அறிவியல் – வினா வங்கி – பகுதி 15

← திரும்பச் செல்ல

அறிவியல் – வினா வங்கி – பகுதி 15 – 46 வினாக்கள், பாடம்: அறிவியல். ஒவ்வொரு வினாவுக்கும் சரியான விடையும் இரண்டு வரி விளக்கமும் உண்டு; "Show Answer" அழுத்திப் பாருங்கள். TNPSC குரூப் 1, 2, 2A, 4, SI, TET தேர்வுகளுக்கான இலவசப் பயிற்சி – சண்முகம் ஐ.ஏ.எஸ். அகாடமி, கோயம்புத்தூர்.

தினசரி நடப்பு நிகழ்வுகள், தேர்வு அறிவிப்புகள் – உடனுக்குடன் பெற எங்களைப் பின்தொடருங்கள் YouTube WhatsApp சேனல் Telegram சேனல் Facebook பக்கம் Instagram
நண்பர்களுடன் / குழுவில் பகிருங்கள்
WhatsApp Telegram Facebook X
உங்கள் இணையதளம் / Blog-இல் இணைக்க (HTML code)
1.  
வெற்றிடத்தில் ஒளியின் வேகம்

Correct Answer: D [3 × 10⁸ மீ/வி]

விளக்கம்:

வெற்றிடத்தில் ஒளியின் வேகம் சுமார் 3 × 10⁸ மீ/வி (3 லட்சம் கி.மீ/வி). காற்றில் ஒலியின் வேகம் சுமார் 330–340 மீ/வி மட்டுமே.

2.  
பின்வருவனவற்றில் எது இரண்டாம் வகை நெம்புகோல்?

Correct Answer: A [ஒற்றைச் சக்கரத் தள்ளுவண்டி]

விளக்கம்:

இரண்டாம் வகை நெம்புகோலில் சுமை, தாங்குபுள்ளிக்கும் திறனுக்கும் இடையே இருக்கும்; ஒற்றைச் சக்கரத் தள்ளுவண்டி இதற்கு எடுத்துக்காட்டு. சீசாப்பலகை, கடப்பாரை முதல் வகை; துடைப்பம் மூன்றாம் வகை நெம்புகோல்கள்.

3.  
மின்காந்தத் தூண்டலைக் கண்டறிந்தவர்

Correct Answer: C [மைக்கேல் ஃபாரடே]

விளக்கம்:

மைக்கேல் ஃபாரடே 1831இல் மின்காந்தத் தூண்டலைக் கண்டறிந்தார்; மின்னியற்றிகளும் மின்மாற்றிகளும் இத்தத்துவத்தில் இயங்குகின்றன. மின்னோட்டம் காந்த விளைவை உண்டாக்கும் என்று கண்டறிந்தவர் ஆர்ஸ்டெட் (1820).

4.  
புவியீர்ப்பு முடுக்கத்தின் எண் மதிப்பு

Correct Answer: A [9.81 மீ/வி²]

விளக்கம்:

புவிப்பரப்பில் புவியீர்ப்பு முடுக்கம் (g) சுமார் 9.8 மீ/வி² ஆகும். நிலவில் இது சுமார் 1.6 மீ/வி², அதாவது புவியின் மதிப்பில் ஆறில் ஒரு பங்கு.

5.  
குழாயில் திரவம் பாயும் வீதத்தை அளவிடப் பயன்படும் கருவி

Correct Answer: B [வென்சுரி மீட்டர்]

விளக்கம்:

குழாய் வழியே திரவம் பாயும் வீதத்தை அளவிட வென்சுரி மீட்டர் பயன்படுகிறது; இது பெர்னௌலி தேற்றத்தின் அடிப்படையில் இயங்குகிறது. மானோமீட்டர் வாயுவின் அழுத்தத்தையும், விஸ்கோமீட்டர் பாகுநிலையையும் அளவிடுகின்றன.

