்தைக் குறிப்பிடுகின்றன.

[Veterinary Assistant-2023] “செந்தமிழ்த் தேனீ! சிந்துக்குத் தந்தை!
குவிக்கும் கவிதைக் குயில்! இந்நாட்டினைக்
கவிழ்க்கும் பகையைக் கவிழ்க்கும் கவியரசு”
– இந்தப் பாடலோடு தொடர்புடைய இருவர் யார்?

Correct Answer: D [பாரதியார், பாரதிதாசன்]

Notes:

பாரதிதாசன் தம் குருவான பாரதியாரைச் ‘செந்தமிழ்த் தேனீ, சிந்துக்குத் தந்தை’ எனப் புகழ்ந்து பாடிய வரிகள் இவை.

[Veterinary Assistant-2023] கோடிட்ட இடத்தை நிரப்புக:
சீன மிசிரம் யவனரகம் - இன்னும்
தேசம் பலவும் புகழ்வீசிக் - கலை
ஞானம் படைத்தொழில் வாணிபமும் - மிக
நன்று வளர்த்த ______

Correct Answer: A [தமிழ்நாடு]

Notes:

பாரதியாரின் ‘செந்தமிழ் நாடு’ பாடலில் கலை, ஞானம், படைத்தொழில், வாணிபம் ஆகியவற்றை நன்று வளர்த்த ‘தமிழ்நாடு’ எனப் போற்றப்படுகிறது.

[Veterinary Assistant-2023] இராமாயணத்தில் சுந்தரன் என்னும் பெயரால் அழைக்கப்படுபவர் யார்?

Correct Answer: D [அனுமன்]

Notes:

அனுமன் ‘சுந்தரன்’ என அழைக்கப்படுகிறான்; அவனது செயல்களைக் கூறும் பகுதியே சுந்தர காண்டம்.

[Veterinary Assistant-2023] பத்துப்பாட்டில் செம்பாதி எவ்வகை நூல்கள்?

Correct Answer: C [ஆற்றுப்படை நூல்கள்]

Notes:

பத்துப்பாட்டில் திருமுருகாற்றுப்படை, பொருநராற்றுப்படை, சிறுபாணாற்றுப்படை, பெரும்பாணாற்றுப்படை, மலைபடுகடாம் ஆகிய ஐந்தும் (செம்பாதி) ஆற்றுப்படை நூல்கள்.

[JRO & Assistant Professor (Psychology)-2023] கடையேழு வள்ளல்களில் நீலமணியையும், நாகம் தந்த கலிங்கத்தையும் சிவனுக்கு அளித்தவர் யார்?

Correct Answer: C [ஆய் அண்டிரன்]

Notes:

சிறுபாணாற்றுப்படையின்படி, நீலநாகம் தந்த கலிங்கத்தை ஆலமர் செல்வனான சிவனுக்கு அளித்தவன் ஆய் அண்டிரன்.

[JRO & Assistant Professor (Psychology)-2023] கலிங்கத்துப் பரணியில் குறிப்பிடப்பட்டுள்ள ‘யோகா’ என்ற சொல்லின் பொருள் விளக்கம்

Correct Answer: D [மனதை ஒருமுகப்படுத்துதல்]

Notes:

கலிங்கத்துப்பரணியில் ‘யோகம்’ என்பது மனதை ஒருமுகப்படுத்தி நிலைநிறுத்தும் தவநிலையைக் குறிக்கிறது.

[Road Inspector-2023] எட்டுத்தொகையும், பத்துப்பாட்டும் ஏறத்தாழ ______ பாடல்களைக் கொண்ட இலக்கிய கருவூலமாகும்.

Correct Answer: A [2400]

Notes:

எட்டுத்தொகை (சுமார் 2352 பாடல்கள்) மற்றும் பத்துப்பாட்டு (10) சேர்ந்து ஏறத்தாழ 2400 பாடல்களைக் கொண்டவை.

10.

