இந்திய ஆட்சியியல் PYQ – ஊழல் தடுப்பு நடவடிக்கைகள்

← திரும்பச் செல்ல

இந்திய ஆட்சியியல் PYQ – ஊழல் தடுப்பு நடவடிக்கைகள் – 22 வினாக்கள், பாடம்: அரசியல் அறிவியல். ஒவ்வொரு வினாவுக்கும் சரியான விடையும் இரண்டு வரி விளக்கமும் உண்டு; "Show Answer" அழுத்திப் பாருங்கள். TNPSC குரூப் 1, 2, 2A, 4, SI, TET தேர்வுகளுக்கான இலவசப் பயிற்சி – சண்முகம் ஐ.ஏ.எஸ். அகாடமி, கோயம்புத்தூர்.

தினசரி நடப்பு நிகழ்வுகள், தேர்வு அறிவிப்புகள் – உடனுக்குடன் பெற எங்களைப் பின்தொடருங்கள் YouTube WhatsApp சேனல் Telegram சேனல் Facebook பக்கம் Instagram
நண்பர்களுடன் / குழுவில் பகிருங்கள்
WhatsApp Telegram Facebook X
உங்கள் இணையதளம் / Blog-இல் இணைக்க (HTML code)
1.  
VAS AHGS – 2020
'லோக் பால்' என்ற சொல்லை முதன்முதலில் உருவாக்கியவர் யார்?

Correct Answer: A [லக்ஷ்மி மால் சிங்வி]

விளக்கம்:

" லோக்பால் ", " லோக் ஆயுக்தா " என்ற சொற்களை 1963 -இல் உருவாக்கியவர் டாக்டர் எல்.எம். (லக்ஷ்மி மால்) சிங்வி – சட்ட அறிஞர், நாடாளுமன்ற உறுப்பினர். ஸ்காண்டிநேவிய நாடுகளின் Ombudsman அமைப்புக்கு இணையான இந்தியச் சொல் இது. எம்.வி.

2.  
ADGS – 2021
மத்திய கண்காணிப்பு ஆணையத்தை ஏற்படுத்தப் பரிந்துரைத்த குழு எது?

Correct Answer: D [சந்தானம் குழு]

விளக்கம்:

ஊழல் தடுப்பு குறித்து ஆராய 1962-இல் அமைக்கப்பட்ட கே. சந்தானம் குழுவின் (1962 – 64) பரிந்துரைப்படி 1964 பிப்ரவரியில் மத்தியக் கண்காணிப்பு ஆணையம் அமைக்கப்பட்டது. கே. சந்தானம் தமிழ்நாட்டைச் சேர்ந்தவர்.

3.  
PTGS – 2021
கீழ்க்கண்டவற்றுள் எது லோக்பால் அமைப்பைப் பரிந்துரைத்தது?

Correct Answer: A [முதல் நிர்வாகச் சீர்திருத்த ஆணையம்]

விளக்கம்:

முதல் நிர்வாகச் சீர்திருத்த ஆணையம் (1966; தலைவர் – மொரார்ஜி தேசாய், பின்னர் கே. அனுமந்தையா) தனது இடைக்கால அறிக்கையில் ஒன்றியத்தில் லோக்பால் , மாநிலங்களில் லோக் ஆயுக்தா அமைக்கப் பரிந்துரைத்தது.

4.  
EO G4 – 2022
லோக் ஆயுக்தா உறுப்பினர்களை நியமனம் செய்பவர் யார்?

Correct Answer: C [மாநில ஆளுநர்]

விளக்கம்:

லோக் ஆயுக்தா தலைவர், உறுப்பினர்களை மாநில ஆளுநர் நியமிக்கிறார் – தேர்வுக் குழுவின் பரிந்துரைப்படி. எ.கா. தமிழ்நாடு லோக் ஆயுக்தா சட்டம், 2018 : தேர்வுக் குழு – முதலமைச்சர் (தலைவர்), சட்டப்பேரவைத் தலைவர், சட்டப்பேரவை எதிர்க்கட்சித் தலைவர்; நியமனம் – ஆளுநர்.