6.  
சூரிய மையக் கோட்பாட்டை 1543இல் விளக்கியவர்

Correct Answer: D [கோபர்நிகஸ்]

விளக்கம்:

நிக்கோலஸ் கோபர்நிகஸ் 1543இல் வெளியிட்ட நூலில் சூரியனை மையமாகக் கொண்டு கோள்கள் சுற்றுகின்றன என்ற சூரிய மையக் கோட்பாட்டை விளக்கினார். டாலமி புவியை மையமாகக் கொண்ட புவி மையக் கோட்பாட்டை முன்வைத்தார்.

7.  
எறிபொருளின் பாதை

Correct Answer: B [பரவளையம்]

விளக்கம்:

கிடைமட்டத்துடன் ஒரு கோணத்தில் எறியப்படும் பொருளின் (எறிபொருள்) பாதை பரவளையம் (parabola) ஆகும். கோள்கள் சூரியனை நீள்வட்டப் பாதையில் சுற்றுகின்றன (கெப்ளர் விதி).

8.  
அணு உலையில் தணிப்பானாக பயன்படுவது

Correct Answer: D [பெரிலியம்]

விளக்கம்:

அணு உலையில் நியூட்ரான்களின் வேகத்தைக் குறைக்கும் தணிப்பானாக கனநீர், கிராஃபைட், பெரிலியம் போன்றவை பயன்படுகின்றன. போரான், காட்மியம் நியூட்ரான்களை உட்கவரும் கட்டுப்பாட்டுக் கழிகளாகவும், திரவ சோடியம் குளிர்விப்பானாகவும் பயன்படுகின்றன.

9.  
வாகனங்களில் பின்புறக் காட்சிக்காக ஓட்டுநர் அருகில் பொருத்தப்படும் ஆடி

Correct Answer: A [குவி ஆடி]

விளக்கம்:

வாகன ஓட்டுநர் அருகில் பின்புறக் காட்சிக்குக் குவி ஆடி பொருத்தப்படுகிறது; இது சிறிய நேரான பிம்பத்தையும் அகன்ற பார்வைப் பரப்பையும் தருகிறது. குழி ஆடி வாகன முகப்பு விளக்குகளிலும் முகம் பார்க்கும் சவரக் கண்ணாடியிலும் பயன்படுகிறது.

10.  
ஓர் ஆங்ஸ்ட்ராம் (Å) அலகின் மதிப்பு

Correct Answer: B [10⁻¹⁰ மீ]

விளக்கம்:

ஓர் ஆங்ஸ்ட்ராம் (Å) = 10⁻¹⁰ மீ; இது அணுக்களின் அளவையும் ஒளியின் அலைநீளத்தையும் குறிக்கப் பயன்படுகிறது. 10⁻¹⁵ மீ என்பது ஒரு ஃபெர்மி (ஃபெம்டோமீட்டர்).

11.  
அறை வெப்பநிலையில் திரவ நிலையில் உள்ள உலோகம்

Correct Answer: A [பாதரசம்]

விளக்கம்:

அறை வெப்பநிலையில் திரவ நிலையில் உள்ள உலோகம் பாதரசம் (Hg); இது வெப்பநிலைமானிகளில் பயன்படுகிறது. அறை வெப்பநிலையில் திரவமாக உள்ள அலோகம் புரோமின்.

12.  
பாகுநிலை விசையை விளக்கியவர்

Correct Answer: A [நியூட்டன்]

விளக்கம்:

திரவ அடுக்குகளுக்கிடையே செயல்படும் பாகுநிலை விசையை நியூட்டன் தமது பாகுநிலை விதி மூலம் விளக்கினார்; இவ்விசை திசைவேக வேறுபாட்டுச் சரிவுக்கும் பரப்புக்கும் நேர்விகிதத்தில் இருக்கும். பாகுநிலை எண்ணின் SI அலகு பாஸ்கல் வினாடி (Pa s).