[DEO-2023] பொருத்துக:
(a) சருக்கம் – 1. சீவக சிந்தாமணி
(b) இலம்பகம் – 2. பாரதம்
(c) படலம் – 3. சிலப்பதிகாரம்
(d) காண்டம் – 4. கம்பராமாயணம்

Correct Answer: A [2 1 4 3]

Notes:

வில்லிபாரதம் சருக்கங்களாகவும், சீவக சிந்தாமணி இலம்பகங்களாகவும், கம்பராமாயணம் காண்டங்களுக்குள் படலங்களாகவும், சிலப்பதிகாரம் காண்டங்களாகவும் பிரிக்கப்பட்டுள்ளன.

11.

[DEO-2023] சரியான விடையைத் தேர்க:
1. சீவகசிந்தாமணி இயற்றிய திருத்தக்கத்தேவர் சோழ அரச மரபினராய் இருந்து துறவறம் பூண்டவர்.
2. சீவகசிந்தாமணியே விருத்தத்தில் அமைந்த முதல் தமிழ்ப் பெருங்காப்பியமாகும்.
3. திருத்தக்கத்தேவர் நரிவிருத்தம் என்னும் நிலையாமை நூல் ஒன்றையும் இயற்றியுள்ளார்.
4. சீவகசிந்தாமணி பன்னிரண்டு இலம்பகங்களையும் இரண்டாயிரம் பாடல்களையும் உடையது.

Correct Answer: A [1, 2, 3 சரி 4 தவறு]

Notes:

சீவக சிந்தாமணி 13 இலம்பகங்களும் 3145 பாடல்களும் கொண்டது; எனவே கூற்று 4 தவறு, மற்ற மூன்றும் சரி.

12.

[DEO-2023] “கூர்வேல் குவைஇய மொய்ம்பின்
தேர்வண் பாரிதண் பறம்பு நாடே”
– என்ற பாடல் அடி இடம்பெறும் நூல் எது?

Correct Answer: C [புறநானூறு]

Notes:

பாரியின் பறம்பு நாட்டைப் புகழும் இவ்வரிகள் கபிலர் பாடிய புறநானூற்றுப் பாடலில் இடம்பெறுகின்றன.

13.

[DEO-2023] புத்தமதத்தின் கல்விமையமாக காஞ்சி இருந்ததை காட்டும் இலக்கியம்?

Correct Answer: A [மணிமேகலை]

Notes:

மணிமேகலை காஞ்சியில் அறவண அடிகளிடம் அறம் கேட்டுத் தவம் மேற்கொண்டதாகக் கூறும் மணிமேகலைக் காப்பியம், காஞ்சி பௌத்தக் கல்வி மையமாக விளங்கியதைக் காட்டுகிறது.

14.

[DEO-2023] நெடுநல்வாடை ‘அகமா? புறமா?’ என்ற விவாதத்திற்குக் காரணமான மலர் எது?

Correct Answer: B [வேம்பு]

Notes:

நெடுநல்வாடையில் பாண்டியனின் அடையாளமான வேப்பம்பூ மாலை இடம்பெறுவதால், தலைவன் பெயர் சுட்டப்பட்டதாகக் கொண்டு இது புறநூலா அகநூலா என்ற விவாதம் எழுந்தது.

15.

[DEO-2023] சிலப்பதிகாரத்தில் சொல்லப்படாத கிளைக்கதை எது?

Correct Answer: B [ஆதிரை வரலாறு]

Notes:

ஆதிரை வரலாறு மணிமேகலையில் (ஆதிரை பிச்சையிட்ட காதை) இடம்பெறுகிறது; மற்ற மூன்றும் சிலப்பதிகாரக் கிளைக்கதைகள்.

16.

[Library-2023] ‘பாடாண் திணை’ எனும் ஒரே திணையை மட்டும் கொண்டு பாடப்பட்ட பனுவல்

Correct Answer: A [பதிற்றுப்பத்து]

Notes:

சேர மன்னர்களைப் புகழும் பதிற்றுப்பத்து முழுவதும் பாடாண் திணையில் அமைந்த நூல்.

