இந்தியப் பொருளாதாரம் பாடநூல் வினாக்கள் – வருவாய் ஆதாரங்கள், நிதிக் கொள்கை, சரக்கு மற்றும் சேவை வரி (பகுதி 1)

← திரும்பச் செல்ல

இந்தியப் பொருளாதாரம் பாடநூல் வினாக்கள் – வருவாய் ஆதாரங்கள், நிதிக் கொள்கை, சரக்கு மற்றும் சேவை வரி (பகுதி 1) – 20 வினாக்கள், பாடம்: பொருளாதாரம். ஒவ்வொரு வினாவுக்கும் சரியான விடையும் இரண்டு வரி விளக்கமும் உண்டு; "Show Answer" அழுத்திப் பாருங்கள். TNPSC குரூப் 1, 2, 2A, 4, SI, TET தேர்வுகளுக்கான இலவசப் பயிற்சி – சண்முகம் ஐ.ஏ.எஸ். அகாடமி, கோயம்புத்தூர்.

தினசரி நடப்பு நிகழ்வுகள், தேர்வு அறிவிப்புகள் – உடனுக்குடன் பெற எங்களைப் பின்தொடருங்கள் YouTube WhatsApp சேனல் Telegram சேனல் Facebook பக்கம் Instagram
நண்பர்களுடன் / குழுவில் பகிருங்கள்
WhatsApp Telegram Facebook X
உங்கள் இணையதளம் / Blog-இல் இணைக்க (HTML code)
1.  
பின்வருவனவற்றில் மூலதன வரவு எது?

Correct Answer: B [கடன் மீட்பு]

விளக்கம்:

அரசு முன்பு கொடுத்த கடனைத் திரும்பப் பெறுவது (கடன் மீட்பு) அரசின் சொத்தைக் குறைப்பதால் அது மூலதன வரவு. வரி வருவாய் வருவாய் வரவு; வட்டி வரவும் பங்காதாயமும் வரிசாரா வருவாய் வரவுகள்.

2.  
சங்ககாலச் சொல் “உல்கு” எதைக் குறிக்கிறது?

Correct Answer: C [சுங்க வரி]

விளக்கம்:

சங்க இலக்கியத்தில் ‘உல்கு’ என்பது வணிகப் பொருள்கள் மீது விதிக்கப்பட்ட சுங்க வரியைக் குறிக்கிறது. ‘இறை’ நில வரியையும், ‘தண்டம்’ அபராதத்தையும், ‘இரவு’ கூடுதல் வரிக் கேட்பையும் குறிக்கின்றன.

3.  
பின்வருவனவற்றில் நேர்முக வரி எது?

Correct Answer: D [நிறுவன வரி]

விளக்கம்:

நிறுவன வரி (Corporation tax) யார் மீது விதிக்கப்படுகிறதோ அந்த நிறுவனமே செலுத்துவதால், அதன் சுமையைப் பிறர் மீது தள்ள இயலாது; எனவே அது நேர்முக வரி. GST, சுங்க வரி, உற்பத்தி வரி ஆகியவற்றின் சுமை நுகர்வோருக்கு மாற்றப்படுவதால் அவை மறைமுக வரிகள்.

4.  
வளர்வீத வரி (Progressive tax) என்பது:

Correct Answer: A [வருமானம் உயர வீதம் உயரும்]

விளக்கம்:

வளர்வீத வரியில் (Progressive tax) வருமானம் உயர உயர வரி வீதமும் உயரும்; இந்திய வருமான வரியின் அடுக்கு முறை இதற்கு எடுத்துக்காட்டு. எல்லா வருமானத்துக்கும் ஒரே வீதம் விகிதாச்சார வரி; வருமானம் உயர வீதம் குறைவது தேய்வீத வரி.

5.  
கருவூல உண்டியலின் (Treasury bill) அதிகபட்சக் காலம் எவ்வளவு?