13.  
எண்ம விதியை வெளியிட்டவர்

Correct Answer: A [நியூலாண்ட்ஸ்]

விளக்கம்:

ஜான் நியூலாண்ட்ஸ் 1865இல் தனிமங்களை அணுநிறை அடிப்படையில் வரிசைப்படுத்தி எட்டாவது தனிமம் முதல் தனிமத்தின் பண்புகளை ஒத்திருக்கும் என்ற எண்ம விதியை வெளியிட்டார். டோபரீனர் மும்மை விதியை (1829) வெளியிட்டார்.

14.  
சிமெண்டில் அதிக அளவில் உள்ள ஆக்சைடு

Correct Answer: A [CaO]

விளக்கம்:

சிமெண்டில் கால்சியம் ஆக்சைடு (சுண்ணாம்பு, CaO) சுமார் 60–67% என்ற அதிக அளவில் உள்ளது; அடுத்து சிலிக்கா (SiO₂) சுமார் 17–25% உள்ளது. சிமெண்டைக் கண்டுபிடித்தவர் ஜோசப் ஆஸ்ப்டின் (1824).

15.  
கந்தகம் (சல்ஃபர்) மூலக்கூறு எவ்வடிவத்தில் உள்ளது?

Correct Answer: B [S8]

விளக்கம்:

சாதாரண நிலையில் கந்தகம் எட்டு அணுக்கள் வளையமாக இணைந்த S8 மூலக்கூறாக உள்ளது. இதன் அணுக்கட்டு எண் (atomicity) 8 ஆகும்; சாய்சதுர, ஒற்றைச்சரிவு எனப் பல புறவேற்றுமை வடிவங்களும் இதற்கு உண்டு.

16.  
விட்ரியால் எண்ணெய் (Oil of Vitriol) என்பது

Correct Answer: D [H2SO4]

விளக்கம்:

கந்தக அமிலம் (H2SO4) விட்ரியால் எண்ணெய் (Oil of Vitriol) என அழைக்கப்படுகிறது. இது வேதித் தொழில்களின் அரசன் என்றும் போற்றப்படுகிறது.

17.  
பித்தளையில் உள்ள உலோகங்கள்

Correct Answer: B [தாமிரம் – துத்தநாகம்]

விளக்கம்:

பித்தளை (Brass) என்பது தாமிரமும் துத்தநாகமும் சேர்ந்த உலோகக்கலவை. தாமிரமும் வெள்ளீயமும் சேர்ந்தது வெண்கலம் (Bronze) ஆகும்.

18.  
அணுக்கரு பிளவு வினைகளைக் கட்டுப்படுத்தி நிகழ்த்தும் சாதனம்

Correct Answer: A [அணு உலை]

விளக்கம்:

அணுக்கரு பிளவு தொடர்வினையைக் கட்டுப்பாட்டுடன் நிகழ்த்தி ஆற்றல் பெறும் சாதனம் அணு உலை ஆகும். இதில் காட்மியம் அல்லது போரான் கட்டுப்படுத்தும் கழிகள் நியூட்ரான்களை உறிஞ்சி வினையைக் கட்டுப்படுத்துகின்றன.

19.  
இடம் விட்டு இடம் நகரும் தாவரம்

Correct Answer: A [கிளாமிடோமோனஸ்]

விளக்கம்:

கிளாமிடோமோனஸ் என்ற ஒரு செல் பாசி தன் இரண்டு கசையிழைகளின் உதவியால் நீரில் இடம்விட்டு இடம் நகர்கிறது. நெஃப்ரோலெபிஸ், பெரணி போன்ற தாவரங்கள் ஓரிடத்தில் நிலைத்து வாழ்பவை.

20.  
பெரிபெரி நோயைத் தடுக்கும் வைட்டமின் எது?