17.

[Geology-2023] “குற்றம் பார்க்கின் சுற்றம் இல்லை” என்ற அடி இடம் பெற்றுள்ள நூல் எது?

Correct Answer: D [கொன்றைவேந்தன்]

Notes:

“குற்றம் பார்க்கின் சுற்றம் இல்லை” என்பது ஔவையார் இயற்றிய கொன்றைவேந்தன் நூலின் அடி.

18.

[JA-2023] ‘தெளிவு குருவின் திருமேனி காண்டல்’
என்று உரைக்கும் பாடல் எது?

Correct Answer: B [திருமந்திரம்]

Notes:

“தெளிவு குருவின் திருமேனி காண்டல்” எனத் தொடங்கும் பாடல் திருமூலரின் திருமந்திரத்தில் உள்ளது.

19.

[JA-2023] புதுக்கவிதைகளில் பழங்கதையைத் துணையாகக் கொண்டு ஒரு கருத்தை விளக்குவதற்குப் பயன்படுத்தப்படும் உத்திமுறை

Correct Answer: B [தொன்மம்]

Notes:

பழங்கதைகளையும் புராணங்களையும் புதுக்கவிதையில் பயன்படுத்தும் உத்தி ‘தொன்மம்’ (Myth); படிமம் என்பது காட்சிப்படுத்தல், குறியீடு என்பது சின்னம்.

20.

[JSO-2023] ‘சிறுபஞ்சமூலம்’ என்ற நூலின் மூலம் எவ்வகையான அறிவைப் பெற முடியும்?

Correct Answer: C [மருத்துவ அறிவு]

Notes:

காரியாசான் இயற்றிய சிறுபஞ்சமூலம், ஐந்து மருத்துவ வேர்கள் உடல்நோயைத் தீர்ப்பதுபோல் ஒவ்வொரு பாடலிலும் ஐந்து கருத்துகளால் மனநோயைத் தீர்க்கும் நூல்; இதன் பெயரே மருத்துவத்தோடு தொடர்புடையது.

21.

[Combined Research Assistant-2023] பிள்ளைத் தமிழ்ப் பருவங்களுள் ‘அம்மானை’ பருவத்திற்குரிய காலம் எது?

Correct Answer: B [19 - 20]

Notes:

பெண்பால் பிள்ளைத்தமிழில் 17ஆம் மாதம் நீராடல், 19ஆம் மாதம் அம்மானை, 21ஆம் மாதம் ஊசல் எனக் கடைசி மூன்று பருவங்கள் அமைகின்றன; எனவே அம்மானைப் பருவம் 19 – 20ஆம் மாதங்களுக்குரியது.

22.

[Research Assistant (Animal Husbandry)-2023] கடியலூர் உருத்திரங் கண்ணனாரின் பட்டினப்பாலை செய்யுளுக்காக 1,600,000 பொற்காசுகளை வழங்கிய அரசர் யார்?

Correct Answer: B [கரிகாலன்]

Notes:

கரிகால் சோழனைப் பாடிய பட்டினப்பாலைக்காகக் கடியலூர் உருத்திரங்கண்ணனாருக்குப் பதினாறு நூறாயிரம் பொன் வழங்கப்பட்டது எனக் கலிங்கத்துப்பரணி முதலியன கூறுகின்றன.

23.

[Junior Analyst-2023] கோடிட்ட இடங்களை நிரப்புக:
“வெட்சி நிரைகவர்தல் மீட்டல் கரந்தையாம் வட்கார்மேற் செல்வது ______ யாம் உட்கா எதிரூன்றல் ______”

Correct Answer: A [வஞ்சி, காஞ்சி]

Notes:

பகைவர் மேல் படையெடுத்துச் செல்வது வஞ்சி; அவ்வாறு வந்தவரை அஞ்சாது எதிர்த்து நிற்பது காஞ்சி என்பது புறத்திணை வரிசை.

