இந்தியப் பொருளாதாரம் PYQ – வேளாண்மையில் அறிவியல் – தொழில்நுட்பப் பயன்பாடு

← திரும்பச் செல்ல

இந்தியப் பொருளாதாரம் PYQ – வேளாண்மையில் அறிவியல் – தொழில்நுட்பப் பயன்பாடு – 17 வினாக்கள், பாடம்: பொருளாதாரம். ஒவ்வொரு வினாவுக்கும் சரியான விடையும் ஒரு வரி விளக்கமும் உண்டு; "Show Answer" அழுத்திப் பாருங்கள். TNPSC குரூப் 1, 2, 2A, 4, SI, TET தேர்வுகளுக்கான இலவசப் பயிற்சி – சண்முகம் ஐ.ஏ.எஸ். அகாடமி, கோயம்புத்தூர்.

தினசரி நடப்பு நிகழ்வுகள், தேர்வு அறிவிப்புகள் – உடனுக்குடன் பெற எங்களைப் பின்தொடருங்கள் YouTube WhatsApp சேனல் Telegram சேனல் Facebook பக்கம் Instagram
நண்பர்களுடன் / குழுவில் பகிருங்கள்
WhatsApp Telegram Facebook X
உங்கள் இணையதளம் / Blog-இல் இணைக்க (HTML code)
1.  
EO Gr. IV (HR&CE) 2022
இந்தியாவில் பசுமைப் புரட்சியின் தந்தை என அழைக்கப்படுபவர்

Correct Answer: B [எம்.எஸ். சுவாமிநாதன்]

விளக்கம்:

உயர் விளைச்சல் கோதுமை, அரிசி வகைகளை (HYV) இந்தியாவில் பரவச் செய்த வேளாண் அறிவியலாளர் எம்.எஸ். சுவாமிநாதன் (கும்பகோணம்) இந்தியப் பசுமைப் புரட்சியின் தந்தை. உலக அளவில் பசுமைப் புரட்சியின் தந்தை – நார்மன் போர்லாக்.

2.  
EO Gr. I (HR&CE) 2024
நிலைத்த பசுமைப் புரட்சியின் (Evergreen Revolution) கூறுகள்
(1) குறைந்த வளங்களைக் கொண்டு அதிக உற்பத்தி
(2) புதுப்பிக்கத்தக்க ஆற்றல் மூலங்களைப் பயன்படுத்துதல்
(3) மண்வளத்துக்காகச் சுற்றுச்சூழலைப் பேணுதல்
(4) நிலம் துண்டாக்கப்படுவதைத் தடுத்தல்

Correct Answer: A [1, 2, 3 மட்டும்]

விளக்கம்:

சுற்றுச்சூழலுக்குத் தீங்கின்றி நிலைத்து உற்பத்தித் திறனை உயர்த்துவதே நிலைத்த பசுமைப் புரட்சி: குறைந்த நீர், உரம், நிலத்தில் அதிக உற்பத்தி; புதுப்பிக்கத்தக்க ஆற்றல்; மண் நலம் பேணல்.

3.  
Health Officer 2023
பொருத்துக :
(a) பசுமைப் புரட்சி – 1. மீன் உற்பத்தி
(b) வெண்மைப் புரட்சி – 2. எண்ணெய் வித்துகள்
(c) நீலப் புரட்சி – 3. உணவுப் பயிர்கள்
(d) மஞ்சள் புரட்சி – 4. பால்

Correct Answer: B [3 4 1 2]

விளக்கம்:

பசுமை – உணவுப் பயிர்கள்; வெண்மை – பால்; நீலம் – மீன்; மஞ்சள் – எண்ணெய் வித்துகள். எனவே 3, 4, 1, 2.

