பழங்குடியினர் கௌரவ இருவாரம் நவ. 1–15 – பிர்சா முண்டா பிறந்தநாளான நவ. 15 'ஜன்ஜாதிய கௌரவ தினத்துடன்' நிறைவு

27 அக்டோபர் 2026 · தமிழ் பாதுகாப்பு

பாடப் பகுதிகள்: பாதுகாப்பு, பழங்குடியினர், போக்குவரத்து, சமூகநலம் · 27 அக்டோபர் 2026 நடப்பு நிகழ்வுகள் (TNPSC குரூப் 1, 2, 4 / UPSC / SSC / RRB)

செய்தி

மத்திய பழங்குடியினர் நல அமைச்சகம் நவ. 1–15, 2026 காலத்தை 'ஜன்ஜாதிய கௌரவ பக்வாடா' (பழங்குடியினர் கௌரவ இருவாரம்) ஆகக் கடைப்பிடிக்கும் என அக். 27, 2026 அன்று அறிவித்தது. முதன்மைத் திட்டங்களை விரைவுபடுத்தி விழிப்புணர்வு ஏற்படுத்தும் இந்த இயக்கம், நவ. 15 'ஜன்ஜாதிய கௌரவ தினத்துடன்' (பகவான் பிர்சா முண்டா பிறந்தநாள்) நிறைவடையும். 300-க்கும் மேற்பட்ட திட்டங்கள் (228 திறப்பு, 74 அடிக்கல்) இடம்பெறும். நவ. 12 – சுமார் 200 ஏகலைவா மாதிரி உண்டு உறைவிடப் பள்ளி (EMRS) மாணவர்கள் குடியரசுத் தலைவர் திரௌபதி முர்முவைச் சந்திப்பர்; நவ. 12–13 – தேசியப் பழங்குடி இலக்கிய விழா (புது தில்லி); நவ. 14 – ராணி துர்காவதி ஆதிவாசி மகளிர் மாநாடு (30 மாநிலங்கள்/யூனியன் பிரதேசங்களிலிருந்து 500 பழங்குடிப் பெண் தொழில்முனைவோர்); நவ. 1–2 – ஹைதராபாதில் சுமார் 1,500 பாரம்பரிய மருத்துவர்கள் மாநாடு. ICMR உடன் உருவாக்கப்பட்ட 'Jan-HIT' சுகாதாரத் தளமும், 'தேசிய வன உரிமைச் சட்ட (FRA) டிஜிட்டல் தளமும்' தொடங்கப்படும்.

முக்கியத் தகவல்கள்

பின்னணி

• வரலாறு: பிர்சா முண்டா – நவ. 15, 1875 அன்று உலிஹாது (இன்றைய ஜார்க்கண்டின் குந்தி மாவட்டம்) கிராமத்தில் முண்டா பழங்குடியில் பிறந்தார். சோட்டாநாக்பூர் பகுதியில் ஆங்கிலேயர், ஜமீன்தார்கள், கந்துவட்டிக்காரர்களுக்கு (திகு) எதிராக 'உல்குலான்' (பெரும் கிளர்ச்சி, 1899–1900) நடத்தினார்; 'தார்த்தி ஆபா' (பூமியின் தந்தை) என அழைக்கப்படுகிறார். ஜூன் 9, 1900 அன்று ராஞ்சி சிறையில் மறைந்தார். இதன் விளைவாக 'சோட்டாநாக்பூர் குத்தகைச் சட்டம் 1908' வந்தது.
• ஜன்ஜாதிய கௌரவ தினம்: பழங்குடி விடுதலைப் போராட்ட வீரர்களைப் போற்ற 2021 முதல் நவ. 15 கடைப்பிடிக்கப்படுகிறது. ஜார்க்கண்ட் மாநிலம் நவ. 15, 2000 அன்று பிர்சா பிறந்தநாளில் உருவானது. 150-ஆவது பிறந்தநாள் ஆண்டு (2024–25) 'ஜன்ஜாதிய கௌரவ வர்ஷ்' ஆகக் கொண்டாடப்பட்டது – 28-க்கும் மேற்பட்ட தேசிய நிகழ்வுகள், 3.8 கோடி பேர் பங்கேற்பு.
• அரசமைப்பு: உறுப்பு 342 – பழங்குடியினர் பட்டியலைக் குடியரசுத் தலைவர் அறிவிப்பார்; மாற்ற நாடாளுமன்றச் சட்டம் தேவை. உறுப்பு 338A – தேசியப் பட்டியல் பழங்குடியினர் ஆணையம் (89-ஆவது திருத்தம், 2003). ஐந்தாவது அட்டவணை – உறுப்பு 244(1); ஆறாவது அட்டவணை – 244(2). பழங்குடியினர் நல அமைச்சகம் 1999 அக்டோபரில் தனி அமைச்சகமாக உருவானது.
• திட்டங்கள்: PM-JANMAN – மிகவும் பாதிக்கப்படக்கூடிய பழங்குடிக் குழுக்களுக்கு (PVTG), 2023 நவ. 15 அன்று குந்தியில் தொடக்கம்; 'தார்த்தி ஆபா ஜன்ஜாதிய கிராம உத்கர்ஷ் அபியான்' (2024); EMRS பள்ளிகள்; 'ஆதி கர்மயோகி' இயக்கம். ராணி துர்காவதி – கர்ஹா (கோண்டுவானா) ராணி; 1564-ல் முகலாயப் படையுடன் போரிட்டு உயிர் நீத்தார்.

தமிழ்நாடு தொடர்பு: தமிழ்நாட்டின் பழங்குடியினர் பட்டியலில் 37 பிரிவுகள் உள்ளன (நரிக்குறவன், குருவிக்காரன் 2022-ல் சேர்க்கப்பட்டனர்); 2011 கணக்கெடுப்பில் பழங்குடியினர் 7,94,697 பேர் (மாநில மக்கள்தொகையில் 1.1%). ஆறு PVTG – தோடர், கோத்தர், குறும்பர், இருளர், பணியர், காட்டுநாயக்கர். மாநில அரசின் பழங்குடியினர் ஆராய்ச்சி மையம் (TRC) உதகமண்டலத்தில் 1983–84-ல் தொடங்கப்பட்டது; 1996 முதல் அங்கு பழங்குடியினர் அருங்காட்சியகமும் உள்ளது. நீலகிரி, ஜவ்வாது, கல்வராயன், கொல்லி, சேர்வராயன் மலைகள் முக்கியப் பழங்குடிப் பகுதிகள்.

ஆதாரம்: PIB (பழங்குடியினர் நல அமைச்சகம்), அக். 27, 2026; ஒடிசா டைரி, ரிவோய் (Revoi), அக். 27, 2026; தமிழ்நாடு ஆதிதிராவிடர்–பழங்குடியினர் நலத்துறை (TRC); UPSC முதல்நிலை 2020 (உல்குலான்)

TNPSC வகுப்பறை / ஆன்லைன் பயிற்சியில் சேர: கோவையில் TNPSC பயிற்சி · கட்டண விவரம் · அழைக்க 99941 46662.

TNPSC Achievers