5.  
DPGS – 2022
மக்களின் குறை தீர்ப்புக்காக உருவாக்கப்பட்ட பழமையான முறை

Correct Answer: A [ஓம்பட்ஸ்மன் அமைப்பு]

விளக்கம்:

குடிமக்களின் குறைகளைத் தீர்க்க உருவான உலகின் மிகப் பழமையான அமைப்பு Ombudsman (குறைதீர் அலுவலர்) – ஸ்வீடன், 1809 . லோக்பால், லோக் ஆயுக்தா இரண்டும் இதன் இந்திய வடிவங்கள்.

6.  
EO G3 – 2022
கீழ்வருவனவற்றைப் பொருத்துக :
(a) மத்தியப் புலனாய்வுப் பிரிவு – 1. 1968
(b) மத்திய கண்காணிப்பு ஆணையம் – 2. 1964
(c) முதல் லோக்பால் மசோதா மக்களவையில் அறிமுகம் – 3. 1963
(d) அகில இந்தியப் பணிகள் (நடத்தை) விதிகள் – 4. 1954

Correct Answer: C [3 2 1 4]

விளக்கம்:

CBI 1963 (3), CVC 1964 (2), முதல் லோக்பால் மசோதா மக்களவையில் அறிமுகம் 1968 (1), அகில இந்தியப் பணிகள் (நடத்தை) விதிகள் 1954 (4) – எனவே 3 2 1 4. இந்த 1954 நடத்தை விதிகளுக்குப் பதிலாக இப்போது 1968 விதிகள் நடைமுறையில் உள்ளன.

7.  
CSSE – 2023
லோக் ஆயுக்தா அமைப்பு மகாராஷ்டிரா மாநிலத்தில் எந்த ஆண்டு தொடங்கப்பட்டது?

Correct Answer: B [1971]

விளக்கம்:

மகாராஷ்டிராவில் லோக் ஆயுக்தா அமைப்பு மகாராஷ்டிரா லோக் ஆயுக்தா, உப-லோக் ஆயுக்தாக்கள் சட்டம், 1971 மூலம் உருவாக்கப்பட்டது; இதுவே இந்தியாவின் முதல் லோக் ஆயுக்தா. அச்சட்டப்படி முதல் லோக் ஆயுக்தா (எஸ்.பி. கோட்வால்) 1972 அக்டோபர் 25 அன்று பொறுப்பேற்றார்.

8.  
SURVEYOR DRAUGHTSMAN – 2022
கீழ்க்காண்பவற்றை அவை தோற்றுவிக்கப்பட்ட ஆண்டின் அடிப்படையில் கால வரிசைப்படுத்தவும் :
1. மத்திய கண்காணிப்பு ஆணையம்
2. மத்தியப் புலனாய்வுப் பிரிவு
3. மத்தியத் தகவல் ஆணையம்
4. லோக்பால், லோக் ஆயுக்தாக்கள் சட்டம்

Correct Answer: C [2, 1, 3, 4]

விளக்கம்:

மத்தியப் புலனாய்வுப் பிரிவு 1963, மத்திய கண்காணிப்பு ஆணையம் 1964, மத்தியத் தகவல் ஆணையம் 2005, லோக்பால், லோக் ஆயுக்தாக்கள் சட்டம் 2013 – எனவே வரிசை 2, 1, 3, 4. CBI, CVC இரண்டும் சந்தானம் குழுவுடன் தொடர்புடையவை; CVC 2003-இல் சட்டப்பூர்வ அமைப்பானது.

9.  
ACF – 2023
கூற்று (A) : ஊழல் உயர்மட்ட அரசியல் மற்றும் நிர்வாக நிலைகளில் தோன்றுகிறது.
காரணம் (R) : ஊழல் உயர்மட்ட நிலைகளில் உள்ளதால் இதனை ஒழித்தல் என்பது ஏறக்குறைய சாத்தியமற்றதாகிறது.