4.  
Special Competitive Exam 2025
வானவில் புரட்சியில் பின்வருவனவற்றைப் பொருத்துக :
(a) தங்கப் புரட்சி – 1. உருளைக்கிழங்கு
(b) சிவப்புப் புரட்சி – 2. முட்டை
(c) வட்டப் புரட்சி – 3. பழங்கள் / ஆப்பிள்
(d) வெள்ளிப் புரட்சி – 4. இறைச்சி / தக்காளி

Correct Answer: B [3 4 1 2]

விளக்கம்:

தங்கம் – பழங்கள் (தோட்டக்கலை); சிவப்பு – இறைச்சி / தக்காளி; வட்டம் – உருளைக்கிழங்கு; வெள்ளி – முட்டை. எனவே 3, 4, 1, 2. (மூலத் தமிழ் வினாவில் "முட்டை" "மூட்டை" எனப் பிழையாக இருந்தது.)

5.  
EO Gr. I (HR&CE) 2024
சிவப்புப் புரட்சியுடன் தொடர்புடையவை
1. மீன்
2. இறைச்சி
3. தக்காளி
4. இறால்

Correct Answer: C [2, 3 மட்டும்]

விளக்கம்:

சிவப்புப் புரட்சி – இறைச்சி, தக்காளி உற்பத்திப் பெருக்கம். மீன், இறால் – நீலப் புரட்சி (இறால் – இளஞ்சிவப்புப் புரட்சி எனவும் குறிப்பிடப்படுவதுண்டு).

6.  
SI (Fisheries) 2023
பசுமைப் புரட்சியின் பலவீனங்கள் பற்றிய பின்வரும் கூற்றுகளில் எவை சரியானவை?
(i) இவ்வுத்திக்கு விதைகள், உரங்களில் பெருமளவு முதலீடு தேவைப்பட்டது.
(ii) கோதுமை, அரிசி போன்ற முக்கியத் தானியங்களின் உற்பத்தி பெருகியது.
(iii) அதிக வேதிப் பயன்பாடு மண்வளத்தைக் குறைத்தது.

Correct Answer: B [(i), (iii) மட்டும்]

விளக்கம்:

தானிய உற்பத்திப் பெருக்கம் (ii) பசுமைப் புரட்சியின் சாதனை ; பலவீனம் அல்ல. அதிக முதலீட்டுத் தேவை (பெரு விவசாயிகளுக்கே பயன்), வேதி உரப் பயன்பாட்டால் மண்வளக் குறைவு, நிலத்தடி நீர்க் குறைவு, மண்டல ஏற்றத்தாழ்வு ஆகியவை பலவீனங்கள்.

7.  
ACF 2023
பசுமைப் புரட்சி எந்தப் பயிர் இணையில் மிகவும் வெற்றிகரமாக அமைந்தது?

Correct Answer: A [கோதுமை, அரிசி]

விளக்கம்:

உயர் விளைச்சல் வகைகள் முதன்மையாகக் கோதுமையிலும் (மெக்சிகோ குட்டை ரகங்கள்), அதன் பின் அரிசியிலும் பெரும் வெற்றி கண்டன; பஞ்சாப், ஹரியானா, மேற்கு உத்தரப் பிரதேசம் அதிகம் பயன்பெற்றன. பருப்பு, எண்ணெய் வித்துகள் பின்தங்கின.

8.  
Junior Technical Asst. (Textile) 2023
பசுமைப் புரட்சி முக்கியமாக எந்தத் தானியங்களின் உயர் விளைச்சல் வகைகளுக்கு மட்டுமே வரையறுக்கப்பட்டிருந்தது?
1. அரிசி, கோதுமை
2. மக்காச்சோளம், சோளம்
3. பருப்பு வகைகள், கரும்பு
4. எண்ணெய் வித்துகள், கரும்பு

Correct Answer: C [1, 2 மட்டும்]

விளக்கம்:

உயர் விளைச்சல் வகைத் திட்டம் (HYVP, 1966–67) கோதுமை, அரிசி, மக்காச்சோளம், சோளம், கம்பு ஆகிய ஐந்து தானியங்களுக்கு மட்டுமே வரையறுக்கப்பட்டது. பருப்பு வகைகள், கரும்பு, எண்ணெய் வித்துகள் தானியங்கள் அல்ல.