Correct Answer: C [364 நாள்]

விளக்கம்:

கருவூல உண்டியல்கள் (Treasury bills) 91, 182, 364 நாள் காலங்களில் வெளியிடப்படுகின்றன; எனவே அதிகபட்சக் காலம் 364 நாள். ஓராண்டுக்குள் முதிர்வதால் அவை பணச் சந்தைக் கருவிகள்; முக மதிப்பைவிடக் குறைந்த தள்ளுபடி விலையில் வெளியிடப்படுகின்றன.

6.  
முதலீடு, பொதுச் சொத்து மேலாண்மைத் துறையின் (DIPAM) முந்தைய பெயர் என்ன?

Correct Answer: D [முதலீட்டு விலக்கல் துறை]

விளக்கம்:

முதலீட்டு விலக்கல் துறை (Department of Disinvestment) 2016-இல் முதலீடு மற்றும் பொதுச் சொத்து மேலாண்மைத் துறை (DIPAM) எனப் பெயர் மாற்றப்பட்டது. இது ஒன்றிய நிதி அமைச்சகத்தின் கீழ் உள்ள துறை.

7.  
ஒன்றிய ஆண்டு நிதி அறிக்கை பற்றிக் கூறும் அரசியலமைப்பு உறுப்பு எது?

Correct Answer: B [112]

விளக்கம்:

உறுப்பு 112 ஒன்றிய அரசின் ஆண்டு நிதி அறிக்கையை (Annual Financial Statement – வரவு செலவுத் திட்டம்) ஒவ்வோர் ஆண்டும் நாடாளுமன்றத்தின் முன் வைக்க வேண்டும் என்கிறது. மாநிலங்களுக்கான ஆண்டு நிதி அறிக்கை உறுப்பு 202-இல் உள்ளது; உறுப்பு 110 பண மசோதாவை வரையறுக்கிறது.

8.  
விடுதலை பெற்ற இந்தியாவின் முதல் வரவு செலவுத் திட்டத்தை (26.11.1947) தாக்கல் செய்தவர் யார்?

Correct Answer: A [ஆர்.கே. சண்முகம் செட்டி]

விளக்கம்:

விடுதலை பெற்ற இந்தியாவின் முதல் வரவு செலவுத் திட்டத்தை 26 நவம்பர் 1947 அன்று முதல் நிதியமைச்சர் ஆர்.கே. சண்முகம் செட்டி தாக்கல் செய்தார். குடியரசான இந்தியாவின் முதல் வரவு செலவுத் திட்டத்தை 28 பிப்ரவரி 1950 அன்று ஜான் மத்தாய் தாக்கல் செய்தார்.

9.  
முதன்மைப் பற்றாக்குறை (Primary deficit) என்பது:

Correct Answer: D [நிதிப் பற்றாக்குறை − வட்டிச் செலுத்தல்]

விளக்கம்:

முதன்மைப் பற்றாக்குறை (Primary deficit) = நிதிப் பற்றாக்குறை − வட்டிச் செலுத்தல்; இது முந்தைய கடன்களுக்கான வட்டியை நீக்கிய நடப்பு ஆண்டுக் கடன் தேவையைக் காட்டுகிறது. நிதிப் பற்றாக்குறை − வருவாய்ப் பற்றாக்குறை என்பது மூலதனச் செலவுக்கான கடன் பகுதியைக் குறிக்கும்.

10.  
இந்தியாவில் நிதிக் கொள்கையை வகுப்பது:

Correct Answer: C [ஒன்றிய அரசு (நிதி அமைச்சகம்)]

விளக்கம்:

வரி, பொதுச் செலவு, பொதுக் கடன் வழியாகச் செயல்படும் நிதிக் கொள்கையை (Fiscal policy) வகுப்பது ஒன்றிய அரசின் நிதி அமைச்சகம். ரெப்போ வீதம், CRR போன்றவை வழியாகச் செயல்படும் பணவியல் கொள்கையை (Monetary policy) வகுப்பது இந்திய ரிசர்வ் வங்கி.

11.  
இந்தியாவில் GST நடைமுறைக்கு வந்த நாள் எது?