Correct Answer: D [(A) மற்றும் (R) இரண்டும் சரியானவை, ஆனால் (R), (A)வின் சரியான விளக்கமல்ல]

விளக்கம்:

இந்தியாவில் ஊழல் பெரும்பாலும் மேல்மட்ட அரசியல், நிர்வாக நிலைகளில் தோன்றுகிறது என்பதும், அந்த மேல்மட்ட ஈடுபாட்டால் அதை ஒழிப்பது கடினம் என்பதும் இரண்டுமே சரி. ஆனால் [R] ஊழல் ஏன் மேல்மட்டத்தில் தோன்றுகிறது என்பதை விளக்கவில்லை; அதன் விளைவை மட்டுமே கூறுவதால் [A]-வுக்குச் சரியான விளக்கமல்ல.

10.  
'லோக்பால் மசோதா' முதன்முதலாக மக்களவையில் அறிமுகப்படுத்தப்பட்ட ஆண்டு

Correct Answer: A [1968]

விளக்கம்:

முதல் லோக்பால் மசோதா 1968 -இல் மக்களவையில் அறிமுகமானது; 1969-இல் மக்களவையில் நிறைவேறியது; மாநிலங்களவையில் நிலுவையில் இருந்தபோது மக்களவை கலைந்ததால் காலாவதியானது. 2011 – அண்ணா ஹசாரே இயக்கம், லோக்பால் மசோதா மீண்டும் அறிமுகம்; 2013 – சட்டம் நிறைவேறியது.

11.  
COMBINED RESEARCH ASSISTANT – 2023
கீழ்க்கண்ட வாக்கியங்களை உற்று நோக்கவும் :
(1) ஆம்புட்ஸ்மேன் என்பவர் அரசின் உயரதிகாரிகளுக்கு எதிரான பொதுமக்களின் புகார்களை விசாரிக்கும் அரசாங்க அதிகாரி ஆவார்.
(2) மத்திய மற்றும் மாநில அரசுகளின் நிர்வாக அதிகாரிகளுக்கு எதிரான புகார்களை விசாரிப்பதற்காக மத்திய கண்காணிப்பு ஆணையம் ஏற்படுத்தப்பட்டது.
மேற்குறிப்பிட்டவற்றில் எந்த வாக்கியம் / வாக்கியங்கள் சரியானவை?

Correct Answer: A [1 மட்டும்]

விளக்கம்:

குறைதீர் அலுவலர் (Ombudsman) அரசு உயர் அலுவலர்களுக்கு எதிரான குடிமக்களின் புகார்களை விசாரிக்கும் அலுவலர் என்பதால் கூற்று 1 சரி. மத்திய கண்காணிப்பு ஆணையம் (1964) ஒன்றிய அரசு அலுவலர்கள் தொடர்பான ஊழலை மட்டுமே கண்காணிக்கிறது; மாநில அரசு அலுவலர்கள் அதன் வரம்பில் இல்லை – எனவே கூற்று 2 தவறு.

12.  
MASS INTERVIEWER – 2023
கீழே கொடுக்கப்பட்டுள்ள பத்தியைப் படித்து, தொடர்ந்து வரும் வினாவுக்கு விடையளிக்கவும். உங்களுடைய விடை இப்பத்தியை மட்டுமே அடிப்படையாகக் கொண்டிருக்க வேண்டும்.
இந்தியாவில் ஊழல் அடிப்படையில் அரசியல் – நிர்வாகத் தன்மை கொண்டது. அது அரசாங்கத்தின் அரசியல், நிர்வாக நிலைகள் இரண்டிலும் பரவியுள்ளது. அது ஆழமாகவும், நன்கு ஒழுங்கமைக்கப்பட்டும், முறைப்படுத்தப்பட்டும் உள்ளது. இரண்டாவதாக, அது பெரும்பாலும் மேல்மட்ட அரசியல், நிர்வாக நிலைகளில் தோன்றுகிறது. இந்த மேல்மட்ட ஈடுபாடு அதனை ஒழிப்பதை ஏறக்குறைய இயலாததாக்குகிறது.
பத்தியின்படி, ஊழலை ஒழிப்பது இயலாததாக இருப்பதற்கான காரணம் என்ன?