24.

[Mass Interviewer-2023] அல்லற்பட்டு ஆற்றாது அழுத கண்ணீர் – என்ன செய்யும்?

Correct Answer: C [செல்வத்தைத் தேய்க்கும்]

Notes:

“அல்லற்பட்டு ஆற்றாது அழுதகண் ணீரன்றே செல்வத்தைத் தேய்க்கும் படை” (குறள் 555) – கொடுங்கோல் ஆட்சியில் மக்கள் சிந்தும் கண்ணீர் அரசனின் செல்வத்தை அழிக்கும் படையாகும்.

25.

[Combined Engineering Services-2024] தொடரைப் பொருளோடு பொருத்துக:
(a) முந்தையிருந்து நட்டோர் கொடுப்பின் நஞ்சும் உண்பர் – 1. காதல்
(b) நீரின்றமையா வுலகம் போல – 2. கற்பின் மெல்லியல்
(c) அல்லி லாயினும் விருந்துவரின் உவக்கும் – 3. நனி நாகரிகர்
(d) சாதல் அஞ்சேன் அஞ்சுவன் சாவில் – 4. பிரிவு அச்சம்

Correct Answer: C [3 1 2 4]

Notes:

நண்பர் தந்தால் நஞ்சும் உண்பவர் ‘நனி நாகரிகர்’ (நற்றிணை 355); நீரின்றி அமையாத உலகம் போல் காதல் (நற்றிணை 1); இரவிலும் விருந்து வந்தால் மகிழும் முல்லை சான்ற கற்பின் மெல்லியல் (நற்றிணை 142); இறப்புக்கு அஞ்சாமல் பிரிவுக்கு அஞ்சுவது பிரிவு அச்சம் (நற்றிணை 397).

26.

[Combined Engineering Services-2024] பாடலைப் படித்துவிட்டுப் பொருத்தமான விடையைத் தேர்வு செய்க:
வள்ளுவர்செய் திருக்குறளை மறவற நன்கு உணர்ந்தோர்கள்
உள்ளுவரோ மனுவாதி ஒரு குலத்துக் கொரு நீதி
1. இந்தப் பாடலை பாடியவர் பெ. சுந்தரனார்
2. எல்லாச் சாதியினர்க்கும் பொது நூல் திருக்குறள்; மனுநீதி எல்லாச் சாதிக்கும் பொதுவானதில்லை
3. ‘பிறப்பொக்கும் எல்லா உயிர்க்கும்’ என்ற குறளோடு இந்தப் பாடல்வரி பொருத்தமுடையது
4. இந்தப் பாடல் மனோன்மணீயம் என்னும் நாடக நூலில் இடம் பெற்றுள்ளது

Correct Answer: C [1, 2, 3, 4 அனைத்தும் சரி]

Notes:

இவ்வரிகள் பெ. சுந்தரனாரின் மனோன்மணீயம் நாடகத்தின் தமிழ்த்தெய்வ வணக்கப் பகுதியில் உள்ளன; பிறப்பால் அனைவரும் சமம் என்ற குறள் கருத்தோடு ஒத்து, மனுநீதி போலன்றித் திருக்குறள் அனைவர்க்கும் பொது எனக் கூறுகின்றன. எனவே நான்கும் சரி.

27.

[Combined Engineering Services-2024] “மண்திணி ஞாலத்து வாழ்வோர்க்கு எல்லாம்
உண்டி கொடுத்தோர் உயிர்க்கொடுத்தோரே”
என்றுரைக்கும் காப்பியம் எது?

Correct Answer: C [மணிமேகலை]

Notes:

பசிப்பிணி போக்குவதைப் போற்றும் இவ்வரிகள் மணிமேகலையில் (பாத்திரம் பெற்ற காதை) இடம்பெறுகின்றன.

28.

