UPSC சிவில் சர்வீசஸ் தேர்வு (IAS) 2026–27 – தேர்வு நிலை, தேதிகள், தகுதி, முயற்சிகள், தேர்வு முறை, பாடத்திட்டம்
புதுப்பிக்கப்பட்டது: 03-11-2026 · Shanmugam IAS Academy
UPSC குடிமைப் பணிகள் தேர்வு (Civil Services Examination – CSE) – மத்திய அரசுப் பணியாளர் தேர்வாணையம் (Union Public Service Commission – UPSC) ஆண்டுதோறும் நடத்தும் தேர்வு. இதன் மூலம் இந்திய ஆட்சிப் பணி (IAS), இந்திய வெளியுறவுப் பணி (IFS), இந்தியக் காவல் பணி (IPS) மற்றும் மத்திய அரசின் பிற குரூப் A, குரூப் B பணிகளுக்கு ஆட்கள் தேர்ந்தெடுக்கப்படுகின்றனர். முதல்நிலைத் தேர்வு (Preliminary), முதன்மைத் தேர்வு (Main), ஆளுமைத் தேர்வு / நேர்முகத் தேர்வு (Personality Test) என மூன்று நிலைகள். இந்திய வனப் பணி (IFoS) தேர்வுக்கான முதல்நிலைத் தேர்வும் இதே CSE முதல்நிலைத் தேர்வு வழியாகவே நடக்கிறது.
இப்போதைய நிலை (03-11-2026): CSE 2026 அறிவிக்கை (Examination Notice No. 05/2026-CSE) 04-02-2026 அன்று வெளியானது. முதல்நிலைத் தேர்வு 24-05-2026 அன்று நடந்தது; அதன் முடிவு 15-06-2026 அன்று வெளியானது – 13,343 பேர் முதன்மைத் தேர்வுக்குத் தேர்வானார்கள். முதன்மைத் தேர்வு 21–30 ஆகஸ்ட் 2026 இடையே 5 நாள்கள் நடந்து முடிந்தது. முதன்மைத் தேர்வு முடிவு இன்னும் வெளியாகவில்லை; UPSC அதற்கான தேதியை அறிவிக்கவில்லை. முடிவு வந்ததும் தேர்ச்சி பெற்றவர்களுக்கு நேர்முகத் தேர்வு (Personality Test) நடக்கும்; அதன் பிறகே இறுதி முடிவு.
அடுத்த தேர்வு – CSE 2027: UPSC ஆண்டுத் தேர்வு அட்டவணை 2027-இன்படி (Annual Calendar 2027) அறிவிக்கை 13-01-2027, விண்ணப்பக் கடைசி நாள் 02-02-2027, முதல்நிலைத் தேர்வு 23-05-2027 (ஞாயிறு), முதன்மைத் தேர்வு 20-08-2027 முதல் 5 நாள்கள். இந்தத் தேதிகளை UPSC மாற்றலாம்; அறிவிக்கை வந்ததும் இங்கே புதுப்பிப்போம். 2027 முதல்நிலைத் தேர்வு 23-05-2027 அன்று – இப்போதே திட்டமிட்டுப் படிக்கத் தொடங்குவது நல்லது.
இந்தப் பக்கம் UPSC அதிகாரப்பூர்வ அறிவிக்கை (05/2026-CSE), முதல்நிலைத் தேர்வு முடிவு செய்திக் குறிப்பு, முதன்மைத் தேர்வு நேர அட்டவணை, UPSC ஆண்டுத் தேர்வு அட்டவணை 2027 ஆகியவற்றிலிருந்து தொகுக்கப்பட்டது; புதிய அறிவிப்பு வரும்போதெல்லாம் புதுப்பிக்கப்படும். இறுதி விவரங்களுக்கு upsc.gov.in பார்க்கவும்.