Correct Answer: D [ஊழல் நிர்வாக, அரசியல் மேல்நிலைகளில் ஆழமாக வேரூன்றியுள்ளது]

விளக்கம்:

பத்தியின் இறுதி வாக்கியம், ஊழல் மேல்மட்ட அரசியல், நிர்வாக நிலைகளில் தோன்றுவதால் ஏற்படும் இந்த மேல்மட்ட ஈடுபாடே அதை ஒழிப்பதை ஏறக்குறைய இயலாததாக்குகிறது எனக் கூறுகிறது. மற்ற விடைகள் பத்தியின் பிற பகுதிகளைக் கூறினாலும், 'ஒழிக்க இயலாததன் காரணம்' எனக் குறிப்பிடப்படுவது மேல்நிலை ஈடுபாடு மட்டுமே.

13.  
CEGS – 2024
லோக்பால் மற்றும் லோக் ஆயுக்தாவை நிறுவுவதன் முக்கிய நோக்கம்?

Correct Answer: D [குடிமக்களின் குறைகளைத் தீர்த்தல்]

விளக்கம்:

லோக்பால், லோக் ஆயுக்தா ஆகியவை குறைதீர் அலுவலர் (Ombudsman) வகை அமைப்புகள்; பொது ஊழியர்களின் ஊழல், முறைகேடான நிர்வாகம் பற்றிய குடிமக்களின் குறைகளைத் தீர்ப்பதே அவற்றின் அடிப்படை நோக்கம். முதல் நிர்வாகச் சீர்திருத்த ஆணையம் (1966) 'குடிமக்களின் குறைகளைத் தீர்ப்பதற்காக' இவ்விரு அமைப்புகளையும் பரிந்துரைத்தது.

14.  
மத்திய கண்காணிப்பு ஆணையம் பின்வரும் எந்த ஆணையம் / குழுவின் பரிந்துரையின் அடிப்படையில் நிறுவப்பட்டது?

Correct Answer: C [சந்தானம் குழு]

விளக்கம்:

சந்தானம் குழு (1962 – 64) பரிந்துரைப்படி 1964 -இல் CVC அமைக்கப்பட்டது. வினா 2 விளக்கத்திலுள்ள அட்டவணையைப் பார்க்கவும். கூடுதலாக: நிர்வாகச் சீர்திருத்த ஆணையம் (1966) – லோக்பால் / லோக் ஆயுக்தா பரிந்துரை; சர்க்காரியா ஆணையம் (1983) – ஒன்றிய – மாநில உறவுகள்.

15.  
GROUP 1 – 2024
ஊழலை எதிர்த்துப் போராட பின்வரும் நடவடிக்கைகளில் இந்திய அரசால் எடுக்கப்பட்டது எது / எவை?
(I) நேரடிப் பணப் பரிமாற்றம்
(II) பொதுக் கொள்முதலில் மின்னணு ஒப்பந்தப்புள்ளி (இ-டெண்டர்)
(III) குரூப் 'C' பதவிக்கான ஆள்சேர்ப்பில் நேர்காணலை நிறுத்தியது

Correct Answer: D [(I), (II), (III) மூன்றும்]

விளக்கம்:

நேரடிப் பணப் பரிமாற்றம் (DBT) இடைத்தரகர்களை நீக்குகிறது; இ-டெண்டர் கொள்முதலை வெளிப்படையாக்குகிறது; குரூப் 'C' (மற்றும் அரசிதழ் பதிவு பெறாத குரூப் 'B') பதவிகளுக்கு 2016 ஜனவரி 1 முதல் நேர்காணல் நிறுத்தப்பட்டது. இம்மூன்றும் மனிதத் தலையீட்டைக் குறைத்து ஊழலைத் தடுக்க ஒன்றிய அரசு எடுத்த நடவடிக்கைகள்.