[Combined Engineering Services-2024] “கருப்பூரம் நாறுமோ? கமலப்பூ நாறுமோ?
திருப்பவளச் செவ்வாய்தான் தித்தித் திருக்குமோ?”
என்று பாடியவர் யார்?

Correct Answer: D [ஆண்டாள்]

Notes:

திருமாலின் சங்கை நோக்கிப் பாடப்பட்ட இவ்வரிகள் ஆண்டாளின் நாச்சியார் திருமொழியில் உள்ளன.

29.

[Combined Accounts Service-2024] “ஆதியும் அந்தமும் இல்லா அரும்பெரும்” என்னும் பாடலடி இடம்பெற்ற நூல் எது?

Correct Answer: A [திருவெம்பாவை]

Notes:

“ஆதியும் அந்தமும் இல்லா அரும்பெருஞ் சோதியை” என்பது மாணிக்கவாசகரின் திருவெம்பாவை முதல் பாடலின் தொடக்கம்.

30.

[AAO & AHO-2024, Health Officer-2023] ______ என்னும் தமிழ் இலக்கிய நூல் ‘நடுகல்’ நடுவதற்கான வழிமுறைகள் குறித்து விரிவாக எடுத்துரைக்கிறது.

Correct Answer: A [தொல்காப்பியம்]

Notes:

தொல்காப்பியம் காட்சி, கால்கோள், நீர்ப்படை, நடுதல், பெரும்படை, வாழ்த்தல் என நடுகல் நடும் முறைகளை விவரிக்கிறது.

31.

[Group 2 & 2A-2024] “உற்றுழி உதவியும் உறுபொருள் கொடுத்தும்” –
மேற்காணும் புறநானூற்றுப்பாடல் அடி எதன் சிறப்பை வலியுறுத்துகின்றது?

Correct Answer: A [கல்வி]

Notes:

ஆரியப்படை கடந்த நெடுஞ்செழியனின் புறநானூறு 183 ஆம் பாடல், ஆசிரியர்க்கு உதவியும் பொருள் கொடுத்தும் கற்றல் நன்று எனக் கல்வியின் சிறப்பைக் கூறுகிறது.

32.

[G1-2024] "மலையுளே பிறப்பினும் மலைக்கு
அவைதாம் என் செய்யும்"
– என்ற பாடல் வரிகள் இடம் பெற்ற நூல் எது?

Correct Answer: C [கலித்தொகை]

Notes:

இவ்வரிகள் கலித்தொகையின் பாலைக்கலியில் (9ஆம் பாடல்) இடம்பெறுகின்றன; மலையில் பிறந்தாலும் சந்தனம் மலைக்குப் பயன்படுவதில்லை, பூசுபவர்க்கே பயன்படும் என மகளைப் பிரிந்த தாய்க்கு உவமை கூறப்படுகிறது.

மேலும் வினாடி வினாக்கள்

› செய்தித்தாள்கள், இதழ்கள் & ஆசிரியர்கள் – முந்தைய ஆண்டு வினாக்கள் (பகுதி 1) › நீதிக்கட்சி – முந்தைய ஆண்டு வினாக்கள் (பகுதி 1) › தமிழகத்தில் சமூக-அரசியல் இயக்கங்கள் (19, 20ஆம் நூற்றாண்டு) – முந்தைய ஆண்டு வினாக்கள் (பகுதி 3) › தமிழகத்தில் சமூக-அரசியல் இயக்கங்கள் (19, 20ஆம் நூற்றாண்டு) – முந்தைய ஆண்டு வினாக்கள் (பகுதி 2) › தமிழகத்தில் சமூக-அரசியல் இயக்கங்கள் (19, 20ஆம் நூற்றாண்டு) – முந்தைய ஆண்டு வினாக்கள் (பகுதி 1) › அறிஞர் அண்ணா – முந்தைய ஆண்டு வினாக்கள் (பகுதி 1)

மதிப்பெண்: 0 விடையளித்தவை: 0 / 0