Correct Answer: A [வைட்டமின் B1]

விளக்கம்:

தயமின் எனப்படும் வைட்டமின் B1 குறைபாட்டால் பெரிபெரி நோய் ஏற்படுகிறது. வைட்டமின் C குறைபாட்டால் ஸ்கர்வி, வைட்டமின் D குறைபாட்டால் ரிக்கட்ஸ் நோய் ஏற்படும்.

21.  
இரத்த வெள்ளையணுக்களின் எண்ணிக்கை குறையும்போது உண்டாகும் நிலை

Correct Answer: B [லியூக்கோபீனியா]

விளக்கம்:

இரத்த வெள்ளையணுக்களின் எண்ணிக்கை இயல்பைவிடக் குறைவது லியூக்கோபீனியா (Leukopenia) எனப்படும். வெள்ளையணுக்கள் கட்டுப்பாடின்றிப் பெருகும் புற்றுநோய் லூக்கீமியா (Leukemia) ஆகும்.

22.  
விலங்கு முறை ஊட்டம் (Holozoic nutrition) கொண்டது

Correct Answer: A [அமீபா]

விளக்கம்:

அமீபா உணவைப் போலிக்கால்களால் சூழ்ந்து விழுங்கிச் செரிக்கும் விலங்கு முறை (Holozoic) ஊட்டம் கொண்டது. பிளாஸ்மோடியம் ஒட்டுண்ணி; ஸ்பைரோகைரா தற்சார்பு ஊட்டம்; அகாரிகஸ் சாறுண்ணி ஆகும்.

23.  
வேக ஈனுலை சோதனை அணு உலை (Fast Breeder Test Reactor) அமைந்துள்ள இடம்

Correct Answer: D [கல்பாக்கம்]

விளக்கம்:

வேக ஈனுலை சோதனை அணு உலை (FBTR) செங்கல்பட்டு மாவட்டம் கல்பாக்கத்தில் உள்ள இந்திரா காந்தி அணு ஆராய்ச்சி மையத்தில் 1985-இல் இயக்கத்துக்கு வந்தது. கூடங்குளத்தில் அழுத்த நீர் அணு உலைகள் (VVER) உள்ளன.

24.  
பாஸ்டர் இன்ஸ்டிடியூட் (Pasteur Institute of India) அமைந்துள்ள இடம்

Correct Answer: A [குன்னூர்]

விளக்கம்:

நீலகிரி மாவட்டம் குன்னூரில் பாஸ்டர் இன்ஸ்டிடியூட் 1907-இல் நிறுவப்பட்டது. இங்கு வெறிநாய்க்கடி (ரேபிஸ்) தடுப்பூசி உள்ளிட்ட தடுப்பு மருந்துகள் தயாரிக்கப்படுகின்றன.

25.  
புற்றுநோயைப் பற்றிப் படிக்கும் அறிவியல் பிரிவு எது?

Correct Answer: D [ஆங்காலஜி]

விளக்கம்:

புற்றுநோய் பற்றிய மருத்துவ அறிவியல் பிரிவு ஆங்காலஜி (Oncology) எனப்படும். ஆந்த்ரோபாலஜி மனிதரையும், ஈக்காலஜி சூழ்நிலையையும், செராலஜி இரத்த ஊனீரையும் (Serum) பற்றிப் படிக்கும் பிரிவுகள்.

26.  
இடிதாங்கியைக் கண்டுபிடித்தவர் யார்?

Correct Answer: A [பெஞ்சமின் பிராங்க்ளின்]

விளக்கம்:

இடிதாங்கியைக் கண்டுபிடித்தவர் அமெரிக்க அறிவியலாளர் பெஞ்சமின் பிராங்க்ளின் (1752 அளவில்). மின்னல் ஒரு மின்னிறக்கம் என்பதையும் அவர் தம் பட்டம் சோதனை மூலம் விளக்கினார்.

27.  
திறந்த ஆர்கன் குழாயில் தோன்றும் சீரிசைகளின் அதிர்வெண் விகிதம் எது?