16.  
GROUP 1 & 1A – 2025
இந்தியாவில் லோக் ஆயுக்தாவை நிறுவிய முதல் மாநிலம் எது?

Correct Answer: C [மகாராஷ்டிரா]

விளக்கம்:

லோக் ஆயுக்தா அமைப்பை முதலில் நிறுவிய மாநிலம் மகாராஷ்டிரா (சட்டம் 1971 ). ராஜஸ்தான் 1973-இல் அமைத்தது. கர்நாடக லோக் ஆயுக்தா வலிமையான அமைப்புகளில் ஒன்றாகக் கருதப்பட்டாலும் முதலாவது அல்ல.

17.  
GROUP 4 – 2025
பின்வருவனவற்றில் தவறாகப் பொருத்தப்பட்டுள்ளவற்றைக் கண்டறிக.
(1) லோக்பால் மற்றும் லோக் ஆயுக்தா சட்டம் நடைமுறைக்கு வந்த நாள் – ஜனவரி 16, 2014
(2) தமிழ் செம்மொழியாக அறிவிக்கப்பட்டது – அக்டோபர் 10, 2004
(3) இந்தியத் தேர்தல் ஆணையம் – பிரிவு 324
(4) தேசிய ஒருமைப்பாட்டுக் குழு – 1960

Correct Answer: B [(2) மற்றும் (4)]

விளக்கம்:

தமிழ் செம்மொழியாக அறிவிக்கப்பட்டது 2004 அக்டோபர் 12 அன்று (அக்டோபர் 10 அல்ல); தேசிய ஒருமைப்பாட்டுக் குழு 1961-இல் அமைக்கப்பட்டது (1960 அல்ல) – எனவே (2), (4) தவறு. லோக்பால் மற்றும் லோக் ஆயுக்தா சட்டம் 2014 ஜனவரி 16 அன்று நடைமுறைக்கு வந்தது, தேர்தல் ஆணையம் பிரிவு 324 – இவை சரி.

18.  
தமிழ்நாடு லஞ்ச ஒழிப்பு – கண்காணிப்பு இயக்ககத்தின் கட்டணமில்லா அழைப்பு எண்
(1) 1062 மற்றும் 1963
(2) 1064 மற்றும் 1965
(3) 1066 மற்றும் 1967
(4) 1068 மற்றும் 1969

Correct Answer: B [(2)]

விளக்கம்:

தமிழ்நாடு லஞ்ச ஒழிப்பு – கண்காணிப்பு இயக்ககம் (DVAC) அறிவித்துள்ள உதவி எண்கள்: ஊழல் ஒழிப்பு உதவி எண் – 1064 ; கண்காணிப்பு உதவி எண் – 1965 . எனவே (2) → விருப்பம் B .

19.  
GROUP 2 & 2A – 2025
தவறான இணையைக் கண்டுபிடி :
ஆணையம் / அமைப்பு – ஏற்படுத்தப்பட்ட ஆண்டு
(1) தேசிய மனித உரிமைகள் ஆணையம் – 1993
(2) மத்தியத் தகவல் ஆணையம் – 2005
(3) மத்தியக் கண்காணிப்பு ஆணையம் – 1963
(4) மத்தியப் புலனாய்வுப் பிரிவு – 1969

Correct Answer: C [(3) மற்றும் (4) மட்டும்]

விளக்கம்:

மத்தியப் புலனாய்வுப் பிரிவு (CBI) 1963 ஏப்ரல் 1 அன்றும், மத்திய கண்காணிப்பு ஆணையம் (CVC) 1964 பிப்ரவரியில் சந்தானம் குழு பரிந்துரைப்படியும் அமைக்கப்பட்டன – எனவே (3), (4) ஆண்டுகள் தவறு. NHRC 1993, மத்தியத் தகவல் ஆணையம் 2005 என்பவை சரி.