9.  
Combined Accounts Service 2024
பின்வரும் பயிர்களில் உயர் விளைச்சல் வகைத் திட்டத்தின் (HYVP) கீழ் வராதது எது?

Correct Answer: D [கரும்பு]

விளக்கம்:

HYVP-இல் கோதுமை, அரிசி, மக்காச்சோளம், சோளம், கம்பு ஆகிய தானியங்கள் சேர்க்கப்பட்டன; கரும்பு சேர்க்கப்படவில்லை.

10.  
Group 2A Mains (Re-exam) 2026
நிலைத்த வளர்ச்சி இலக்கை அடைவதற்கான வழிகளில் ஒன்றாக "நிலைத்த பசுமைப் புரட்சி" (Evergreen Revolution) இருக்கும் என்ற கருத்தைக் கூறியவர்

Correct Answer: B [பேரா. எம்.எஸ். சுவாமிநாதன்]

விளக்கம்:

சுற்றுச்சூழலுக்குத் தீங்கின்றி நிலைத்த முறையில் உற்பத்தித் திறனை உயர்த்தும் "நிலைத்த பசுமைப் புரட்சி" என்ற கருத்தை எம்.எஸ். சுவாமிநாதன் 1990-களில் முன்வைத்தார்.

11.  
ADGS 2021
உழவர்களுக்கு உதவும் எண்ணிம (digital) வலையமைப்பு

Correct Answer: A [அக்மார்க்நெட்]

விளக்கம்:

AGMARKNET (2000) – சந்தைப்படுத்தல், ஆய்வு இயக்ககம் (DMI) உருவாக்கிய வலையமைப்பு; நாடு முழுவதுமுள்ள வேளாண் விளைபொருள் சந்தைகளின் விலை, வரத்துத் தகவல்களை விவசாயிகளுக்கு வழங்குகிறது. (மூல வினாவில் "AGMAKNET" என அச்சுப் பிழை.)

12.  
Group 2/2A 2025 · CTS (Interview Posts) 2026
தேசிய வேளாண் சந்தை (e-NAM) இணைய முகப்பின் நோக்கங்கள் :
(i) வேளாண் பொருள்களுக்கான ஒருங்கிணைந்த தேசிய மெய்நிகர் சந்தையை உருவாக்குதல்
(ii) விவசாயிகள் சிறந்த விலை பெற உதவுதல்
(iii) விவசாயிகளுக்குச் சந்தைப்படுத்தல் வாய்ப்புகளை வழங்குதல்

Correct Answer: D [(i), (ii), (iii)]

விளக்கம்:

e-NAM (14 ஏப்ரல் 2016) – சிறு விவசாயிகள் வேளாண் வணிகக் கூட்டமைப்பு (SFAC) செயல்படுத்தும் அனைத்திந்திய மின்னணு வேளாண் வர்த்தக இணையதளம்; தற்போதுள்ள APMC சந்தைகளை இணைத்து "ஒரே நாடு, ஒரே சந்தை" உருவாக்குகிறது.

13.  
Group 2A Mains (Re-exam) 2026
e-NAM மூலம் விவசாயிகளுக்கு எதிர்பார்க்கப்படும் தாக்கங்கள் எவை?
(1) குறிப்பிட்ட விளைபொருள்களுக்கான போட்டி அதிகரித்தல்
(2) விளைபொருள்களுக்கு அதிக விலை கிடைத்தல்
(3) இடைத்தரகர்களை அதிகம் சார்ந்திருத்தல்
(4) உள்ளூர் மண்டிகளுக்கு மட்டுமே கட்டுப்படுதல்

Correct Answer: C [(1), (2) மட்டும்]

விளக்கம்:

பல சந்தைகளின் வணிகர்கள் இணையவழி ஏலத்தில் பங்கேற்பதால் போட்டி கூடி விலை உயர்கிறது; இடைத்தரகர் சார்பு குறைகிறது; உள்ளூர் மண்டி வரம்பு நீங்குகிறது. எனவே (1), (2) மட்டும் சரி.