முக்கியத் தேதிகள் (Important Dates)
CSE 2026
| நிகழ்வு | தேதி |
|---|---|
| அறிவிக்கை (Notice No. 05/2026-CSE) | 04-02-2026 |
| ஆன்லைன் விண்ணப்பம் | 04-02-2026 முதல் 27-02-2026 (மாலை 6.00 மணி) வரை (அறிவிக்கையில் 24-02-2026; UPSC 27-02-2026 வரை நீட்டித்தது) |
| முதல்நிலைத் தேர்வு | 24-05-2026 (ஞாயிறு) |
| முதல்நிலைத் தேர்வு முடிவு | 15-06-2026 (பதிவு எண் பட்டியல்); பெயருடன் பட்டியல் 18-06-2026 – 13,343 பேர் தேர்ச்சி |
| முதன்மைத் தேர்வுக்கான விண்ணப்பப் படிவம் (தேர்ச்சி பெற்றவர்கள் மட்டும்) | 19-06-2026 முதல் 28-06-2026 வரை |
| முதன்மைத் தேர்வு | 21, 22, 23, 29, 30 ஆகஸ்ட் 2026 (நடந்து முடிந்தது) |
| முதன்மைத் தேர்வு முடிவு | இன்னும் வெளியாகவில்லை (03-11-2026 நிலவரம்) |
| நேர்முகத் தேர்வு (Personality Test) | முதன்மைத் தேர்வு முடிவுக்குப் பின் அறிவிக்கப்படும் |
| இறுதி முடிவு | நேர்முகத் தேர்வுக்குப் பின் |
முதன்மைத் தேர்வு 2026 – நேர அட்டவணை (நடந்து முடிந்தது)
| தேதி | முற்பகல் (9.00 – 12.00) | பிற்பகல் (2.30 – 5.30) |
|---|---|---|
| 21-08-2026 (வெள்ளி) | தாள் I – கட்டுரை (Essay) | – |
| 22-08-2026 (சனி) | தாள் II – பொது அறிவு I (GS I) | தாள் III – பொது அறிவு II (GS II) |
| 23-08-2026 (ஞாயிறு) | தாள் IV – பொது அறிவு III (GS III) | தாள் V – பொது அறிவு IV (GS IV) |
| 29-08-2026 (சனி) | தாள் A – இந்திய மொழி (தகுதித் தாள்) | தாள் B – ஆங்கிலம் (தகுதித் தாள்) |
| 30-08-2026 (ஞாயிறு) | தாள் VI – விருப்பப் பாடம் I (Optional) | தாள் VII – விருப்பப் பாடம் II (Optional) |
CSE 2027 (UPSC ஆண்டுத் தேர்வு அட்டவணை 2027-இன்படி)
| நிகழ்வு | தேதி |
|---|---|
| அறிவிக்கை / விண்ணப்பம் தொடக்கம் | 13-01-2027 |
| விண்ணப்பக் கடைசி நாள் | 02-02-2027 |
| முதல்நிலைத் தேர்வு | 23-05-2027 (ஞாயிறு) |
| முதன்மைத் தேர்வு | 20-08-2027 முதல் (5 நாள்கள்) |
ஆதாரம்: UPSC ஆண்டுத் தேர்வு அட்டவணை 2027 (PDF, 20-05-2026 நிலவரம்). குறிப்பு: ஆண்டு அட்டவணைத் தேதிகள் மாறலாம்; இறுதித் தேதிகள் CSE 2027 அறிவிக்கையில் வரும்.
காலியிடங்கள் (Vacancies)
- CSE 2026 அறிவிக்கையில் ஏறத்தாழ 933 காலியிடங்கள் எனக் குறிப்பிடப்பட்டது; இதில் மாற்றுத்திறனாளிகளுக்கு (PwBD) 33 இடங்கள் (பார்வைக் குறைபாடு 7, செவித் திறன் குறைபாடு 11, இயக்கக் குறைபாடு 8, பல்வகைக் குறைபாடு 7).
- முதல்நிலைத் தேர்வு முடிவுச் செய்திக் குறிப்பில் (15-06-2026) UPSC, CSE 2026-க்கு 1,016 காலியிடங்கள் அறிவிக்கப்பட்டுள்ளதாகத் தெரிவித்தது.
- பணி வாரியான இறுதி எண்ணிக்கை இறுதி முடிவின்போது UPSC வெளியிடும்.
தகுதி (Eligibility)
கல்வித் தகுதி
- அங்கீகரிக்கப்பட்ட பல்கலைக்கழகத்தில் ஏதேனும் ஒரு பட்டம் (அல்லது அதற்கு இணையான தகுதி).