Correct Answer: B [1.7.2017]

விளக்கம்:

சரக்கு மற்றும் சேவை வரி (GST) இந்தியாவில் 1 ஜூலை 2017 அன்று நடைமுறைக்கு வந்தது. 8.9.2016 என்பது 101-ஆவது திருத்தத்துக்குக் குடியரசுத் தலைவர் ஒப்புதல் தந்த நாள்; 22.9.2025 என்பது GST வீதச் சீர்திருத்தம் நடைமுறைக்கு வந்த நாள்.

12.  
GST மன்றத்தின் தலைவர் யார்?

Correct Answer: D [ஒன்றிய நிதியமைச்சர்]

விளக்கம்:

உறுப்பு 279A-இன்படி GST மன்றத்தின் தலைவர் ஒன்றிய நிதியமைச்சர்; ஒன்றிய நிதித் துறை இணையமைச்சரும் எல்லா மாநில நிதியமைச்சர்களும் உறுப்பினர்கள். மாநில உறுப்பினர்களில் ஒருவர் துணைத் தலைவராகத் தேர்ந்தெடுக்கப்படுவார்.

13.  
IGST எதன் மீது விதிக்கப்படுகிறது?

Correct Answer: A [மாநிலங்களுக்கு இடையிலான விற்பனை, இறக்குமதி]

விளக்கம்:

ஒருங்கிணைந்த GST (IGST) மாநிலங்களுக்கு இடையிலான விற்பனை மீதும் இறக்குமதி மீதும் ஒன்றியத்தால் விதிக்கப்பட்டு வசூலிக்கப்படுகிறது (உறுப்பு 269A). மாநிலத்துக்குள் நடக்கும் விற்பனைக்கு CGST, SGST இரண்டும் விதிக்கப்படும்; ஏற்றுமதி சுழி வீதப் (Zero-rated) பரிவர்த்தனை.

14.  
பின்வரும் கூற்றுகளில் சரியானவை எவை?
  1. கட்டணம் (Fee) அரசு அளிக்கும் நேரடிச் சேவைக்காகச் செலுத்தப்படுகிறது.
  2. வரி செலுத்துபவருக்கு அதற்கு இணையான நேரடிப் பயன் கிடைக்கும்.
  3. பொதுத்துறை நிறுவனங்களின் பங்காதாயம் வரிசாரா வருவாய்.

Correct Answer: C [1, 3 மட்டும்]

விளக்கம்:

கட்டணம் (Fee) அரசு அளிக்கும் நேரடிச் சேவைக்காகச் செலுத்தப்படுகிறது; பொதுத்துறை நிறுவனங்களின் பங்காதாயம் வரிசாரா வருவாய், எனவே 1, 3 சரி. வரிக்கு இணையான நேரடிப் பதில் பயன் (Quid pro quo) கிடையாது என்பதால் கூற்று 2 தவறு.

15.  
பொருத்துக:
a. வரி 1. மூலதன வரவு
b. கட்டணம் 2. சட்ட மீறலுக்கான தண்டனைத் தொகை
c. தண்டம் 3. நேரடிச் சேவைக்கான விலை
d. கடன் மீட்பு 4. கட்டாயச் செலுத்தல்; நேரடிப் பயன் இல்லை

Correct Answer: B [4 3 2 1]

விளக்கம்:

வரி நேரடிப் பயன் இல்லாத கட்டாயச் செலுத்தல் (4), கட்டணம் நேரடிச் சேவைக்கான விலை (3), தண்டம் சட்ட மீறலுக்கான தண்டனைத் தொகை (2), கடன் மீட்பு மூலதன வரவு (1); எனவே 4 3 2 1. கட்டணமும் தண்டமும் வரிசாரா வருவாயில் சேரும்.

16.  
ஆடம் ஸ்மித்தின் வரி விதிகளில் இடம்பெறாதது எது?

Correct Answer: D [எளிமை]

விளக்கம்:

ஆடம் ஸ்மித் தமது ‘நாடுகளின் செல்வம்’ (1776) நூலில் சமத்துவம், நிச்சயத்தன்மை, வசதி, சிக்கனம் என்ற நான்கு வரி விதிகளைக் கூறினார்; ‘எளிமை’ அவற்றில் இல்லை. எளிமை, உற்பத்தித்திறன், நெகிழ்ச்சி போன்றவை பிற்காலப் பொருளியலாளர்கள் சேர்த்த விதிகள்.