20.  
CTS (ITI LEVEL II) – 2025
பின்வருவனவற்றில் சரியான இணையைத் தேர்ந்தெடு
1. தேசிய மனித உரிமைகள் ஆணையம் – 1993
2. மத்தியத் தகவல் ஆணையம் – 2004
3. மத்தியக் கண்காணிப்பு ஆணையம் – 1964
4. தேசிய மகளிர் ஆணையம் – 1991

Correct Answer: B [[1] மற்றும் [3] சரி]

விளக்கம்:

அமைப்பு வினாவில் உண்மை பொருத்தம் 1. NHRC 1993 1993 (மனித உரிமைகள் பாதுகாப்புச் சட்டம், 1993) சரி 2. மத்தியத் தகவல் ஆணையம் 2004 2005 (RTI சட்டம், 2005) தவறு 3. CVC 1964 1964 சரி 4.

21.  
கூற்று [A] : லோக்பால், ஒரு தலைவரையும் அதிகபட்சம் 8 உறுப்பினர்களையும் உள்ளடக்கியதாகும்.
காரணம் [R] : லோக்பால் உறுப்பினர்களில் 50% நீதித்துறை உறுப்பினர்கள்; 50% உறுப்பினர்கள் SC / ST / OBC, சிறுபான்மையினர், பெண்கள் ஆகியோரிலிருந்து இருப்பர்.

Correct Answer: D [[A] மற்றும் [R] இரண்டும் சரி, ஆனால் [R] [A]யினுடைய சரியான விளக்கமல்ல]

விளக்கம்:

[A] சரி – லோக்பால் = தலைவர் + அதிகபட்சம் 8 உறுப்பினர்கள் (லோக்பால் சட்டம், 2013, பிரிவு 3). [R] சரி – உறுப்பினர்களில் 50% நீதித்துறை உறுப்பினர்கள்; உறுப்பினர்களில் குறைந்தது 50% SC / ST / OBC / சிறுபான்மையினர் / பெண்கள்.

22.  
GROUP 1 – 2026
கீழ்க்காண்பவற்றைப் பொருத்துக :
மாநிலங்களில் லோக் ஆயுக்தா – நிறுவப்பட்ட ஆண்டு
(a) மகாராஷ்டிரா – 1. 1973
(b) ராஜஸ்தான் – 2. 1975
(c) உத்தரப் பிரதேசம் – 3. 1983
(d) இமாச்சலப் பிரதேசம் – 4. 1971

Correct Answer: C [4 1 2 3]

விளக்கம்:

மாநிலம் லோக் ஆயுக்தா சட்டம் எண் (a) மகாராஷ்டிரா 1971 4 (b) ராஜஸ்தான் 1973 1 (c) உத்தரப் பிரதேசம் 1975 2 (d) இமாச்சலப் பிரதேசம் 1983 3 a-4, b-1, c-2, d-3 → 4 1 2 3 . நினைவுக் குறிப்பு: மகா – ராஜ – உ.பி.

? இந்த வினாக்களின் முழு விளக்கம், அட்டவணைகளுடன் – இந்திய ஆட்சியியல் PYQ நூல் (₹149): www.shanmugamiasacademy.in/study-materials/tnpsc-indian-polity-pyq

📘 TNPSC பொது அறிவு அலகு IV — இந்திய ஆட்சியியல் (Indian Polity) – முழுமையான பாடநூல்
இங்கே ஒரு வரி விளக்கம் மட்டும். TNPSC பொது அறிவு அலகு IV இந்திய ஆட்சியியல் முழுவதும் · 23 அத்தியாயங்கள் · 535 பயிற்சி வினாக்கள் விளக்கத்துடன் · 2 மாதிரித் தேர்வுகள் · Mindmaps, Flowcharts, ஒப்பீட்டு அட்டவணைகள் · 2024–2026 நடப்பு நிகழ்வுகள்
புத்தகத்தைப் பெற – ₹249 ₹499 →
மதிப்பெண்: 0 விடையளித்தவை: 0 / 0