Correct Answer: C [1 : 2 : 3]

விளக்கம்:

இரு முனைகளும் திறந்த ஆர்கன் குழாயில் எல்லா சீரிசைகளும் தோன்றுவதால் அதிர்வெண்கள் 1 : 2 : 3 என்ற விகிதத்தில் அமையும். ஒரு முனை மூடிய குழாயில் ஒற்றைப்படைச் சீரிசைகள் மட்டும் தோன்றுவதால் விகிதம் 1 : 3 : 5.

28.  
வினாடி ஊசலின் அலைவு நேரம் எவ்வளவு?

Correct Answer: A [2 வினாடி]

விளக்கம்:

ஒரு பக்கம் செல்ல 1 வினாடி எடுக்கும் ஊசல் வினாடி ஊசல்; எனவே அதன் முழு அலைவு நேரம் 2 வினாடி. பூமியில் அதன் நீளம் ஏறத்தாழ 1 மீட்டர் (99.4 செ.மீ.).

29.  
கடல்நீரைக் குடிநீராக மாற்றும் முறை எது?

Correct Answer: C [எதிர் சவ்வூடு பரவல்]

விளக்கம்:

கடல்நீரை அதிக அழுத்தத்தில் அரைகடத்துச் சவ்வின் வழியே செலுத்தி உப்பை நீக்கும் எதிர் சவ்வூடு பரவல் (Reverse Osmosis) முறை குடிநீர் தயாரிக்கப் பயன்படுகிறது. சென்னை மீஞ்சூர், நெம்மேலி கடல்நீர் குடிநீராக்கும் நிலையங்கள் இம்முறையைப் பயன்படுத்துகின்றன.

30.  
பட்டு இழையின் பருமனை அளக்கப் பயன்படும் அலகு எது?

Correct Answer: B [டெனியர்]

விளக்கம்:

பட்டு, நைலான் போன்ற இழைகளின் பருமன் (நுண்மை) டெனியர் (Denier) அலகால் அளக்கப்படுகிறது; 9000 மீட்டர் இழையின் கிராம் எடையே அதன் டெனியர். காரட் தங்கத்தின் தூய்மையையும், கேண்டிலா ஒளிச்செறிவையும் குறிக்கும்.

31.  
மீன் வளர்ப்பின் அறிவியல் பெயர் என்ன?

Correct Answer: A [பிசிகல்ச்சர்]

விளக்கம்:

மீன் வளர்ப்பு பிசிகல்ச்சர் (Pisciculture) எனப்படும்; இலத்தீன் 'பிஸ்கிஸ்' என்றால் மீன். பட்டுப்புழு வளர்ப்பு செரிகல்ச்சர், தோட்டக்கலை ஹார்ட்டிகல்ச்சர், மல்பெரி வளர்ப்பு மோரிகல்ச்சர்.

32.  
இரத்த ஓட்டத்தைக் கண்டறிந்தவர் யார்?

Correct Answer: A [வில்லியம் ஹார்வி]

விளக்கம்:

இதயம் இரத்தத்தை உடல் முழுவதும் சுற்றி ஓடச் செய்கிறது என்பதை 1628-ல் ஆங்கில மருத்துவர் வில்லியம் ஹார்வி நிறுவினார். லாண்ட்ஸ்டெய்னர் இரத்த வகைகளையும், எட்வர்ட் ஜென்னர் அம்மைத் தடுப்பூசியையும் கண்டறிந்தனர்.

33.  
மின்காந்த அலைகளில் அதிக அலைநீளம் கொண்டது எது?

Correct Answer: C [ரேடியோ அலைகள்]

விளக்கம்:

மின்காந்த நிறமாலையில் ரேடியோ அலைகளுக்கே அலைநீளம் மிக அதிகம்; காமா கதிர்களுக்கு மிகக் குறைவு. அலைநீளம் அதிகமாகும்போது அதிர்வெண்ணும் ஆற்றலும் குறையும்.