- இறுதியாண்டு படிப்பவர்களும், முடிவுக்குக் காத்திருப்பவர்களும் விண்ணப்பித்துத் தேர்வு எழுதலாம்; நேர்முகத் தேர்வுக்குத் தகுதி பெற்றால், அறிவிக்கையில் கூறப்பட்ட காலத்துக்குள் பட்டம் பெற்றதற்கான சான்றைக் காட்ட வேண்டும்.
- IAS, IFS, IPS பணிகளுக்கு இந்தியக் குடிமகனாக இருக்க வேண்டும்.
வயது வரம்பு, முயற்சிகள் (CSE 2026 – 01-08-2026 அன்று)
| பிரிவு | வயது வரம்பு | முயற்சிகள் (Attempts) |
|---|---|---|
| பொது (General) / EWS | 21 – 32 | 6 |
| OBC | 21 – 35 (+3 ஆண்டுகள்) | 9 |
| SC / ST | 21 – 37 (+5 ஆண்டுகள்) | வரம்பு இல்லை (வயது வரம்பு வரை) |
| மாற்றுத்திறனாளிகள் (PwBD) | +10 ஆண்டுகள் (பிரிவு சலுகையுடன் சேர்த்து) | General / EWS / OBC – 9; SC / ST – வரம்பு இல்லை |
- பொதுப் பிரிவினர் 02-08-1994-க்கு முன்போ, 01-08-2005-க்குப் பின்போ பிறந்திருக்கக் கூடாது.
- முன்னாள் படைவீரர்களுக்கு (நிபந்தனைகளுடன்) 5 ஆண்டுகள்; பணியின்போது ஊனமுற்ற பாதுகாப்புப் படையினருக்கு 3 ஆண்டுகள் வயதுச் சலுகை.
- முதல்நிலைத் தேர்வில் ஏதேனும் ஒரு தாளை எழுதினாலே ஒரு முயற்சியாகக் கணக்கிடப்படும்.
- CSE 2027-க்கான வயதுக் கணக்கீட்டுத் தேதி 2027 அறிவிக்கையில் வரும்.
- ஏற்கனவே IAS / IFS பணியில் இருப்பவர்கள் விண்ணப்பிக்க முடியாது; ஏற்கனவே IPS-க்குத் தேர்வானவர்கள் மீண்டும் IPS பெற முடியாது – முழு விதிகள் அறிவிக்கையில்.
தேர்வு முறை (Exam Pattern)
1. முதல்நிலைத் தேர்வு – தேர்ந்தெடுக்கும் தேர்வு மட்டும்
| தாள் | மதிப்பெண் | நேரம் | தன்மை |
|---|---|---|---|
| தாள் I – பொது அறிவு (General Studies) | 200 | 2 மணி | முதன்மைத் தேர்வுக்கான கட்-ஆஃப் இந்தத் தாளின் மதிப்பெண் அடிப்படையில் |
| தாள் II – CSAT (General Studies II) | 200 | 2 மணி | தகுதித் தாள் – குறைந்தது 33% (66 மதிப்பெண்) |
| மொத்தம் | 400 |
- இரண்டும் கொள்குறி வகை (Objective); வினாத்தாள் இந்தி, ஆங்கிலம் ஆகிய இரு மொழிகளில் மட்டும்.
- தவறான விடைக்கு எதிர்மறை மதிப்பெண் (Negative Marking): அந்த வினாவின் மதிப்பெண்ணில் மூன்றில் ஒரு பங்கு (1/3) கழிக்கப்படும்.
- முதன்மைத் தேர்வுக்குத் தகுதி பெற: CSAT-இல் குறைந்தது 33%, தாள் I-இல் UPSC நிர்ணயிக்கும் கட்-ஆஃப் மதிப்பெண் – இரண்டும் வேண்டும்.
- முதல்நிலை மதிப்பெண் இறுதித் தரவரிசைக்குக் கணக்கில் வராது. காலியிடங்களைப் போல ஏறத்தாழ 12–13 மடங்கு பேர் முதன்மைத் தேர்வுக்குத் தேர்ந்தெடுக்கப்படுவர்.