14.  
Group 1 2024
பயிர் மதிப்பீடு, நில ஆவணங்களை எண்ணிமமயமாக்கல், பூச்சிக்கொல்லி – ஊட்டச்சத்துத் தெளிப்பு தொடர்பாக ஒன்றிய வரவு–செலவுத் திட்டம் 2022–23-இல் அறிவிக்கப்பட்டது எது?

Correct Answer: D [கிசான் ட்ரோன்கள்]

விளக்கம்:

2022–23 வரவு–செலவுத் திட்ட உரை: பயிர் மதிப்பீடு, நில ஆவண எண்ணிமமயமாக்கல், பூச்சிக்கொல்லி – ஊட்டச்சத்துத் தெளிப்புக்கு "கிசான் ட்ரோன்கள்" பயன்பாடு ஊக்குவிக்கப்படும். PM eVidya – எண்ணிமக் கல்வி; PM SAMPADA – உணவுப் பதப்படுத்துதல்.

15.  
Group 1 2024
"கிசான் ரத்" (Kisan Rath) என்ற செயலி எதற்காகத் தொடங்கப்பட்டது?
(i) சந்தையைக் கண்டறிய
(ii) வேளாண் பொருள்களைக் கொண்டுசெல்ல
(iii) இணையவழி வணிகம்

Correct Answer: D [(ii) மட்டும்]

விளக்கம்:

கோவிட்-19 பொது முடக்கக் காலத்தில் (ஏப்ரல் 2020) வேளாண் அமைச்சகம் "கிசான் ரத்" செயலியை அறிமுகப்படுத்தியது: விவசாயிகள், வணிகர்கள் வேளாண் / தோட்டக்கலைப் பொருள்களைக் கொண்டுசெல்ல சரக்கு வாகனங்களைக் கண்டறிய உதவுகிறது.

16.  
ACF 2023
விவசாயிகளுக்குத் தொழில்நுட்பத் தகவல்களைப் பரப்பப் பயன்படும் (தமிழ்நாடு அரசின்) கைபேசிச் செயலி எது?

Correct Answer: B [உழவன்]

விளக்கம்:

தமிழ்நாடு வேளாண்மை – உழவர் நலத் துறையின் "உழவன்" செயலி (2018) மானியத் திட்டங்கள், இடுபொருள் இருப்பு, பயிர்க் காப்பீடு, வானிலை, சந்தை விலை முதலிய சேவைகளை வழங்குகிறது. "காவலன்" – தமிழ்நாடு காவல்துறையின் பாதுகாப்புச் செயலி.

17.  
CTS (Interview Posts-II) 2024
"காட்டன் ஏஸ்" (CottonAce) செயலி என்பது

Correct Answer: A [செயற்கை நுண்ணறிவு அடிப்படையிலான பூச்சி மேலாண்மை அமைப்பு]

விளக்கம்:

பருத்தியில் இளஞ்சிவப்புக் காய்ப்புழு (pink bollworm) தாக்குதலைப் பொறிகளில் சிக்கிய பூச்சிகளின் புகைப்படங்கள் மூலம் செயற்கை நுண்ணறிவு கணித்து, விவசாயிகளுக்குப் பூச்சிக்கொல்லித் தெளிப்பு ஆலோசனை வழங்கும் செயலி இது.

? இந்த வினாக்களின் முழு விளக்கம், அட்டவணைகளுடன் – இந்தியப் பொருளாதாரம் PYQ நூல் (₹149): www.shanmugamiasacademy.in/study-materials/tnpsc-indian-economy-pyq

📘 இந்தியப் பொருளாதாரம் — முந்தைய ஆண்டு வினா – விடை – விளக்கம் (2020 – 2026)
இங்கே ஒரு வரி விளக்கம் மட்டும். 474 வினாக்கள் தமிழ் + ஆங்கிலத்தில் · சரிபார்க்கப்பட்ட விடை + விளக்கம் · 46 அட்டவணைகள் & குறிப்புகள் · 25 பகுதிகள் · 2020 – 2026 TNPSC தேர்வுகள்
புத்தகத்தைப் பெற – ₹149 ₹299 →
மதிப்பெண்: 0 விடையளித்தவை: 0 / 0