34.  
X-கதிர்களை நன்கு உட்கவர்வதால் கதிர்வீச்சுக் கவசமாகப் பயன்படும் பொருள் எது?

Correct Answer: A [காரியம்]

விளக்கம்:

அடர்த்தி மிகுந்த காரியம் (Lead) X-கதிர்களை நன்கு உட்கவர்வதால் கதிர்வீச்சுக் கவசமாகவும் மேலங்கியாகவும் பயன்படுகிறது. X-கதிர்களைக் கண்டுபிடித்தவர் வில்ஹெம் ராண்ட்ஜன் (1895).

35.  
இரத்த அழுத்தத்தை அளக்க உதவும் கருவி எது?

Correct Answer: C [ஸ்பிக்மோமானோமீட்டர்]

விளக்கம்:

இரத்த அழுத்தம் ஸ்பிக்மோமானோமீட்டர் கருவியால் அளக்கப்படுகிறது; இயல்பான அளவு சுமார் 120/80 மி.மீ. பாதரசம். பாரோமீட்டர் வளிமண்டல அழுத்தத்தையும், ஆல்டிமீட்டர் உயரத்தையும் அளக்கும்.

36.  
வைட்டமின் B1-இன் வேதியியல் பெயர் என்ன?

Correct Answer: A [தையமின்]

விளக்கம்:

வைட்டமின் B1-இன் வேதியியல் பெயர் தையமின்; இதன் குறைபாட்டால் பெரிபெரி நோய் ஏற்படுகிறது. ரிபோஃபிளேவின் B2, பைரிடாக்சின் B6, கால்சிஃபெரால் வைட்டமின் D ஆகும்.

37.  
உலர் பனிக்கட்டி என்பது எது?

Correct Answer: A [திட கார்பன் டை ஆக்சைடு]

விளக்கம்:

திட நிலையிலுள்ள கார்பன் டை ஆக்சைடே உலர் பனிக்கட்டி; அது திரவமாகாமல் நேரடியாக வாயுவாக மாறும் (பதங்கமாதல்). இது −78.5 °C வெப்பநிலையில் இருப்பதால் உணவுப் பொருள்களைக் குளிர்விக்கப் பயன்படுகிறது.

38.  
வைரம் எந்தத் தனிமத்தின் புறவேற்றுமை வடிவம்?

Correct Answer: D [கார்பன்]

விளக்கம்:

வைரம், கிராஃபைட், ஃபுல்லரீன் ஆகியவை கார்பனின் புறவேற்றுமை வடிவங்கள். வைரத்தில் ஒவ்வொரு கார்பன் அணுவும் நான்கு அணுக்களுடன் இணைவதால் அது மிகக் கடினமான இயற்கைப் பொருளாக உள்ளது.

39.  
ரப்பரை வல்கனைஸ் செய்யப் பயன்படுவது எது?

Correct Answer: A [சல்பர்]

விளக்கம்:

இயற்கை ரப்பரைச் சல்பருடன் (கந்தகம்) சேர்த்துச் சூடாக்கி வலிமையாக்கும் முறை வல்கனைசேஷன். இம்முறையை 1839-ல் சார்லஸ் குட்இயர் கண்டறிந்தார்.

40.  
மின்காந்தத் தூண்டல் எண்ணின் (Inductance) அலகு எது?

Correct Answer: A [ஹென்றி]

விளக்கம்:

மின்காந்தத் தூண்டல் எண்ணின் (Inductance) SI அலகு ஹென்றி; அமெரிக்க அறிவியலாளர் ஜோசப் ஹென்றியின் பெயரால் இது அமைந்தது. மின்தேக்குத் திறனின் அலகு ஃபாரட், மின்தடையின் அலகு ஓம், மின்கடத்துதிறனின் அலகு சீமென்ஸ்.

41.  
சோப்பு நுரையில் பல வண்ணங்கள் தெரியக் காரணம் என்ன?