2. முதன்மைத் தேர்வு – விரிவான விடை (9 தாள்கள்)
| தாள் | பாடம் | மதிப்பெண் |
|---|---|---|
| தாள் A | இந்திய மொழி (அரசமைப்பின் 8-ஆவது அட்டவணையிலுள்ள ஒரு மொழி – எ.கா. தமிழ்; 10-ஆம் வகுப்புத் தரம்) – தகுதித் தாள் | 300 (குறைந்தது 25%) |
| தாள் B | ஆங்கிலம் (10-ஆம் வகுப்புத் தரம்) – தகுதித் தாள் | 300 (குறைந்தது 25%) |
| தாள் I | கட்டுரை (Essay) | 250 |
| தாள் II | பொது அறிவு I (GS I) | 250 |
| தாள் III | பொது அறிவு II (GS II) | 250 |
| தாள் IV | பொது அறிவு III (GS III) | 250 |
| தாள் V | பொது அறிவு IV (GS IV – அறநெறி) | 250 |
| தாள் VI | விருப்பப் பாடம் – தாள் 1 | 250 |
| தாள் VII | விருப்பப் பாடம் – தாள் 2 | 250 |
| எழுத்துத் தேர்வு மொத்தம் | தாள் I – VII | 1750 |
| நேர்முகத் தேர்வு | ஆளுமைத் தேர்வு (Personality Test) | 275 |
| இறுதி மொத்தம் | 2025 |
- ஒவ்வொரு தாளும் 3 மணி நேரம்.
- தாள் A, தாள் B இரண்டிலும் குறைந்தது 25% பெற்றால் மட்டுமே மற்ற தாள்கள் திருத்தப்படும்; இவற்றின் மதிப்பெண் தரவரிசைக்குக் கணக்கில் வராது.
- அருணாசலப் பிரதேசம், மணிப்பூர், மேகாலயா, மிசோரம், நாகாலாந்து, சிக்கிம் மாநிலத்தவர்களுக்குத் தாள் A கட்டாயமில்லை.
- தமிழில் எழுதலாம்: தாள் A, B தவிர மற்ற தாள்களை 8-ஆவது அட்டவணை மொழிகளில் (தமிழ் உட்பட) அல்லது ஆங்கிலத்தில் எழுதலாம். தமிழ் இலக்கியம் (Literature of Tamil) விருப்பப் பாடமாகவும் உள்ளது.
- நேர்முகத் தேர்வுக்குக் காலியிடங்களைப் போல ஏறத்தாழ இரு மடங்கு பேர் அழைக்கப்படுவர்; நேர்முகத் தேர்வுக்குக் குறைந்தபட்சத் தகுதி மதிப்பெண் இல்லை.
- இறுதித் தரவரிசை = எழுத்துத் தேர்வு (1750) + நேர்முகத் தேர்வு (275) = 2025 மதிப்பெண்.
பாடத்திட்டச் சுருக்கம் (Syllabus Overview)
முழு அதிகாரப்பூர்வப் பாடத்திட்டம் CSE 2026 அறிவிக்கையின் பின்னிணைப்பில் (Appendix I) உள்ளது: UPSC CSE 2026 அறிவிக்கை (PDF).
| தாள் | முக்கியப் பகுதிகள் |
|---|---|
| முதல்நிலை – தாள் I (GS) | தேசிய, சர்வதேச நடப்பு நிகழ்வுகள்; இந்திய வரலாறு, இந்திய தேசிய இயக்கம்; இந்திய, உலகப் புவியியல்; இந்திய அரசியல் அமைப்பு, ஆட்சி முறை; பொருளாதார, சமூக வளர்ச்சி; சூழலியல், பல்லுயிர், காலநிலை மாற்றம்; பொது அறிவியல் |
| முதல்நிலை – தாள் II (CSAT) | புரிந்துகொள்ளல் (Comprehension); தகவல் தொடர்புத் திறன்; தர்க்க அறிவு, பகுப்பாய்வுத் திறன்; முடிவெடுத்தல், சிக்கல் தீர்த்தல்; பொது மனத்திறன்; அடிப்படைக் கணிதம், தரவுப் பகுப்பாய்வு (10-ஆம் வகுப்புத் தரம்) |
| GS I | இந்தியப் பாரம்பரியம், பண்பாடு; உலக, இந்திய வரலாறு; புவியியல்; இந்தியச் சமூகம் |
| GS II | ஆட்சி முறை, அரசியலமைப்பு, அரசியல், சமூக நீதி, பன்னாட்டு உறவுகள் |
| GS III | தொழில்நுட்பம், பொருளாதார வளர்ச்சி, பல்லுயிர், சுற்றுச்சூழல், பாதுகாப்பு, பேரிடர் மேலாண்மை |
| GS IV | அறநெறி, நேர்மை, பணித் திறன் (Ethics, Integrity and Aptitude) |
| கட்டுரை | பல்வேறு தலைப்புகளில் கட்டுரைகள் |
| விருப்பப் பாடம் | அறிவிக்கையில் உள்ள பட்டியலிலிருந்து ஒரு பாடம் (தமிழ் இலக்கியம் உட்பட) – இரண்டு தாள்கள் |
கட்டணம் (Fee)
- முதல்நிலைத் தேர்வுக் கட்டணம்: ₹100.