17.  
மேல்வரி (Cess), கூடுதல் கட்டணம் (Surcharge) பற்றிய கூற்றுகளில் சரியானவை எவை?
  1. மேல்வரி ஒரு குறிப்பிட்ட நோக்கத்துக்காக விதிக்கப்படுகிறது.
  2. கூடுதல் கட்டணம் நிதி ஆணையப் பகிர்வின்படி மாநிலங்களுடன் பகிரப்படுகிறது.
  3. ஒன்றியக் கூடுதல் கட்டணம் உறுப்பு 271-இல் இடம்பெறுகிறது.

Correct Answer: B [1, 3 மட்டும்]

விளக்கம்:

மேல்வரி (Cess) கல்வி, சுகாதாரம் போன்ற குறிப்பிட்ட நோக்கத்துக்காக விதிக்கப்படுகிறது; ஒன்றியக் கூடுதல் கட்டணம் உறுப்பு 271-இல் உள்ளது, எனவே 1, 3 சரி. உறுப்பு 270(1)-இன்படி மேல்வரியும் கூடுதல் கட்டணமும் மாநிலங்களுடன் பகிரப்படுவதில்லை; எனவே கூற்று 2 தவறு.

18.  
வாக்னர் விதி கூறுவது:

Correct Answer: C [தொழில்மயமாதலுடன் பொதுச் செலவு நாட்டு வருமானத்தைவிட வேகமாக உயரும்]

விளக்கம்:

ஜெர்மானியப் பொருளியலாளர் அடால்ஃப் வாக்னரின் விதிப்படி, தொழில்மயமாதலுடன் அரசின் பணிகள் விரிவடைவதால் பொதுச் செலவு நாட்டு வருமானத்தைவிட வேகமாக உயரும். நெருக்கடியில் படிக்கட்டு போல உயர்வது பீகாக்–வைஸ்மேன் கருதுகோள்; ‘அளிப்பு தனக்கான தேவையை உருவாக்கும்’ என்பது சே விதி.

19.  
பின்வருவனவற்றில் வருவாய்ச் செலவு எது?

Correct Answer: D [அரசு ஊழியர் ஊதியம்]

விளக்கம்:

அரசு ஊழியர் ஊதியம் எந்தச் சொத்தையும் உருவாக்காத, ஆண்டுதோறும் தொடரும் செலவு என்பதால் அது வருவாய்ச் செலவு. பாலம், அணை கட்டுதல், மாநிலங்களுக்குக் கடன் வழங்குதல் ஆகியவை சொத்தை உருவாக்குவதால் மூலதனச் செலவுகள்.

20.  
அரசியலமைப்பு உறுப்புகளைப் பொருத்துக:
a. உறுப்பு 110 1. எதிர்பாரா நிதி
b. உறுப்பு 114 2. கணக்கு வாக்கெடுப்பு
c. உறுப்பு 116 3. ஒதுக்கீட்டு மசோதா
d. உறுப்பு 267 4. பண மசோதா

Correct Answer: A [4 3 2 1]

விளக்கம்:

110 பண மசோதா, 114 ஒதுக்கீட்டு மசோதா, 116 கணக்கு வாக்கெடுப்பு, 267 எதிர்பாரா நிதி.

? இந்த வினாக்களுக்கான முழு பாடமும் விளக்கமும் – இந்தியப் பொருளாதாரம் PDF பாடநூல் (₹299): www.shanmugamiasacademy.in/study-materials/tnpsc-gs-unit-5-indian-economy

📘 M07-த · இந்தியப் பொருளாதாரம் – TNPSC குரூப் 2/2A Mains (தமிழ்)
இங்கே ஒரு வரி விளக்கம் மட்டும். 15 அத்தியாயங்கள் · 382 சுயமதிப்பீட்டு வினாக்கள் · 30 விரிந்துரைப் பயிற்சி வினாக்கள் · 22 அகாடமி மாதிரி விடைகள்
புத்தகத்தைப் பெற – ₹249 ₹499 →
மதிப்பெண்: 0 விடையளித்தவை: 0 / 0