Correct Answer: A [ஒளியின் குறுக்கீட்டு விளைவு]

விளக்கம்:

சோப்புப் படலத்தின் மேல், கீழ் பரப்புகளிலிருந்து எதிரொளிக்கும் ஒளிக்கதிர்கள் ஒன்றோடொன்று குறுக்கிடுவதால் பல வண்ணங்கள் தோன்றுகின்றன. நீரின் மேல் மிதக்கும் எண்ணெய்ப் படலத்தின் வண்ணங்களும் இதே குறுக்கீட்டு விளைவால் ஏற்படுகின்றன.

42.  
சந்திரனின் மறுபக்கத்தை முதன்முதலில் படம் பிடித்த சோவியத் விண்கலம் எது?

Correct Answer: B [லூனா-3]

விளக்கம்:

1959-ல் சோவியத் ஒன்றியம் அனுப்பிய லூனா-3 விண்கலம் சந்திரனின் மறுபக்கத்தை முதன்முதலில் படம் பிடித்தது. ஸ்புட்னிக்-1 (1957) முதல் செயற்கைக்கோள்; அப்போலோ-11 (1969) மனிதனை நிலவில் இறக்கியது.

43.  
'வேதிப்பொருள்களின் அரசன்' என அழைக்கப்படுவது எது?

Correct Answer: B [H₂SO₄]

விளக்கம்:

பல தொழிற்சாலைகளில் அதிகம் பயன்படுவதால் கந்தக அமிலம் (H₂SO₄) 'வேதிப்பொருள்களின் அரசன்' எனப்படுகிறது. இது தொடு முறையில் (Contact process) தயாரிக்கப்படுகிறது.

44.  
மனித உடல் செல்லில் காணப்படும் குரோமோசோம்களின் மொத்த எண்ணிக்கை என்ன?

Correct Answer: A [46]

விளக்கம்:

மனித உடல் செல்லில் 23 இணை, அதாவது 46 குரோமோசோம்கள் உள்ளன; இவற்றில் 22 இணை உடல் குரோமோசோம்கள், 1 இணை பால் குரோமோசோம்கள். இனச்செல்களில் (விந்து, அண்டம்) 23 குரோமோசோம்கள் மட்டுமே இருக்கும்.

45.  
ஒரு பொருள் எந்த வெப்பநிலையில் வெப்ப ஆற்றலை வெளியிடாது?

Correct Answer: C [−273 °C]

விளக்கம்:

தனிச்சுழி வெப்பநிலையான −273 °C (0 கெல்வின்) இல் மூலக்கூறுகளின் வெப்ப இயக்கம் குறைந்தபட்சமாவதால் பொருள் வெப்ப ஆற்றலை வெளியிடாது. கெல்வின் அளவுகோல் இந்தத் தனிச்சுழியிலிருந்தே தொடங்குகிறது.

46.  
கீழ்க்கண்டவற்றுள் மொபைல் இயங்குதளம் (Mobile OS) எது?

Correct Answer: A [சிம்பியன் OS]

விளக்கம்:

சிம்பியன் (Symbian) நோக்கியா போன்ற கைப்பேசிகளில் பயன்பட்ட மொபைல் இயங்குதளம். விண்டோஸ் NT, மேக் OS, சோலாரிஸ் ஆகியவை கணினிகளுக்கான இயங்குதளங்கள்.

📘 TNUSRB P04 · பொது அறிவியல் – காவலர் / SI 2026
இங்கே ஒரு வரி விளக்கம் மட்டும். TNUSRB காவலர் / சார்பு ஆய்வாளர் 2026 – பொது அறிவியல்: 19 அத்தியாயங்கள், 456 விளக்கத்துடன் வினாக்கள், 438 பக்கங்கள். தமிழ் PDF.
புத்தகத்தைப் பெற – ₹199 ₹399 →
மதிப்பெண்: 0 விடையளித்தவை: 0 / 0