- முதன்மைத் தேர்வுக் கட்டணம்: ₹200 – முதல்நிலையில் தேர்ச்சி பெற்றவர்கள் மட்டும்.
- பெண்கள், SC, ST, மாற்றுத்திறனாளிகள் (PwBD) – கட்டணம் இல்லை.
- நெட் பேங்கிங், டெபிட் / கிரெடிட் கார்டு, UPI மூலம் செலுத்தலாம்; செலுத்திய கட்டணம் திருப்பித் தரப்படாது.
விண்ணப்பிக்கும் முறை (How to Apply)
CSE 2026 விண்ணப்பக் காலம் முடிந்துவிட்டது. CSE 2027-க்கும் இதே வழிமுறைதான் இருக்கும் என எதிர்பார்க்கலாம் (அறிவிக்கையில் உறுதி செய்யவும்):
- விண்ணப்பம் ஆன்லைனில் மட்டும் – upsconline.nic.in.
- முதலில் ஒரு முறை பதிவு (வாழ்நாளில் ஒருமுறை) செய்து பதிவு எண் (URN) பெற வேண்டும்.
- பின்னர் CSE விண்ணப்பத்தை நிரப்பி, கட்டணம் செலுத்தி, தேர்வு மையத்தைத் தேர்ந்தெடுக்க வேண்டும்.
- CSE 2026-இல் விண்ணப்பம் சமர்ப்பித்த பின் திருத்தமோ, திரும்பப் பெறுதலோ அனுமதிக்கப்படவில்லை – கவனமாக நிரப்பவும்.
தமிழ்நாட்டில் முதல்நிலைத் தேர்வு மையங்கள் (CSE 2026): சென்னை, கோயம்புத்தூர், மதுரை, திருச்சிராப்பள்ளி, வேலூர். தேர்வு மையத்தில் முக அடையாளச் சரிபார்ப்பு (Face Authentication) நடைபெறும்; ஒவ்வொரு அமர்வுக்கும் குறைந்தது 30 நிமிடம் முன்பே செல்ல வேண்டும்.
நாங்கள் எப்படி உதவுகிறோம்
- இலவச UPSC வினாடி வினா (Prelims பயிற்சி)
- UPSC Mains பகுப்பாய்வு – தினமும் இரண்டு கட்டுரைகள் (GS தாள் வாரியாக) · UPSC கருத்துச் சொல்லகராதி
- தினசரி நடப்பு நிகழ்வுகள் (தமிழ்) · English
- UPSC புத்தகங்கள் (PDF) · இலவச PDF
- வாராந்திரத் தேர்வு · தேர்வு அட்டவணை
- வகுப்பறைப் பயிற்சி: UPSC பயிற்சி – கோயம்புத்தூர் · மதுரைக் கிளை – கட்டணம் ₹1,00,000 (GST, படிப்புப் பொருள்கள், தேர்வுத் தொடர் உட்பட) · கட்டண விவரம் · சேர்க்கை
- பேச: +91 99941 46662 · WhatsApp
அடிக்கடி கேட்கப்படும் கேள்விகள்
UPSC சிவில் சர்வீசஸ் தேர்வு என்றால் என்ன?
UPSC (மத்திய அரசுப் பணியாளர் தேர்வாணையம்) ஆண்டுதோறும் நடத்தும் Civil Services Examination மூலம் IAS, IFS, IPS மற்றும் மத்திய அரசின் பிற குரூப் A, குரூப் B பணிகளுக்கு ஆட்கள் தேர்ந்தெடுக்கப்படுகின்றனர். முதல்நிலை, முதன்மை, நேர்முகத் தேர்வு என மூன்று நிலைகள் உள்ளன.
UPSC CSE 2026 இப்போது எந்த நிலையில் உள்ளது?
முதல்நிலைத் தேர்வு 24-05-2026 அன்று நடந்தது; 13,343 பேர் முதன்மைத் தேர்வுக்குத் தேர்வானார்கள். முதன்மைத் தேர்வு 21–30 ஆகஸ்ட் 2026 இடையே நடந்து முடிந்தது. 03-11-2026 நிலவரப்படி முதன்மைத் தேர்வு முடிவு இன்னும் வெளியாகவில்லை; அதன் பிறகு நேர்முகத் தேர்வு, இறுதி முடிவு வரும்.
UPSC CSE 2027 அறிவிக்கை எப்போது வரும்?
UPSC ஆண்டுத் தேர்வு அட்டவணை 2027-இன்படி அறிவிக்கை 13-01-2027, விண்ணப்பக் கடைசி நாள் 02-02-2027, முதல்நிலைத் தேர்வு 23-05-2027, முதன்மைத் தேர்வு 20-08-2027 முதல். இந்தத் தேதிகள் மாறலாம்; அறிவிக்கை வந்ததும் இந்தப் பக்கத்தில் புதுப்பிப்போம்.
UPSC தேர்வுக்கு வயது வரம்பு, முயற்சிகள் எத்தனை?
CSE 2026-இல் குறைந்தபட்ச வயது 21, அதிகபட்சம் 32 (01-08-2026 அன்று). OBC-க்கு 3 ஆண்டுகள், SC/ST-க்கு 5 ஆண்டுகள், மாற்றுத்திறனாளிகளுக்கு 10 ஆண்டுகள் சலுகை. முயற்சிகள்: General/EWS – 6; OBC – 9; SC/ST – வயது வரம்பு வரை எத்தனை முறையும்; மாற்றுத்திறனாளிகள் (General/EWS/OBC) – 9.
CSAT தாளில் எவ்வளவு மதிப்பெண் வேண்டும்? எதிர்மறை மதிப்பெண் உண்டா?
CSAT (முதல்நிலைத் தாள் II) தகுதித் தாள் மட்டும் – 200-க்குக் குறைந்தது 33% (66 மதிப்பெண்) வேண்டும். இரண்டு முதல்நிலைத் தாள்களிலும் தவறான விடைக்கு அந்த வினாவின் மதிப்பெண்ணில் 1/3 கழிக்கப்படும்.
UPSC முதன்மைத் தேர்வைத் தமிழில் எழுதலாமா?
ஆம். தகுதித் தாள்களான இந்திய மொழி (தாள் A), ஆங்கிலம் (தாள் B) தவிர மற்ற தாள்களைத் தமிழ் உட்பட 8-ஆவது அட்டவணை மொழிகளில் எழுதலாம். தமிழ் இலக்கியம் விருப்பப் பாடமாகவும் உள்ளது. முதல்நிலைத் தேர்வு வினாத்தாள் இந்தி, ஆங்கிலத்தில் மட்டுமே.
முதன்மைத் தேர்வில் எத்தனை தாள்கள், மொத்த மதிப்பெண் எவ்வளவு?
மொத்தம் 9 தாள்கள். தாள் A (இந்திய மொழி), தாள் B (ஆங்கிலம்) – தலா 300, தகுதித் தாள்கள் (குறைந்தது 25%). தரவரிசைக்கு: கட்டுரை, GS I–IV, விருப்பப் பாடம் 2 தாள்கள் – தலா 250, மொத்தம் 1750. நேர்முகத் தேர்வு 275. இறுதி மொத்தம் 2025.
UPSC தேர்வுக்கு யார் விண்ணப்பிக்கலாம்?
அங்கீகரிக்கப்பட்ட பல்கலைக்கழகத்தில் ஏதேனும் ஒரு பட்டம் பெற்றவர்கள். இறுதியாண்டு மாணவர்களும் விண்ணப்பிக்கலாம்; நேர்முகத் தேர்வுக்குத் தகுதி பெற்றால் குறித்த காலத்துக்குள் பட்டச் சான்று காட்ட வேண்டும். IAS, IFS, IPS-க்கு இந்தியக் குடிமகனாக இருக்க வேண்டும்.
